5. அசேலகவக்³கோ³

94. அசேலகஸ்ஸ வா பரிப்³பா³ஜகஸ்ஸ வா பரிப்³பா³ஜிகாய வா ஸஹத்தா² கா²த³னீயம் வா போ⁴ஜனீயம் வா தே³ந்தஸ்ஸ பாசித்தியம் கத்த² பஞ்ஞத்தந்தி? வேஸாலியம் பஞ்ஞத்தம். கம் ஆரப்³பா⁴தி? ஆயஸ்மந்தம் ஆனந்த³ம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா ஆனந்தோ³ அஞ்ஞதரிஸ்ஸா பரிப்³பா³ஜிகாய ஏகம் மஞ்ஞமானோ த்³வே பூவே அதா³ஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

95. பி⁴க்கு²ம் ‘‘ஏஹாவுஸோ, கா³மம் வா நிக³மம் வா பிண்டா³ய பவிஸிஸ்ஸாமா’’தி தஸ்ஸ தா³பேத்வா வா அதா³பேத்வா வா உய்யோஜேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் உபனந்த³ம் ஸக்யபுத்தம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா உபனந்தோ³ ஸக்யபுத்தோ பி⁴க்கு²ம் ‘‘ஏஹாவுஸோ, கா³மம் பிண்டா³ய பவிஸிஸ்ஸாமா’’தி, தஸ்ஸ அதா³பேத்வா உய்யோஜேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

96. ஸபோ⁴ஜனே குலே அனுபக²ஜ்ஜ நிஸஜ்ஜம் கப்பேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் உபனந்த³ம் ஸக்யபுத்தம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா உபனந்தோ³ ஸக்யபுத்தோ ஸபோ⁴ஜனே குலே அனுபக²ஜ்ஜ நிஸஜ்ஜம் கப்பேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

97. மாதுகா³மேன ஸத்³தி⁴ம் ரஹோ படிச்ச²ன்னே ஆஸனே நிஸஜ்ஜம் கப்பேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் உபனந்த³ம் ஸக்யபுத்தம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா உபனந்தோ³ ஸக்யபுத்தோ மாதுகா³மேன ஸத்³தி⁴ம் ரஹோ படிச்ச²ன்னே ஆஸனே நிஸஜ்ஜம் கப்பேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

98. மாதுகா³மேன ஸத்³தி⁴ம் ஏகோ ஏகாய ரஹோ நிஸஜ்ஜம் கப்பேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் உபனந்த³ம் ஸக்யபுத்தம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா உபனந்தோ³ ஸக்யபுத்தோ மாதுகா³மேன ஸத்³தி⁴ம் ஏகோ ஏகாய ரஹோ நிஸஜ்ஜம் கப்பேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

99. நிமந்திதேன ஸப⁴த்தேன ஸந்தம் பி⁴க்கு²ம் அனாபுச்சா² புரேப⁴த்தம் பச்சா²ப⁴த்தம் குலேஸு சாரித்தம் ஆபஜ்ஜந்தஸ்ஸ பாசித்தியம் கத்த² பஞ்ஞத்தந்தி? ராஜக³ஹே பஞ்ஞத்தம். கம் ஆரப்³பா⁴தி? ஆயஸ்மந்தம் உபனந்த³ம் ஸக்யபுத்தம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா உபனந்தோ³ ஸக்யபுத்தோ நிமந்திதோ ஸப⁴த்தோ ஸமானோ புரேப⁴த்தம் பச்சா²ப⁴த்தம் குலேஸு சாரித்தம் ஆபஜ்ஜி, தஸ்மிம் வத்து²ஸ்மிம். ஏகா பஞ்ஞத்தி, சதஸ்ஸோ அனுபஞ்ஞத்தியோ. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி கதி²னகே…பே….

100. ததுத்தரி பே⁴ஸஜ்ஜம் விஞ்ஞாபேந்தஸ்ஸ பாசித்தியம் கத்த² பஞ்ஞத்தந்தி? ஸக்கேஸு பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² மஹானாமேன ஸக்கேன ‘‘அஜ்ஜண்ஹோ, ப⁴ந்தே, ஆக³மேதா²’’தி வுச்சமானா நாக³மேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

101. உய்யுத்தம் ஸேனம் த³ஸ்ஸனாய க³ச்ச²ந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² உய்யுத்தம் ஸேனம் த³ஸ்ஸனாய அக³மம்ஸு, தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

102. அதிரேகதிரத்தம் ஸேனாய வஸந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² அதிரேகதிரத்தம் ஸேனாய வஸிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

103. உய்யோதி⁴கம் க³ச்ச²ந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² உய்யோதி⁴கம் அக³மம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

அசேலகவக்³கோ³ பஞ்சமோ.