4. போ⁴ஜனவக்³கோ³

84. ததுத்தரி ஆவஸத²பிண்ட³ம் பு⁴ஞ்ஜந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² அனுவஸித்வா அனுவஸித்வா ஆவஸத²பிண்ட³ம் பு⁴ஞ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

85. க³ணபோ⁴ஜனே பாசித்தியம் கத்த² பஞ்ஞத்தந்தி? ராஜக³ஹே பஞ்ஞத்தம். கம் ஆரப்³பா⁴தி? தே³வத³த்தம் ஆரப்³ப⁴. கிஸ்மிம் வத்து²ஸ்மிந்தி? தே³வத³த்தோ ஸபரிஸோ குலேஸு விஞ்ஞாபேத்வா விஞ்ஞாபேத்வா பு⁴ஞ்ஜி, தஸ்மிம் வத்து²ஸ்மிம். ஏகா பஞ்ஞத்தி, ஸத்த அனுபஞ்ஞத்தியோ. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

86. பரம்பரபோ⁴ஜனே பாசித்தியம் கத்த² பஞ்ஞத்தந்தி? வேஸாலியம் பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² அஞ்ஞத்ர நிமந்திதா அஞ்ஞத்ர பு⁴ஞ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி, சதஸ்ஸோ அனுபஞ்ஞத்தியோ. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி கதி²னகே…பே….

87. த்³வத்திபத்தபூரே பூவே படிக்³க³ஹேத்வா ததுத்தரி படிக்³க³ண்ஹந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² ந மத்தம் ஜானித்வா படிக்³க³ஹேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

88. பு⁴த்தாவினா பவாரிதேன அனதிரித்தம் கா²த³னீயம் வா போ⁴ஜனீயம் வா பு⁴ஞ்ஜந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² பு⁴த்தாவீ பவாரிதா அஞ்ஞத்ர பு⁴ஞ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி கதி²னகே…பே….

89. பி⁴க்கு²ம் பு⁴த்தாவிம் பவாரிதம் அனதிரித்தேன கா²த³னீயேன வா போ⁴ஜனீயேன வா அபி⁴ஹட்டு²ம் பவாரேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²ம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரோ பி⁴க்கு² பி⁴க்கு²ம் பு⁴த்தாவிம் பவாரிதம் அனதிரித்தேன போ⁴ஜனீயேன அபி⁴ஹட்டு²ம் பவாரேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

90. விகாலே கா²த³னீயம் வா போ⁴ஜனீயம் வா பு⁴ஞ்ஜந்தஸ்ஸ பாசித்தியம் கத்த² பஞ்ஞத்தந்தி? ராஜக³ஹே பஞ்ஞத்தம். கம் ஆரப்³பா⁴தி? ஸத்தரஸவக்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸத்தரஸவக்³கி³யா பி⁴க்கூ² விகாலே போ⁴ஜனம் பு⁴ஞ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

91. ஸன்னிதி⁴காரகம் கா²த³னீயம் வா போ⁴ஜனீயம் வா பு⁴ஞ்ஜந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் பே³லட்ட²ஸீஸம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா பே³லட்ட²ஸீஸோ ஸன்னிதி⁴காரகம் போ⁴ஜனம் பு⁴ஞ்ஜி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

92. பணீதபோ⁴ஜனானி அத்தனோ அத்தா²ய விஞ்ஞாபேத்வா பு⁴ஞ்ஜந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² பணீதபோ⁴ஜனானி அத்தனோ அத்தா²ய விஞ்ஞாபேத்வா பு⁴ஞ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் சதூஹி ஸமுட்டா²னேஹி ஸமுட்டா²தி…பே….

93. அதி³ன்னம் முக²த்³வாரம் ஆஹாரம் ஆஹரந்தஸ்ஸ பாசித்தியம் கத்த² பஞ்ஞத்தந்தி? வேஸாலியம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²ம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரோ பி⁴க்கு² அதி³ன்னம் முக²த்³வாரம் ஆஹாரம் ஆஹரி, தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

போ⁴ஜனவக்³கோ³ சதுத்தோ².