1. பாராஜிககண்ட³ம்

1. பட²மபாராஜிகம்

ஸுதி³ன்னபா⁴ணவாரோ

24. தேன கோ² பன ஸமயேன வேஸாலியா அவிதூ³ரே கலந்த³கா³மோ நாம அத்தி² [கலந்த³கா³மோ நாம ஹோதி (ஸீ.), கலந்த³கா³மோ ஹோதி (ஸ்யா.)]. தத்த² ஸுதி³ன்னோ நாம கலந்த³புத்தோ ஸேட்டி²புத்தோ ஹோதி. அத² கோ² ஸுதி³ன்னோ கலந்த³புத்தோ ஸம்ப³ஹுலேஹி [ஸம்பஹூலேஹி (ஸீ.)] ஸஹாயகேஹி ஸத்³தி⁴ம் வேஸாலிம் அக³மாஸி கேனசிதே³வ கரணீயேன. தேன கோ² பன ஸமயேன ப⁴க³வா மஹதியா பரிஸாய பரிவுதோ த⁴ம்மம் தே³ஸேந்தோ நிஸின்னோ ஹோதி. அத்³த³ஸ கோ² ஸுதி³ன்னோ கலந்த³புத்தோ ப⁴க³வந்தம் மஹதியா பரிஸாய பரிவுதம் த⁴ம்மம் தே³ஸேந்தம் நிஸின்னம். தி³ஸ்வானஸ்ஸ ஏதத³ஹோஸி – ‘‘யம்னூனாஹம்பி த⁴ம்மம் ஸுணேய்ய’’ந்தி. அத² கோ² ஸுதி³ன்னோ கலந்த³புத்தோ யேன ஸா பரிஸா தேனுபஸங்கமி; உபஸங்கமித்வா ஏகமந்தம் நிஸீதி³. ஏகமந்தம் நிஸின்னஸ்ஸ கோ² ஸுதி³ன்னஸ்ஸ கலந்த³புத்தஸ்ஸ ஏதத³ஹோஸி – ‘‘யதா² யதா² கோ² அஹம் ப⁴க³வதா த⁴ம்மம் தே³ஸிதம் ஆஜானாமி, நயித³ம் ஸுகரம் அகா³ரம் அஜ்ஜா²வஸதா ஏகந்தபரிபுண்ணம் ஏகந்தபரிஸுத்³த⁴ம் ஸங்க²லிகி²தம் ப்³ரஹ்மசரியம் சரிதும்; யம்னூனாஹம் கேஸமஸ்ஸும் ஓஹாரேத்வா காஸாயானி வத்தா²னி அச்சா²தே³த்வா அகா³ரஸ்மா அனகா³ரியம் பப்³ப³ஜேய்ய’’ந்தி. அத² கோ² ஸா பரிஸா ப⁴க³வதா த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹம்ஸிதா உட்டா²யாஸனா ப⁴க³வந்தம் அபி⁴வாதே³த்வா பத³க்கி²ணம் கத்வா பக்காமி.

25. அத² கோ² ஸுதி³ன்னோ கலந்த³புத்தோ அசிரவுட்டி²தாய பரிஸாய யேன ப⁴க³வா தேனுபஸங்கமி; உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³. ஏகமந்தம் நிஸின்னோ கோ² ஸுதி³ன்னோ கலந்த³புத்தோ ப⁴க³வந்தம் ஏதத³வோச – ‘‘யதா² யதா²ஹம், ப⁴ந்தே, ப⁴க³வதா த⁴ம்மம் தே³ஸிதம் ஆஜானாமி, நயித³ம் ஸுகரம் அகா³ரம் அஜ்ஜா²வஸதா ஏகந்தபரிபுண்ணம் ஏகந்தபரிஸுத்³த⁴ம் ஸங்க²லிகி²தம் ப்³ரஹ்மசரியம் சரிதும்; இச்சா²மஹம், ப⁴ந்தே, கேஸமஸ்ஸும் ஓஹாரேத்வா காஸாயானி வத்தா²னி அச்சா²தே³த்வா அகா³ரஸ்மா அனகா³ரியம் பப்³ப³ஜிதும். பப்³பா³ஜேது மம் ப⁴க³வா’’தி. ‘‘அனுஞ்ஞாதோஸி பன த்வம், ஸுத்³தி³ன்ன, மாதாபிதூஹி அகா³ரஸ்மா அனகா³ரியம் பப்³ப³ஜ்ஜாயா’’தி? ‘‘ந கோ² அஹம், ப⁴ந்தே, அனுஞ்ஞாதோ மாதாபிதூஹி அகா³ரஸ்மா அனகா³ரியம் பப்³ப³ஜ்ஜாயா’’தி. ‘‘ந கோ², ஸுதி³ன்ன, ததா²க³தா அனனுஞ்ஞாதம் மாதாபிதூஹி புத்தம் பப்³பா³ஜேந்தீ’’தி. ‘‘ஸோஹம், ப⁴ந்தே, ததா² கரிஸ்ஸாமி யதா² மம் மாதாபிதரோ அனுஜானிஸ்ஸந்தி அகா³ரஸ்மா அனகா³ரியம் பப்³ப³ஜ்ஜாயா’’தி.

26. அத² கோ² ஸுதி³ன்னோ கலந்த³புத்தோ வேஸாலியம் தம் கரணீயம் தீரேத்வா யேன கலந்த³கா³மோ யேன மாதாபிதரோ தேனுபஸங்கமி; உபஸங்கமித்வா மாதாபிதரோ ஏதத³வோச – ‘‘அம்மதாதா, யதா² யதா²ஹம் ப⁴க³வதா த⁴ம்மம் தே³ஸிதம் ஆஜானாமி, நயித³ம் ஸுகரம் அகா³ரம் அஜ்ஜா²வஸதா ஏகந்தபரிபுண்ணம் ஏகந்தபரிஸுத்³த⁴ம் ஸங்க²லிகி²தம் ப்³ரஹ்மசரியம் சரிதும்; இச்சா²மஹம் கேஸமஸ்ஸும் ஓஹாரேத்வா காஸாயானி வத்தா²னி அச்சா²தே³த்வா அகா³ரஸ்மா அனகா³ரியம் பப்³ப³ஜிதும். அனுஜானாத² மம் அகா³ரஸ்மா அனகா³ரியம் பப்³ப³ஜ்ஜாயா’’தி. ஏவம் வுத்தே ஸுதி³ன்னஸ்ஸ கலந்த³புத்தஸ்ஸ மாதாபிதரோ ஸுதி³ன்னம் கலந்த³புத்தம் ஏதத³வோசும் – ‘‘த்வம் கோ²ஸி, தாத ஸுதி³ன்ன, அம்ஹாகம் ஏகபுத்தகோ பியோ மனாபோ ஸுகே²தி⁴தோ ஸுக²பரிஹதோ. ந த்வம், தாத ஸுதி³ன்ன, கிஞ்சி து³க்க²ஸ்ஸ ஜானாஸி. மரணேனபி மயம் தே அகாமகா வினா ப⁴விஸ்ஸாம, கிம் பன மயம் தம் ஜீவந்தம் அனுஜானிஸ்ஸாம அகா³ரஸ்மா அனகா³ரியம் பப்³ப³ஜ்ஜாயா’’தி. து³தியம்பி கோ² ஸுதி³ன்னோ கலந்த³புத்தோ மாதாபிதரோ ஏதத³வோச – ‘‘அம்மதாதா, யதா² யதா²ஹம் ப⁴க³வதா த⁴ம்மம் தே³ஸிதம் ஆஜானாமி, நயித³ம் ஸுகரம் அகா³ரம் அஜ்ஜா²வஸதா ஏகந்தபரிபுண்ணம் ஏகந்தபரிஸுத்³த⁴ம் ஸங்க²லிகி²தம் ப்³ரஹ்மசரியம் சரிதும்; இச்சா²மஹம் கேஸமஸ்ஸும் ஓஹாரேத்வா காஸாயானி வத்தா²னி அச்சா²தே³த்வா அகா³ரஸ்மா அனகா³ரியம் பப்³ப³ஜிதும். அனுஜானாத² மம் அகா³ரஸ்மா அனகா³ரியம் பப்³ப³ஜ்ஜாயா’’தி. து³தியம்பி கோ² ஸுதி³ன்னஸ்ஸ கலந்த³புத்தஸ்ஸ மாதாபிதரோ ஸுதி³ன்னம் கலந்த³புத்தம் ஏதத³வோசும் – ‘‘த்வம் கோ²ஸி, தாத ஸுதி³ன்ன, அம்ஹாகம் ஏகபுத்தகோ பியோ மனாபோ ஸுகே²தி⁴தோ ஸுக²பரிஹதோ. ந த்வம், தாத ஸுதி³ன்ன, கிஞ்சி து³க்க²ஸ்ஸ ஜானாஸி. மரணேனபி மயம் தே அகாமகா வினா ப⁴விஸ்ஸாம, கிம் பன மயம் தம் ஜீவந்தம் அனுஜானிஸ்ஸாம அகா³ரஸ்மா அனகா³ரியம் பப்³ப³ஜ்ஜாயா’’தி! ததியம்பி கோ² ஸுதி³ன்னோ கலந்த³புத்தோ மாதாபிதரோ ஏதத³வோச – ‘‘அம்மதாதா, யதா² யதா²ஹம் ப⁴க³வதா த⁴ம்மம் தே³ஸிதம் ஆஜானாமி, நயித³ம் ஸுகரம் அகா³ரம் அஜ்ஜா²வஸதா ஏகந்தபரிபுண்ணம் ஏகந்தபரிஸுத்³த⁴ம் ஸங்க²லிகி²தம் ப்³ரஹ்மசரியம் சரிதும்; இச்சா²மஹம் கேஸமஸ்ஸும் ஓஹாரேத்வா காஸாயானி வத்தா²னி அச்சா²தே³த்வா அகா³ரஸ்மா அனகா³ரியம் பப்³ப³ஜிதும். அனுஜானாத² மம் அகா³ரஸ்மா அனகா³ரியம் பப்³ப³ஜ்ஜாயா’’தி. ததியம்பி கோ² ஸுதி³ன்னஸ்ஸ கலந்த³புத்தஸ்ஸ மாதாபிதரோ ஸுதி³ன்னம் கலந்த³புத்தம் ஏதத³வோசும் – ‘‘த்வம் கோ²ஸி, தாத ஸுதி³ன்ன, அம்ஹாகம் ஏகபுத்தகோ பியோ மனாபோ ஸுகே²தி⁴தோ ஸுக²பரிஹதோ. ந த்வம், தாத ஸுதி³ன்ன, கிஞ்சி து³க்க²ஸ்ஸ ஜானாஸி. மரணேனபி மயம் தே அகாமகா வினா ப⁴விஸ்ஸாம, கிம் பன மயம் தம் ஜீவந்தம் அனுஜானிஸ்ஸாம அகா³ரஸ்மா அனகா³ரியம் பப்³ப³ஜ்ஜாயா’’தி!

27. அத² கோ² ஸுதி³ன்னோ கலந்த³புத்தோ – ‘‘ந மம் மாதாபிதரோ அனுஜானந்தி அகா³ரஸ்மா அனகா³ரியம் பப்³ப³ஜ்ஜாயா’’தி, தத்தே²வ அனந்தரஹிதாய பூ⁴மியா நிபஜ்ஜி – இதே⁴வ மே மரணம் ப⁴விஸ்ஸதி பப்³ப³ஜ்ஜா வாதி. அத² கோ² ஸுதி³ன்னோ கலந்த³புத்தோ ஏகம்பி ப⁴த்தம் ந பு⁴ஞ்ஜி, த்³வேபி ப⁴த்தானி ந பு⁴ஞ்ஜி, தீணிபி ப⁴த்தானி ந பு⁴ஞ்ஜி, சத்தாரிபி ப⁴த்தானி ந பு⁴ஞ்ஜி, பஞ்சபி ப⁴த்தானி ந பு⁴ஞ்ஜி, ச²பி ப⁴த்தானி ந பு⁴ஞ்ஜி, ஸத்தபி ப⁴த்தானி ந பு⁴ஞ்ஜி.

28. அத² கோ² ஸுதி³ன்னஸ்ஸ கலந்த³புத்தஸ்ஸ மாதாபிதரோ ஸுதி³ன்னம் கலந்த³புத்தம் ஏதத³வோசும் – ‘‘த்வம் கோ²ஸி, தாத ஸுதி³ன்ன, அம்ஹாகம் ஏகபுத்தகோ பியோ மனாபோ ஸுகே²தி⁴தோ ஸுக²பரிஹதோ. ந த்வம், தாத ஸுதி³ன்ன, கிஞ்சி து³க்க²ஸ்ஸ ஜானாஸி. மரணேனபி மயம் தே அகாமகா வினா ப⁴விஸ்ஸாம, கிம் பன மயம் தம் ஜீவந்தம் அனுஜானிஸ்ஸாம அகா³ரஸ்மா அனகா³ரியம் பப்³ப³ஜ்ஜாய? உட்டே²ஹி, தாத ஸுதி³ன்ன, பு⁴ஞ்ஜ ச பிவ ச பரிசாரேஹி ச, பு⁴ஞ்ஜந்தோ பிவந்தோ பரிசாரேந்தோ காமே பரிபு⁴ஞ்ஜந்தோ புஞ்ஞானி கரோந்தோ அபி⁴ரமஸ்ஸு. ந தம் மயம் அனுஜானாம அகா³ரஸ்மா அனகா³ரியம் பப்³ப³ஜ்ஜாயா’’தி. ஏவம் வுத்தே ஸுதி³ன்னோ கலந்த³புத்தோ துண்ஹீ அஹோஸி. து³தியம்பி கோ²…பே… ததியம்பி கோ² ஸுதி³ன்னஸ்ஸ கலந்த³புத்தஸ்ஸ மாதாபிதரோ ஸுதி³ன்னம் கலந்த³புத்தம் ஏதத³வோசும் – ‘‘த்வம் கோ²ஸி, தாத ஸுதி³ன்ன, அம்ஹாகம் ஏகபுத்தகோ பியோ மனாபோ ஸுகே²தி⁴தோ ஸுக²பரிஹதோ. ந த்வம், தாத ஸுதி³ன்ன, கிஞ்சி து³க்க²ஸ்ஸ ஜானாஸி. மரணேனபி மயம் தே அகாமகா வினா ப⁴விஸ்ஸாம, கிம் பன மயம் தம் ஜீவந்தம் அனுஜானிஸ்ஸாம அகா³ரஸ்மா அனகா³ரியம் பப்³ப³ஜ்ஜாய! உட்டே²ஹி, தாத ஸுதி³ன்ன, பு⁴ஞ்ஜ ச பிவ ச பரிசாரேஹி ச, பு⁴ஞ்ஜந்தோ பிவந்தோ பரிசாரேந்தோ காமே பரிபு⁴ஞ்ஜந்தோ புஞ்ஞானி கரோந்தோ அபி⁴ரமஸ்ஸு. ந தம் மயம் அனுஜானாம அகா³ரஸ்மா அனகா³ரியம் பப்³ப³ஜ்ஜாயா’’தி. ததியம்பி கோ² ஸுதி³ன்னோ கலந்த³புத்தோ துண்ஹீ அஹோஸி.

அத² கோ² ஸுதி³ன்னஸ்ஸ கலந்த³புத்தஸ்ஸ ஸஹாயகா யேன ஸுதி³ன்னோ கலந்த³புத்தோ தேனுபஸங்கமிம்ஸு; உபஸங்கமித்வா ஸுதி³ன்னம் கலந்த³புத்தம் ஏதத³வோசும் – ‘‘த்வம் கோ²ஸி, ஸம்ம ஸுதி³ன்ன, மாதாபிதூனம் ஏகபுத்தகோ பியோ மனாபோ ஸுகே²தி⁴தோ ஸுக²பரிஹதோ. ந த்வம், ஸம்ம ஸுதி³ன்ன, கிஞ்சி து³க்க²ஸ்ஸ ஜானாஸி. மரணேனபி தே மாதாபிதரோ அகாமகா வினா ப⁴விஸ்ஸந்தி, கிம் பன தம் ஜீவந்தம் அனுஜானிஸ்ஸந்தி அகா³ரஸ்மா அனகா³ரியம் பப்³ப³ஜாய! உட்டே²ஹி, ஸம்ம ஸுதி³ன்ன, பு⁴ஞ்ஜ ச பிவ ச பரிசாரேஹி ச, பு⁴ஞ்ஜந்தோ பிவந்தோ பரிசாரேந்தோ காமே பரிபு⁴ஞ்ஜந்தோ புஞ்ஞானி கரோந்தோ அபி⁴ரமஸ்ஸு, ந தம் மாதாபிதரோ அனுஜானிஸ்ஸந்தி அகா³ரஸ்மா அனகா³ரியம் பப்³ப³ஜ்ஜாயா’’தி. ஏவம் வுத்தே, ஸுதி³ன்னோ கலந்த³புத்தோ துண்ஹீ அஹோஸி. து³தியம்பி கோ²…பே… ததியம்பி கோ² ஸுதி³ன்னஸ்ஸ கலந்த³புத்தஸ்ஸ ஸஹாயகா ஸுதி³ன்னம் கலந்த³புத்தம் ஏதத³வோசும் – ‘‘த்வம் கோ²ஸி, ஸம்ம ஸுதி³ன்ன…பே… ததியம்பி கோ² ஸுதி³ன்னோ கலந்த³புத்தோ துண்ஹீ அஹோஸி.

29. அத² கோ² ஸுதி³ன்னஸ்ஸ கலந்த³புத்தஸ்ஸ ஸஹாயகா யேன ஸுதி³ன்னஸ்ஸ கலந்த³புத்தஸ்ஸ மாதாபிதரோ தேனுபஸங்கமிம்ஸு; உபஸங்கமித்வா ஸுதி³ன்னஸ்ஸ கலந்த³புத்தஸ்ஸ மாதாபிதரோ ஏதத³வோசும் – ‘‘அம்மதாதா, ஏஸோ ஸுதி³ன்னோ அனந்தரஹிதாய பூ⁴மியா நிபன்னோ – ‘இதே⁴வ மே மரணம் ப⁴விஸ்ஸதி பப்³ப³ஜ்ஜா வா’தி. ஸசே தும்ஹே ஸுதி³ன்னம் நானுஜானிஸ்ஸத² அகா³ரஸ்மா அனகா³ரியம் பப்³ப³ஜ்ஜாய, தத்தே²வ மரணம் ஆக³மிஸ்ஸதி. ஸசே பன தும்ஹே ஸுதி³ன்னம் அனுஜானிஸ்ஸத² அகா³ரஸ்மா அனகா³ரியம் பப்³ப³ஜ்ஜாய, பப்³ப³ஜிதம்பி நம் த³க்கி²ஸ்ஸத². ஸசே ஸுதி³ன்னோ நாபி⁴ரமிஸ்ஸதி அகா³ரஸ்மா அனகா³ரியம் பப்³ப³ஜ்ஜாய, கா தஸ்ஸ அஞ்ஞா க³தி ப⁴விஸ்ஸதி, இதே⁴வ பச்சாக³மிஸ்ஸதி. அனுஜானாத² ஸுதி³ன்னம் அகா³ரஸ்மா அனகா³ரியம் பப்³ப³ஜ்ஜாயா’’தி. ‘‘அனுஜானாம, தாதா, ஸுதி³ன்னம் அகா³ரஸ்மா அனகா³ரியம் பப்³ப³ஜ்ஜாயா’’தி. அத² கோ² ஸுதி³ன்னஸ்ஸ கலந்த³புத்தஸ்ஸ ஸஹாயகா யேன ஸுதி³ன்னோ கலந்த³புத்தோ தேனுபஸங்கமிம்ஸு; உபஸங்கமித்வா ஸுதி³ன்னம் கலந்த³புத்தம் ஏதத³வோசும் – ‘‘உட்டே²ஹி, ஸம்ம ஸுதி³ன்ன, அனுஞ்ஞாதோஸி மாதாபிதூஹி அகா³ரஸ்மா அனகா³ரியம் பப்³ப³ஜ்ஜாயா’’தி.

30. அத² கோ² ஸுதி³ன்னோ கலந்த³புத்தோ – ‘‘அனுஞ்ஞாதோம்ஹி கிர மாதாபிதூஹி அகா³ரஸ்மா அனகா³ரியம் பப்³ப³ஜ்ஜாயா’’தி, ஹட்டோ² உத³க்³கோ³ பாணினா க³த்தானி பரிபுஞ்ச²ந்தோ வுட்டா²ஸி. அத² கோ² ஸுதி³ன்னோ கலந்த³புத்தோ கதிபாஹம் ப³லம் கா³ஹேத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³. ஏகமந்தம் நிஸன்னோ கோ² ஸுதி³ன்னோ கலந்த³புத்தோ ப⁴க³வந்தம் ஏதத³வோச – ‘‘அனுஞ்ஞாதோ [அனுஞ்ஞாதோம்ஹி (ஸீ. ஸ்யா.)] அஹம், ப⁴ந்தே, மாதாபிதூஹி அகா³ரஸ்மா அனகா³ரியம் பப்³ப³ஜ்ஜாய. பப்³பா³ஜேது மம் ப⁴க³வா’’தி. அலத்த² கோ² ஸுதி³ன்னோ கலந்த³புத்தோ ப⁴க³வதோ ஸந்திகே பப்³ப³ஜ்ஜம், அலத்த² உபஸம்பத³ம். அசிரூபஸம்பன்னோ ச பனாயஸ்மா ஸுதி³ன்னோ ஏவரூபே து⁴தகு³ணே ஸமாதா³ய வத்ததி, ஆரஞ்ஞிகோ ஹோதி பிண்ட³பாதிகோ பம்ஸுகூலிகோ ஸபதா³னசாரிகோ, அஞ்ஞதரம் வஜ்ஜிகா³மம் உபனிஸ்ஸாய விஹரதி.

தேன கோ² பன ஸமயேன வஜ்ஜீ து³ப்³பி⁴க்கா² ஹோதி த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதும். அத² கோ² ஆயஸ்மதோ ஸுதி³ன்னஸ்ஸ ஏதத³ஹோஸி – ‘‘ஏதரஹி கோ² வஜ்ஜீ து³ப்³பி⁴க்கா² த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதும். ப³ஹூ கோ² பன மே வேஸாலியம் ஞாதீ அட்³டா⁴ மஹத்³த⁴னா மஹாபோ⁴கா³ பஹூதஜாதரூபரஜதா பஹூதவித்தூபகரணா பஹூதத⁴னத⁴ஞ்ஞா. யம்னூனாஹம் ஞாதீ உபனிஸ்ஸாய விஹரேய்யம்! ஞாதீ மம் [ஞாதகாபி மம் (ஸ்யா.)] நிஸ்ஸாய தா³னானி த³ஸ்ஸந்தி புஞ்ஞானி கரிஸ்ஸந்தி, பி⁴க்கூ² ச லாப⁴ம் லச்ச²ந்தி, அஹஞ்ச பிண்ட³கேன ந கிலமிஸ்ஸாமீ’’தி. அத² கோ² ஆயஸ்மா ஸுதி³ன்னோ ஸேனாஸனம் ஸம்ஸாமேத்வா பத்தசீவரமாதா³ய யேன வேஸாலீ தேன பக்காமி. அனுபுப்³பே³ன யேன வேஸாலீ தத³வஸரி. தத்ர ஸுத³ம் ஆயஸ்மா ஸுதி³ன்னோ வேஸாலியம் விஹரதி மஹாவனே கூடாகா³ரஸாலாயம். அஸ்ஸோஸும் கோ² ஆயஸ்மதோ ஸுதி³ன்னஸ்ஸ ஞாதகா – ‘‘ஸுதி³ன்னோ கிர கலந்த³புத்தோ வேஸாலிம் அனுப்பத்தோ’’தி. தே ஆயஸ்மதோ ஸுதி³ன்னஸ்ஸ ஸட்டி²மத்தே தா²லிபாகே ப⁴த்தாபி⁴ஹாரம் அபி⁴ஹரிம்ஸு. அத² கோ² ஆயஸ்மா ஸுதி³ன்னோ தே ஸட்டி²மத்தே தா²லிபாகே பி⁴க்கூ²னம் விஸ்ஸஜ்ஜேத்வா புப்³ப³ண்ஹஸமயம் நிவாஸேத்வா பத்தசீவரமாதா³ய கலந்த³கா³மம் பிண்டா³ய பாவிஸி. கலந்த³கா³மே ஸபதா³னம் பிண்டா³ய சரமானோ யேன ஸகபிது நிவேஸனம் தேனுபஸங்கமி.

31. தேன கோ² பன ஸமயேன ஆயஸ்மதோ ஸுதி³ன்னஸ்ஸ ஞாதிதா³ஸீ ஆபி⁴தோ³ஸிகம் கும்மாஸம் ச²ட்³டே³துகாமா [ச²ட்டேதுகாமா (க.)] ஹோதி. அத² கோ² ஆயஸ்மா ஸுதி³ன்னோ தம் ஞாதிதா³ஸிம் ஏதத³வோச – ‘‘ஸசே தம், ப⁴கி³னி, ச²ட்³ட³னீயத⁴ம்மம், இத⁴ மே பத்தே ஆகிரா’’தி. அத² கோ² ஆயஸ்மதோ ஸுதி³ன்னஸ்ஸ ஞாதிதா³ஸீ தம் ஆபி⁴தோ³ஸிகம் கும்மாஸம் ஆயஸ்மதோ ஸுதி³ன்னஸ்ஸ பத்தே ஆகிரந்தீ ஹத்தா²னஞ்ச பாதா³னஞ்ச ஸரஸ்ஸ ச நிமித்தம் அக்³க³ஹேஸி. அத² கோ² ஆயஸ்மதோ ஸுதி³ன்னஸ்ஸ ஞாதிதா³ஸீ யேனாயஸ்மதோ ஸுதி³ன்னஸ்ஸ மாதா தேனுபஸங்கமி; உபஸங்கமித்வா ஆயஸ்மதோ ஸுதி³ன்னஸ்ஸ மாதரம் ஏதத³வோச – ‘‘யக்³கே⁴ய்யே, ஜானேய்யாஸி, அய்யபுத்தோ ஸுதி³ன்னோ அனுப்பத்தோ’’தி. ‘‘ஸசே, ஜே, த்வம் ஸச்சம் ப⁴ணஸி, அதா³ஸிம் தம் கரோமீ’’தி.

32. தேன கோ² பன ஸமயேன ஆயஸ்மா ஸுதி³ன்னோ தம் ஆபி⁴தோ³ஸிகம் கும்மாஸம் அஞ்ஞதரம் குட்டமூலம் [குட்³ட³மூலம் (ஸீ. ஸ்யா.)] நிஸ்ஸாய பரிபு⁴ஞ்ஜதி. பிதாபி கோ² ஆயஸ்மதோ ஸுதி³ன்னஸ்ஸ கம்மந்தா ஆக³ச்ச²ந்தோ அத்³த³ஸ ஆயஸ்மந்தம் ஸுதி³ன்னம் தம் ஆபி⁴தோ³ஸிகம் கும்மாஸம் அஞ்ஞதரம் குட்டமூலம் நிஸ்ஸாய பரிபு⁴ஞ்ஜந்தம். தி³ஸ்வான யேனாயஸ்மா ஸுதி³ன்னோ தேனுபஸங்கமி; உபஸங்கமித்வா ஆயஸ்மந்தம் ஸுதி³ன்னம் ஏதத³வோச – ‘‘அத்தி² நாம, தாத ஸுதி³ன்ன, ஆபி⁴தோ³ஸிகம் கும்மாஸம் பரிபு⁴ஞ்ஜிஸ்ஸஸி! நனு நாம, தாத ஸுதி³ன்ன, ஸகம் கே³ஹம் க³ந்தப்³ப³’’ந்தி? ‘‘அக³மிம்ஹ [அக³மம்ஹா (க.)] கோ² தே க³ஹபதி, கே³ஹம். ததோயம் ஆபி⁴தோ³ஸிகோ கும்மாஸோ’’தி. அத² கோ² ஆயஸ்மதோ ஸுதி³ன்னஸ்ஸ பிதா ஆயஸ்மதோ ஸுதி³ன்னஸ்ஸ பா³ஹாயம் க³ஹேத்வா ஆயஸ்மந்தம் ஸுதி³ன்னம் ஏதத³வோச – ‘‘ஏஹி, தாத ஸுதி³ன்ன, க⁴ரம் க³மிஸ்ஸாமா’’தி. அத² கோ² ஆயஸ்மா ஸுதி³ன்னோ யேன ஸகபிது நிவேஸனம் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. அத² கோ² ஆயஸ்மதோ ஸுதி³ன்னஸ்ஸ பிதா ஆயஸ்மந்தம் ஸுதி³ன்னம் ஏதத³வோச – ‘‘பு⁴ஞ்ஜ, தாத ஸுதி³ன்னா’’தி. ‘‘அலம், க³ஹபதி, கதம் மே அஜ்ஜ ப⁴த்தகிச்ச’’ந்தி. ‘‘அதி⁴வாஸேஹி, தாத ஸுதி³ன்ன, ஸ்வாதனாய ப⁴த்த’’ந்தி. அதி⁴வாஸேஸி கோ² ஆயஸ்மா ஸுதி³ன்னோ துண்ஹீபா⁴வேன. அத² கோ² ஆயஸ்மா ஸுதி³ன்னோ உட்டா²யாஸனா பக்காமி.

33. அத² கோ² ஆயஸ்மதோ ஸுதி³ன்னஸ்ஸ மாதா தஸ்ஸா ரத்தியா அச்சயேன ஹரிதேன கோ³மயேன பத²விம் ஓபுஞ்ஜாபேத்வா [ஓபுச்சா²பேத்வா (ஸீ. ஸ்யா.)] த்³வே புஞ்ஜே காராபேஸி – ஏகம் ஹிரஞ்ஞஸ்ஸ, ஏகம் ஸுவண்ணஸ்ஸ. தாவ மஹந்தா புஞ்ஜா அஹேஸும், ஓரதோ டி²தோ புரிஸோ பாரதோ டி²தம் புரிஸம் ந பஸ்ஸதி; பாரதோ டி²தோ புரிஸோ ஓரதோ டி²தம் புரிஸம் ந பஸ்ஸதி. தே புஞ்ஜே கிலஞ்ஜேஹி படிச்சா²தா³பேத்வா மஜ்ஜே² ஆஸனம் பஞ்ஞாபேத்வா திரோகரணீயம் பரிக்கி²பித்வா ஆயஸ்மதோ ஸுதி³ன்னஸ்ஸ புராணது³தியிகம் ஆமந்தேஸி – ‘‘தேன ஹி, வது⁴, யேன அலங்காரேன அலங்கதா புத்தஸ்ஸ மே ஸுதி³ன்னஸ்ஸ பியா அஹோஸி மனாபா தேன அலங்காரேன அலங்கரா’’தி. ‘‘ஏவம், அய்யே’’தி, கோ² ஆயஸ்மதோ ஸுதி³ன்னஸ்ஸ புராணது³தியிகா ஆயஸ்மதோ ஸுதி³ன்னஸ்ஸ மாதுயா பச்சஸ்ஸோஸி.

34. அத² கோ² ஆயஸ்மா ஸுதி³ன்னோ புப்³ப³ண்ஹஸமயம் நிவாஸேத்வா பத்தசீவரமாதா³ய யேன ஸகபிது நிவேஸனம் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. அத² கோ² ஆயஸ்மதோ ஸுதி³ன்னஸ்ஸ பிதா யேனாயஸ்மா ஸுதி³ன்னோ தேனுபஸங்கமி; உபஸங்கமித்வா தே புஞ்ஜே விவராபேத்வா ஆயஸ்மந்தம் ஸுதி³ன்னம் ஏதத³வோச – ‘‘இத³ம் தே, தாத ஸுதி³ன்ன, மாது மத்திகம் இத்தி²காய இத்தி²த⁴னம், அஞ்ஞம் பேத்திகம் அஞ்ஞம் பிதாமஹம். லப்³பா⁴, தாத ஸுதி³ன்ன, ஹீனாயாவத்தித்வா போ⁴கா³ ச பு⁴ஞ்ஜிதும் புஞ்ஞானி ச காதும். ஏஹி த்வம், தாத ஸுதி³ன்ன, ஹீனாயாவத்தித்வா போ⁴கே³ ச பு⁴ஞ்ஜஸ்ஸு புஞ்ஞானி ச கரோஹீ’’தி. ‘‘தாத, ந உஸ்ஸஹாமி ந விஸஹாமி, அபி⁴ரதோ அஹம் ப்³ரஹ்மசரியம் சராமீ’’தி. து³தியம்பி கோ²…பே… ததியம்பி கோ² ஆயஸ்மதோ ஸுதி³ன்னஸ்ஸ பிதா ஆயஸ்மந்தம் ஸுதி³ன்னம் ஏதத³வோச – ‘‘இத³ம் தே, தாத ஸுதி³ன்ன, மாது மத்திகம், இத்தி²காய இத்தி²த⁴னம், அஞ்ஞம் பேத்திகம், அஞ்ஞம் பிதாமஹம். லப்³பா⁴, தாத ஸுதி³ன்ன, ஹீனாயாவத்தித்வா போ⁴கா³ ச பு⁴ஞ்ஜிதும் புஞ்ஞானி ச காதும். ஏஹி த்வம், தாத ஸுதி³ன்ன, ஹீனாயாவத்தித்வா போ⁴கே³ ச பு⁴ஞ்ஜஸ்ஸு புஞ்ஞானி ச கரோஹீ’’தி. ‘‘வதே³ய்யாம கோ² தம், க³ஹபதி, ஸசே த்வம் நாதிகட்³டே⁴ய்யாஸீ’’தி. ‘‘வதே³ஹி, தாத ஸுதி³ன்னா’’தி. தேன ஹி த்வம், க³ஹபதி, மஹந்தே மஹந்தே ஸாணிபஸிப்³ப³கே காராபேத்வா ஹிரஞ்ஞஸுவண்ணஸ்ஸ பூராபேத்வா ஸகடேஹி நிப்³பா³ஹாபேத்வா மஜ்ஜே² க³ங்கா³ய ஸோதே ஓபாதேஹி [ஓஸாதே³ஹி (ஸீ. ஸ்யா.)]. தம் கிஸ்ஸ ஹேது? யஞ்ஹி தே, க³ஹபதி, ப⁴விஸ்ஸதி ததோனிதா³னம் ப⁴யம் வா ச²ம்பி⁴தத்தம் வா லோமஹம்ஸோ வா ஆரக்கோ² வா ஸோ தே ந ப⁴விஸ்ஸதீ’’தி. ஏவம் வுத்தே, ஆயஸ்மதோ ஸுதி³ன்னஸ்ஸ பிதா அனத்தமனோ அஹோஸி – ‘‘கத²ஞ்ஹி நாம புத்தோ ஸுதி³ன்னோ ஏவம் வக்க²தீ’’தி!

35. அத² கோ² ஆயஸ்மதோ ஸுதி³ன்னஸ்ஸ பிதா ஆயஸ்மதோ ஸுதி³ன்னஸ்ஸ புராணது³தியிகம் ஆமந்தேஸி – ‘‘தேன ஹி, வது⁴, த்வம் பியா ச மனாபா ச [த்வம்பி யாச (ஸீ.)]. அப்பேவ நாம புத்தோ ஸுதி³ன்னோ துய்ஹம்பி வசனம் கரேய்யா’’தி! அத² கோ² ஆயஸ்மதோ ஸுதி³ன்னஸ்ஸ புராணது³தியிகா ஆயஸ்மதோ ஸுதி³ன்னஸ்ஸ பாதே³ஸு க³ஹேத்வா ஆயஸ்மந்தம் ஸுதி³ன்னம் ஏதத³வோச – ‘‘கீதி³ஸா நாம தா, அய்யபுத்த, அச்ச²ராயோ யாஸம் த்வம் ஹேது ப்³ரஹ்மசரியம் சரஸீ’’தி? ‘‘ந கோ² அஹம், ப⁴கி³னி, அச்ச²ரானம் ஹேது ப்³ரஹ்மசரியம் சராமீ’’தி. அத² கோ² ஆயஸ்மதோ ஸுதி³ன்னஸ்ஸ புராணது³தியிகா – ‘‘அஜ்ஜதக்³கே³ மம் அய்யபுத்தோ ஸுதி³ன்னோ ப⁴கி³னிவாதே³ன ஸமுதா³சரதீ’’தி, தத்தே²வ முச்சி²தா பபதா.

அத² கோ² ஆயஸ்மா ஸுதி³ன்னோ பிதரம் ஏதத³வோச – ‘‘ஸசே, க³ஹபதி, போ⁴ஜனம் தா³தப்³ப³ம் தே³த², மா நோ விஹேட²யித்தா²’’தி. ‘‘பு⁴ஞ்ஜ, தாத ஸுதி³ன்னா’’தி. அத² கோ² ஆயஸ்மதோ ஸுதி³ன்னஸ்ஸ மாதா ச பிதா ச ஆயஸ்மந்தம் ஸுதி³ன்னம் பணீதேன கா²த³னீயேன போ⁴ஜனீயேன ஸஹத்தா² ஸந்தப்பேஸும் ஸம்பவாரேஸும். அத² கோ² ஆயஸ்மதோ ஸுதி³ன்னஸ்ஸ மாதா ஆயஸ்மந்தம் ஸுதி³ன்னம் பு⁴த்தாவிம் ஓனீதபத்தபாணிம் ஏதத³வோச – ‘‘இத³ம், தாத ஸுதி³ன்ன, குலம் அட்³ட⁴ம் மஹத்³த⁴னம் மஹாபோ⁴க³ம் பஹூதஜாதரூபரஜதம் பஹூதவித்தூபகரணம் பஹூதத⁴னத⁴ஞ்ஞம். லப்³பா⁴, தாத ஸுதி³ன்ன, ஹீனாயாவத்தித்வா போ⁴கா³ ச பு⁴ஞ்ஜிதும் புஞ்ஞானி ச காதும். ஏஹி த்வம், தாத ஸுதி³ன்ன, ஹீனாயாவத்தித்வா போ⁴கே³ ச பு⁴ஞ்ஜஸ்ஸு புஞ்ஞானி ச கரோஹீ’’தி. ‘‘அம்ம, ந உஸ்ஸஹாமி ந விஸஹாமி, அபி⁴ரதோ அஹம் ப்³ரஹ்மசரியம் சராமீ’’தி. து³தியம்பி கோ²…பே… ததியம்பி கோ² ஆயஸ்மதோ ஸுதி³ன்னஸ்ஸ மாதா ஆயஸ்மந்தம் ஸுதி³ன்னம் ஏதத³வோச – ‘‘இத³ம், தாத ஸுதி³ன்ன, குலம் அட்³ட⁴ம் மஹத்³த⁴னம் மஹாபோ⁴க³ம் பஹூதஜாதரூபரஜதம் பஹூதவித்தூபகரணம் பஹூதத⁴னத⁴ஞ்ஞம் [பஹூதத⁴னத⁴ஞ்ஞம் (ப. சராமீதி) இதிபாடோ² ஸப்³ப³த்த² நத்தி², ஊனோ மஞ்ஞே]. தேன ஹி, தாத ஸுதி³ன்ன, பீ³ஜகம்பி தே³ஹி – மா நோ அபுத்தகம் ஸாபதேய்யம் லிச்ச²வயோ அதிஹராபேஸு’’ந்தி. ‘‘ஏதம் கோ² மே, அம்ம, ஸக்கா காது’’ந்தி. ‘‘கஹம் பன, தாத ஸுதி³ன்ன, ஏதரஹி விஹரஸீ’’தி? ‘‘மஹாவனே, அம்மா’’தி. அத² கோ² ஆயஸ்மா ஸுதி³ன்னோ உட்டா²யாஸனா பக்காமி.

36. அத² கோ² ஆயஸ்மதோ ஸுதி³ன்னஸ்ஸ மாதா ஆயஸ்மதோ ஸுதி³ன்னஸ்ஸ புராணது³தியிகம் ஆமந்தேஸி – ‘‘தேன ஹி, வது⁴, யதா³ உதுனீ ஹோஸி, புப்ப²ம் தே உப்பன்னம் ஹோதி, அத² மே ஆரோசேய்யாஸீ’’தி. ‘‘ஏவம் அய்யே’’தி கோ² ஆயஸ்மதோ ஸுதி³ன்னஸ்ஸ புராணது³தியிகா ஆயஸ்மதோ ஸுதி³ன்னஸ்ஸ மாதுயா பச்சஸ்ஸோஸி. அத² கோ² ஆயஸ்மதோ ஸுதி³ன்னஸ்ஸ புராணது³தியிகா நசிரஸ்ஸேவ உதுனீ அஹோஸி, புப்ப²ம்ஸா உப்பஜ்ஜி. அத² கோ² ஆயஸ்மதோ ஸுதி³ன்னஸ்ஸ புராணது³தியிகா ஆயஸ்மதோ ஸுதி³ன்னஸ்ஸ மாதரம் ஏதத³வோச – ‘‘உதுனீம்ஹி, அய்யே, புப்ப²ம் மே உப்பன்ன’’ந்தி. ‘‘தேன ஹி, வது⁴, யேன அலங்காரேன அலங்கதா புத்தஸ்ஸ ஸுதி³ன்னஸ்ஸ பியா அஹோஸி மனாபா தேன அலங்காரேன அலங்கரா’’தி. ‘‘ஏவம் அய்யே’’தி கோ² ஆயஸ்மதோ ஸுதி³ன்னஸ்ஸ புராணது³தியிகா ஆயஸ்மதோ ஸுதி³ன்னஸ்ஸ மாதுயா பச்சஸ்ஸோஸி. அத² கோ² ஆயஸ்மதோ ஸுதி³ன்னஸ்ஸ மாதா ஆயஸ்மதோ ஸுதி³ன்னஸ்ஸ புராணது³தியிகம் ஆதா³ய யேன மஹாவனம் யேனாயஸ்மா ஸுதி³ன்னோ தேனுபஸங்கமி; உபஸங்கமித்வா ஆயஸ்மந்தம் ஸுதி³ன்னம் ஏதத³வோச – ‘‘இத³ம், தாத ஸுதி³ன்ன, குலம் அட்³ட⁴ம் மஹத்³த⁴னம் மஹாபோ⁴க³ம் பஹூதஜாதரூபரஜதம் பஹூதவித்தூபகரணம் பஹூதத⁴னத⁴ஞ்ஞம். லப்³பா⁴, தாத ஸுதி³ன்ன, ஹீனாயாவத்தித்வா போ⁴கா³ ச பு⁴ஞ்ஜிதும் புஞ்ஞானி ச காதும். ஏஹி த்வம், தாத ஸுதி³ன்ன, ஹீனாயாவத்தித்வா போ⁴கே³ ச பு⁴ஞ்ஜஸ்ஸு புஞ்ஞானி ச கரோஹீ’’தி. ‘‘அம்ம, ந உஸ்ஸஹாமி ந விஸஹாமி, அபி⁴ரதோ அஹம் ப்³ரஹ்மசரியம் சராமீ’’தி. து³தியம்பி கோ²…பே… ததியம்பி கோ² ஆயஸ்மதோ ஸுதி³ன்னஸ்ஸ மாதா ஆயஸ்மந்தம் ஸுதி³ன்னம் ஏதத³வோச – ‘‘இத³ம், தாத ஸுதி³ன்ன, குலம் அட்³ட⁴ம் மஹத்³த⁴னம் மஹாபோ⁴க³ம் பஹூதஜாதரூபரஜதம் பஹூதவித்தூபகரணம் பஹூதத⁴னத⁴ஞ்ஞம். தேன ஹி, தாத ஸுதி³ன்ன, பீ³ஜகம்பி தே³ஹி – மா நோ அபுத்தகம் ஸாபதேய்யம் லிச்ச²வயோ அதிஹராபேஸு’’ந்தி. ‘‘ஏதம் கோ² மே, அம்ம, ஸக்கா காது’’ந்தி, புராணது³தியிகாய பா³ஹாயம் க³ஹேத்வா மஹாவனம் அஜ்ஜோ²கா³ஹேத்வா அபஞ்ஞத்தே ஸிக்கா²பதே³ அனாதீ³னவத³ஸ்ஸோ புராணது³தியிகாய திக்க²த்தும் மேது²னம் த⁴ம்மம் அபி⁴விஞ்ஞாபேஸி. ஸா தேன க³ப்³ப⁴ம் க³ண்ஹி. பு⁴ம்மா தே³வா ஸத்³த³மனுஸ்ஸாவேஸும் – ‘‘நிரப்³பு³தோ³ வத, போ⁴, பி⁴க்கு²ஸங்கோ⁴ நிராதீ³னவோ; ஸுதி³ன்னேன கலந்த³புத்தேன அப்³பு³த³ம் உப்பாதி³தம், ஆதீ³னவோ உப்பாதி³தோ’’தி. பு⁴ம்மானம் தே³வானம் ஸத்³த³ம் ஸுத்வா சாதுமஹாராஜிகா [சாதும்மஹாராஜிகா (ஸீ. ஸ்யா.)] தே³வா ஸத்³த³மனுஸ்ஸாவேஸும்…பே… தாவதிம்ஸா தே³வா… யாமா தே³வா … துஸிதா தே³வா… நிம்மானரதீ தே³வா… பரனிம்மிதவஸவத்தீ தே³வா… ப்³ரஹ்மகாயிகா தே³வா ஸத்³த³மனுஸ்ஸாவேஸும் – ‘‘நிரப்³பு³தோ³ வத, போ⁴, பி⁴க்கு²ஸங்கோ⁴ நிராதீ³னவோ; ஸுதி³ன்னேன கலந்த³புத்தேன அப்³பு³த³ம் உப்பாதி³தம், ஆதீ³னவோ உப்பாதி³தோ’’தி. இதிஹ தேன க²ணேன தேன முஹுத்தேன யாவ ப்³ரஹ்மலோகா ஸத்³தோ³ அப்³பு⁴க்³க³ச்சி².

அத² கோ² ஆயஸ்மதோ ஸுதி³ன்னஸ்ஸ புராணது³தியிகா தஸ்ஸ க³ப்³ப⁴ஸ்ஸ பரிபாகமன்வாய புத்தம் விஜாயி. அத² கோ² ஆயஸ்மதோ ஸுதி³ன்னஸ்ஸ ஸஹாயகா தஸ்ஸ தா³ரகஸ்ஸ ‘பீ³ஜகோ’தி நாமம் அகம்ஸு. ஆயஸ்மதோ ஸுதி³ன்னஸ்ஸ புராணது³தியிகாய பீ³ஜகமாதாதி நாமம் அகம்ஸு. ஆயஸ்மதோ ஸுதி³ன்னஸ்ஸ பீ³ஜகபிதாதி நாமம் அகம்ஸு. தே அபரேன ஸமயேன உபோ⁴ அகா³ரஸ்மா அனகா³ரியம் பப்³ப³ஜித்வா அரஹத்தம் ஸச்சா²கம்ஸு.

37. அத² கோ² ஆயஸ்மதோ ஸுதி³ன்னஸ்ஸ அஹுதே³வ குக்குச்சம், அஹு விப்படிஸாரோ – ‘‘அலாபா⁴ வத மே, ந வத மே லாபா⁴! து³ல்லத்³த⁴ம் வத மே, ந வத மே ஸுலத்³த⁴ம்! யோஹம் ஏவம் ஸ்வாக்கா²தே த⁴ம்மவினயே பப்³ப³ஜித்வா நாஸக்கி²ம் யாவஜீவம் பரிபுண்ணம் பரிஸுத்³த⁴ம் ப்³ரஹ்மசரியம் சரிது’’ந்தி. ஸோ தேனேவ குக்குச்சேன தேன விப்படிஸாரேன கிஸோ அஹோஸி லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ அந்தோமனோ லீனமனோ து³க்கீ² து³ம்மனோ விப்படிஸாரீ பஜ்ஜா²யி.

38. அத² கோ² ஆயஸ்மதோ ஸுதி³ன்னஸ்ஸ ஸஹாயகா பி⁴க்கூ² ஆயஸ்மந்தம் ஸுதி³ன்னம் ஏதத³வோசும் – ‘‘புப்³பே³ கோ² த்வம், ஆவுஸோ ஸுதி³ன்ன, வண்ணவா அஹோஸி பீணிந்த்³ரியோ பஸன்னமுக²வண்ணோ விப்பஸன்னச²விவண்ணோ; ஸோ தா³னி த்வம் ஏதரஹி கிஸோ லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ அந்தோமனோ லீனமனோ து³க்கீ² து³ம்மனோ விப்படிஸாரீ பஜ்ஜா²யஸி. கச்சி நோ த்வம், ஆவுஸோ ஸுதி³ன்ன, அனபி⁴ரதோ ப்³ரஹ்மசரியம் சரஸீ’’தி? ‘‘ந கோ² அஹம், ஆவுஸோ, அனபி⁴ரதோ ப்³ரஹ்மசரியம் சராமி. அத்தி² மே பாபகம்மம் கதம்; புராணது³தியிகாய மேது²னோ த⁴ம்மோ படிஸேவிதோ; தஸ்ஸ மய்ஹம், ஆவுஸோ, அஹுதே³வ குக்குச்சம் அஹு விப்படிஸாரோ – ‘அலாபா⁴ வத மே, ந வத மே லாபா⁴; து³ல்லத்³த⁴ம் வத மே, ந வத மே ஸுலத்³த⁴ம்; யோஹம் ஏவம் ஸ்வாக்கா²தே த⁴ம்மவினயே பப்³ப³ஜித்வா நாஸக்கி²ம் யாவஜீவம் பரிபுண்ணம் பரிஸுத்³த⁴ம் ப்³ரஹ்மசரியம் சரிது’’ந்தி. ‘‘அலஞ்ஹி தே, ஆவுஸோ ஸுதி³ன்ன, குக்குச்சாய அலம் விப்படிஸாராய யம் த்வம் ஏவம் ஸ்வாக்கா²தே த⁴ம்மவினயே பப்³ப³ஜித்வா ந ஸக்கி²ஸ்ஸஸி யாவஜீவம் பரிபுண்ணம் பரிஸுத்³த⁴ம் ப்³ரஹ்மசரியம் சரிதும். நனு, ஆவுஸோ, ப⁴க³வதா அனேகபரியாயேன விராகா³ய த⁴ம்மோ தே³ஸிதோ, நோ ஸராகா³ய; விஸம்யோகா³ய த⁴ம்மோ தே³ஸிதோ, நோ ஸம்யோகா³ய; அனுபாதா³னாய த⁴ம்மோ தே³ஸிதோ, நோ ஸஉபாதா³னாய. தத்த² நாம த்வம், ஆவுஸோ, ப⁴க³வதா விராகா³ய த⁴ம்மே தே³ஸிதே ஸராகா³ய சேதேஸ்ஸஸி, விஸம்யோகா³ய த⁴ம்மே தே³ஸிதே ஸம்யோகா³ய சேதேஸ்ஸஸி, அனுபாதா³னாய த⁴ம்மே தே³ஸிதே ஸஉபாதா³னாய சேதேஸ்ஸஸி! நனு, ஆவுஸோ, ப⁴க³வதா அனேகபரியாயேன ராக³விராகா³ய த⁴ம்மோ தே³ஸிதோ, மத³னிம்மத³னாய பிபாஸவினயாய ஆலயஸமுக்³கா⁴தாய வட்டுபச்சே²தா³ய தண்ஹாக்க²யாய விராகா³ய நிரோதா⁴ய நிப்³பா³னாய த⁴ம்மோ தே³ஸிதோ! நனு, ஆவுஸோ, ப⁴க³வதா அனேகபரியாயேன காமானம் பஹானம் அக்கா²தம், காமஸஞ்ஞானம் பரிஞ்ஞா அக்கா²தா, காமபிபாஸானம் படிவினயோ அக்கா²தோ, காமவிதக்கானம் ஸமுக்³கா⁴தோ அக்கா²தோ, காமபரிளாஹானம் வூபஸமோ அக்கா²தோ! நேதம், ஆவுஸோ, அப்பஸன்னானம் வா பஸாதா³ய, பஸன்னானம் வா பி⁴ய்யோபா⁴வாய. அத² க்²வேதம், ஆவுஸோ, அப்பஸன்னானஞ்சேவ அப்பஸாதா³ய பஸன்னானஞ்ச ஏகச்சானம் அஞ்ஞத²த்தாயா’’தி.

39. அத² கோ² தே பி⁴க்கூ² ஆயஸ்மந்தம் ஸுதி³ன்னம் அனேகபரியாயேன விக³ரஹித்வா ப⁴க³வதோ ஏதமத்த²ம் ஆரோசேஸும். அத² கோ² ப⁴க³வா ஏதஸ்மிம் நிதா³னே ஏதஸ்மிம் பகரணே பி⁴க்கு²ஸங்க⁴ம் ஸன்னிபாதாபேத்வா ஆயஸ்மந்தம் ஸுதி³ன்னம் படிபுச்சி² – ‘‘ஸச்சம் கிர த்வம், ஸுதி³ன்ன, புராணது³தியிகாய மேது²னம் த⁴ம்மம் படிஸேவீ’’தி? ‘‘ஸச்சம், ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம் [அனனுச்ச²வியம் (ஸீ.)], மோக⁴புரிஸ, அனனுலோமிகம் அப்படிரூபம் அஸ்ஸாமணகம் அகப்பியம் அகரணீயம். கத²ஞ்ஹி நாம த்வம், மோக⁴புரிஸ, ஏவம் ஸ்வாக்கா²தே த⁴ம்மவினயே பப்³ப³ஜித்வா ந ஸக்கி²ஸ்ஸஸி யாவஜீவம் பரிபுண்ணம் பரிஸுத்³த⁴ம் ப்³ரஹ்மசரியம் சரிதும்! நனு மயா, மோக⁴புரிஸ, அனேகபரியாயேன விராகா³ய த⁴ம்மோ தே³ஸிதோ, நோ ஸராகா³ய; விஸம்யோகா³ய த⁴ம்மோ தே³ஸிதோ, நோ ஸம்யோகா³ய; அனுபாதா³னாய த⁴ம்மோ தே³ஸிதோ, நோ ஸஉபாதா³னாய! தத்த² நாம த்வம், மோக⁴புரிஸ, மயா விராகா³ய த⁴ம்மே தே³ஸிதே ஸராகா³ய சேதேஸ்ஸஸி, விஸம்யோகா³ய த⁴ம்மே தே³ஸிதே ஸம்யோகா³ய சேதேஸ்ஸஸி, அனுபாதா³னாய த⁴ம்மே தே³ஸிதே ஸஉபாதா³னாய சேதேஸ்ஸஸி! நனு மயா, மோக⁴புரிஸ, அனேகபரியாயேன ராக³விராகா³ய த⁴ம்மோ தே³ஸிதோ! மத³னிம்மத³னாய பிபாஸவினயாய ஆலயஸமுக்³கா⁴தாய வட்டுபச்சே²தா³ய தண்ஹாக்க²யாய விராகா³ய நிரோதா⁴ய நிப்³பா³னாய த⁴ம்மோ தே³ஸிதோ! நனு மயா, மோக⁴புரிஸ, அனேகபரியாயேன காமானம் பஹானம் அக்கா²தம், காமஸஞ்ஞானம் பரிஞ்ஞா அக்கா²தா, காமபிபாஸானம் படிவினயோ அக்கா²தோ, காமவிதக்கானம் ஸமுக்³கா⁴தோ அக்கா²தோ, காமபரிளாஹானம் வூபஸமோ அக்கா²தோ! வரம் தே, மோக⁴புரிஸ, ஆஸிவிஸஸ்ஸ [ஆஸீவிஸஸ்ஸ (ஸீ. ஸ்யா.)] கோ⁴ரவிஸஸ்ஸ முகே² அங்க³ஜாதம் பக்கி²த்தம், ந த்வேவ மாதுகா³மஸ்ஸ அங்க³ஜாதே அங்க³ஜாதம் பக்கி²த்தம். வரம் தே, மோக⁴புரிஸ, கண்ஹஸப்பஸ்ஸ முகே² அங்க³ஜாதம் பக்கி²த்தம், ந த்வேவ மாதுகா³மஸ்ஸ அங்க³ஜாதே அங்க³ஜாதம் பக்கி²த்தம். வரம் தே, மோக⁴புரிஸ, அங்கா³ரகாஸுயா ஆதி³த்தாய ஸம்பஜ்ஜலிதாய ஸஜோதிபூ⁴தாய அங்க³ஜாதம் பக்கி²த்தம், ந த்வேவ மாதுகா³மஸ்ஸ அங்க³ஜாதே அங்க³ஜாதம் பக்கி²த்தம். தம் கிஸ்ஸ ஹேது? ததோனிதா³னஞ்ஹி, மோக⁴புரிஸ, மரணம் வா நிக³ச்சே²ய்ய மரணமத்தம் வா து³க்க²ம், ந த்வேவ தப்பச்சயா காயஸ்ஸ பே⁴தா³ பரம் மரணா அபாயம் து³க்³க³திம் வினிபாதம் நிரயம் உபபஜ்ஜேய்ய. இதோனிதா³னஞ்ச கோ², மோக⁴புரிஸ, காயஸ்ஸ பே⁴தா³ பரம் மரணா அபாயம் து³க்³க³திம் வினிபாதம் நிரயம் உபபஜ்ஜேய்ய. தத்த² நாம த்வம், மோக⁴புரிஸ, யம் த்வம் அஸத்³த⁴ம்மம் கா³மத⁴ம்மம் வஸலத⁴ம்மம் து³ட்டு²ல்லம் ஓத³கந்திகம் ரஹஸ்ஸம் த்³வயம்த்³வயஸமாபத்திம் ஸமாபஜ்ஜிஸ்ஸஸி, ப³ஹூனம் கோ² த்வம், மோக⁴புரிஸ, அகுஸலானம் த⁴ம்மானம் ஆதி³கத்தா புப்³ப³ங்க³மோ. நேதம், மோக⁴புரிஸ, அப்பஸன்னானம் வா பஸாதா³ய, பஸன்னானம் வா பி⁴ய்யோபா⁴வாய; அத² க்²வேதம், மோக⁴புரிஸ, அப்பஸன்னானஞ்சேவ அப்பஸாதா³ய, பஸன்னானஞ்ச ஏகச்சானம் அஞ்ஞத²த்தாயா’’தி.

அத² கோ² ப⁴க³வா ஆயஸ்மந்தம் ஸுதி³ன்னம் அனேகபரியாயேன விக³ரஹித்வா து³ப்³ப⁴ரதாய து³ப்போஸதாய மஹிச்ச²தாய அஸந்துட்டி²தாய [அஸந்துட்ட²தாய (ஸ்யா.)] ஸங்க³ணிகாய கோஸஜ்ஜஸ்ஸ அவண்ணம் பா⁴ஸித்வா அனேகபரியாயேன ஸுப⁴ரதாய ஸுபோஸதாய அப்பிச்ச²ஸ்ஸ ஸந்துட்ட²ஸ்ஸ ஸல்லேக²ஸ்ஸ து⁴தஸ்ஸ பாஸாதி³கஸ்ஸ அபசயஸ்ஸ வீரியாரம்ப⁴ஸ்ஸ [வீரியாரப்³ப⁴ஸ்ஸ (க.)] வண்ணம் பா⁴ஸித்வா பி⁴க்கூ²னம் தத³னுச்ச²விகம் தத³னுலோமிகம் த⁴ம்மிம் கத²ம் கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, பி⁴க்கூ²னம் ஸிக்கா²பத³ம் பஞ்ஞபேஸ்ஸாமி [பஞ்ஞாபேஸ்ஸாமி (ஸீ. ஸ்யா.)] த³ஸ அத்த²வஸே படிச்ச – ஸங்க⁴ஸுட்டு²தாய, ஸங்க⁴பா²ஸுதாய, து³ம்மங்கூனம் புக்³க³லானம் நிக்³க³ஹாய, பேஸலானம் பி⁴க்கூ²னம் பா²ஸுவிஹாராய, தி³ட்ட²த⁴ம்மிகானம் ஆஸவானம் ஸம்வராய, ஸம்பராயிகானம் ஆஸவானம் படிகா⁴தாய, அப்பஸன்னானம் பஸாதா³ய, பஸன்னானம் பி⁴ய்யோபா⁴வாய, ஸத்³த⁴ம்மட்டி²தியா, வினயானுக்³க³ஹாய. ஏவஞ்ச பன, பி⁴க்க²வே, இமம் ஸிக்கா²பத³ம் உத்³தி³ஸேய்யாத² –

‘‘யோ பன பி⁴க்கு² மேது²னம் த⁴ம்மம் படிஸேவேய்ய, பாராஜிகோ ஹோதி அஸம்வாஸோ’’தி.

ஏவஞ்சித³ம் ப⁴க³வதா பி⁴க்கூ²னம் ஸிக்கா²பத³ம் பஞ்ஞத்தம் ஹோதி.

ஸுதி³ன்னபா⁴ணவாரோ நிட்டி²தோ.

மக்கடீவத்து²

40. தேன கோ² பன ஸமயேன அஞ்ஞதரோ பி⁴க்கு² வேஸாலியம் மஹாவனே மக்கடிம் ஆமிஸேன உபலாபேத்வா தஸ்ஸா மேது²னம் த⁴ம்மம் படிஸேவதி. அத² கோ² ஸோ பி⁴க்கு² புப்³ப³ண்ஹஸமயம் நிவாஸேத்வா பத்தசீவரம் ஆதா³ய வேஸாலிம் பிண்டா³ய பாவிஸி. தேன கோ² பன ஸமயேன ஸம்ப³ஹுலா பி⁴க்கூ² ஸேனாஸனசாரிகம் ஆஹிண்ட³ந்தா யேன தஸ்ஸ பி⁴க்கு²னோ விஹாரோ தேனுபஸங்கமிம்ஸு. அத்³த³ஸ கோ² ஸா மக்கடீ தே பி⁴க்கூ² தூ³ரதோவ ஆக³ச்ச²ந்தே. தி³ஸ்வான யேன தே பி⁴க்கூ² தேனுபஸங்கமி; உபஸங்கமித்வா தேஸம் பி⁴க்கூ²னம் புரதோ கடிம்பி சாலேஸி சே²ப்பம்பி சாலேஸி, கடிம்பி ஓட்³டி³, நிமித்தம்பி அகாஸி. அத² கோ² தேஸம் பி⁴க்கூ²னம் ஏதத³ஹோஸி – ‘‘நிஸ்ஸம்ஸயம் கோ² ஸோ பி⁴க்கு² இமிஸ்ஸா மக்கடியா மேது²னம் த⁴ம்மம் படிஸேவதீ’’தி. ஏகமந்தம் நிலீயிம்ஸு. அத² கோ² ஸோ பி⁴க்கு² வேஸாலியம் பிண்டா³ய சரித்வா பிண்ட³பாதம் ஆதா³ய படிக்கமி.

41. அத² கோ² ஸா மக்கடீ யேன ஸோ பி⁴க்கு² தேனுபஸங்கமி. அத² கோ² ஸோ பி⁴க்கு² தம் பிண்ட³பாதம் ஏகதே³ஸம் பு⁴ஞ்ஜித்வா ஏகதே³ஸம் தஸ்ஸா மக்கடியா அதா³ஸி. அத² கோ² ஸா மக்கடீ தம் பிண்ட³பாதம் பு⁴ஞ்ஜித்வா தஸ்ஸ பி⁴க்கு²னோ கடிம் ஓட்³டி³. அத² கோ² ஸோ பி⁴க்கு² தஸ்ஸா மக்கடியா மேது²னம் த⁴ம்மம் படிஸேவதி. அத² கோ² தே பி⁴க்கூ² தம் பி⁴க்கு²ம் ஏதத³வோசும் – ‘‘நனு, ஆவுஸோ, ப⁴க³வதா ஸிக்கா²பத³ம் பஞ்ஞத்தம்; கிஸ்ஸ த்வம், ஆவுஸோ, மக்கடியா மேது²னம் த⁴ம்மம் படிஸேவஸீ’’தி? ‘‘ஸச்சம், ஆவுஸோ, ப⁴க³வதா ஸிக்கா²பத³ம் பஞ்ஞத்தம்; தஞ்ச கோ² மனுஸ்ஸித்தி²யா, நோ திரச்சா²னக³தாயா’’தி. ‘‘நனு, ஆவுஸோ, ததே²வ தம் ஹோதி. அனனுச்ச²விகம், ஆவுஸோ, அனனுலோமிகம் அப்படிரூபம் அஸ்ஸாமணகம் அகப்பியம் அகரணீயம். கத²ஞ்ஹி நாம த்வம், ஆவுஸோ, ஏவம் ஸ்வாக்கா²தே த⁴ம்மவினயே பப்³ப³ஜித்வா ந ஸக்கி²ஸ்ஸஸி யாவஜீவம் பரிபுண்ணம் பரிஸுத்³த⁴ம் ப்³ரஹ்மசரியம் சரிதும்! நனு, ஆவுஸோ, ப⁴க³வதா அனேகபரியாயேன விராகா³ய த⁴ம்மோ தே³ஸிதோ, நோ ஸராகா³ய…பே… காமபரிளாஹானம் வூபஸமோ அக்கா²தோ! நேதம், ஆவுஸோ, அப்பஸன்னானம் வா பஸாதா³ய பஸன்னானம் வா பி⁴ய்யோபா⁴வாய. அத² க்²வேதம், ஆவுஸோ, அப்பஸன்னானஞ்சேவ அப்பஸாதா³ய, பஸன்னானஞ்ச ஏகச்சானம் அஞ்ஞத²த்தாயா’’தி. அத² கோ² தே பி⁴க்கூ² தம் பி⁴க்கு²ம் அனேகபரியாயேன விக³ரஹித்வா ப⁴க³வதோ ஏதமத்த²ம் அரோசேஸும்.

42. அத² கோ² ப⁴க³வா ஏதஸ்மிம் நிதா³னே ஏதஸ்மிம் பகரணே பி⁴க்கு²ஸங்க⁴ம் ஸன்னிபாதாபேத்வா தம் பி⁴க்கு²ம் படிபுச்சி² – ‘‘ஸச்சம் கிர த்வம், பி⁴க்கு², மக்கடியா மேது²னம் த⁴ம்மம் படிஸேவீ’’தி? ‘‘ஸச்சம், ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம், மோக⁴புரிஸ, அனனுலோமிகம் அப்பதிரூபம் அஸ்ஸாமணகம் அகப்பியம் அகரணீயம். கத²ஞ்ஹி நாம த்வம், மோக⁴புரிஸ, ஏவம் ஸ்வாக்கா²தே த⁴ம்மவினயே பப்³ப³ஜித்வா ந ஸக்கி²ஸ்ஸஸி யாவஜீவம் பரிபுண்ணம் பரிஸுத்³த⁴ம் ப்³ரஹ்மசரியம் சரிதும்! நனு மயா, மோக⁴புரிஸ, அனேகபரியாயேன விராகா³ய த⁴ம்மோ தே³ஸிதோ, நோ ஸராகா³ய …பே… காமபரிளாஹானம் வூபஸமோ அக்கா²தோ! வரம் தே, மோக⁴புரிஸ, ஆஸீவிஸஸ்ஸ கோ⁴ரவிஸஸ்ஸ முகே² அங்க³ஜாதம் பக்கி²த்தம், ந த்வேவ மக்கடியா அங்க³ஜாதே அங்க³ஜாதம் பக்கி²த்தம். வரம் தே, மோக⁴புரிஸ, கண்ஹஸப்பஸ்ஸ முகே² அங்க³ஜாதம் பக்கி²த்தம், ந த்வேவ மக்கடியா அங்க³ஜாதே அங்க³ஜாதம் பக்கி²த்தம். வரம் தே, மோக⁴புரிஸ, அங்கா³ரகாஸுயா ஆதி³த்தாய ஸம்பஜ்ஜலிதாய ஸஜோதிபூ⁴தாய அங்க³ஜாதம் பக்கி²த்தம், ந த்வேவ மக்கடியா அங்க³ஜாதே அங்க³ஜாதம் பக்கி²த்தம். தம் கிஸ்ஸ ஹேது? ததோனிதா³னஞ்ஹி, மோக⁴புரிஸ, மரணம் வா நிக³ச்சே²ய்ய மரணமத்தம் வா து³க்க²ம்; ந த்வேவ தப்பச்சயா காயஸ்ஸ பே⁴தா³ பரம் மரணா அபாயம் து³க்³க³திம் வினிபாதம் நிரயம் உபபஜ்ஜேய்ய. இதோனிதா³னஞ்ச கோ², மோக⁴புரிஸ, காயஸ்ஸ பே⁴தா³ பரம் மரணா அபாயம் து³க்³க³திம் வினிபாதம் நிரயம் உபபஜ்ஜேய்ய. தத்த² நாம த்வம், மோக⁴புரிஸ, யம் த்வம் அஸத்³த⁴ம்மம் கா³மத⁴ம்மம் வஸலத⁴ம்மம் து³ட்டு²ல்லம் ஓத³கந்திகம் ரஹஸ்ஸம் த்³வயம்த்³வயஸமாபத்திம் ஸமாபஜ்ஜிஸ்ஸஸி! நேதம், மோக⁴புரிஸ, அப்பஸன்னானம் வா பஸாதா³ய…பே… ஏவஞ்ச பன, பி⁴க்க²வே, இமம் ஸிக்கா²பத³ம் உத்³தி³ஸேய்யாத² –

‘‘யோ பன பி⁴க்கு² மேது²னம் த⁴ம்மம் படிஸேவேய்ய அந்தமஸோ திரச்சா²னக³தாயபி, பாராஜிகோ ஹோதி அஸம்வாஸோ’’தி.

ஏவஞ்சித³ம் ப⁴க³வதா பி⁴க்கூ²னம் ஸிக்கா²பத³ம் பஞ்ஞத்தம் ஹோதி.

மக்கடீவத்து² நிட்டி²தம்.

ஸந்த²தபா⁴ணவாரோ

43. தேன கோ² பன ஸமயேன ஸம்ப³ஹுலா வேஸாலிகா வஜ்ஜிபுத்தகா பி⁴க்கூ² யாவத³த்த²ம் பு⁴ஞ்ஜிம்ஸு, யாவத³த்த²ம் ஸுபிம்ஸு, யாவத³த்த²ம் ந்ஹாயிம்ஸு. யாவத³த்த²ம் பு⁴ஞ்ஜித்வா யாவத³த்த²ம் ஸுபித்வா யாவத³த்த²ம் ந்ஹாயித்வா அயோனிஸோ மனஸி கரித்வா ஸிக்க²ம் அபச்சக்கா²ய து³ப்³ப³ல்யம் அனாவிகத்வா மேது²னம் த⁴ம்மம் படிஸேவிம்ஸு. தே அபரேன ஸமயேன ஞாதிப்³யஸனேனபி பு²ட்டா² போ⁴க³ப்³யஸனேனபி பு²ட்டா² ரோக³ப்³யஸனேனபி பு²ட்டா² ஆயஸ்மந்தம் ஆனந்த³ம் உபஸங்கமித்வா ஏவம் வத³ந்தி – ‘‘ந மயம், ப⁴ந்தே ஆனந்த³, பு³த்³த⁴க³ரஹினோ ந த⁴ம்மக³ரஹினோ ந ஸங்க⁴க³ரஹினோ; அத்தக³ரஹினோ மயம், ப⁴ந்தே ஆனந்த³, அனஞ்ஞக³ரஹினோ. மயமேவம்ஹா அலக்கி²கா மயம் அப்பபுஞ்ஞா, யே மயம் ஏவம் ஸ்வாக்கா²தே த⁴ம்மவினயே பப்³ப³ஜித்வா நாஸக்கி²ம்ஹா யாவஜீவம் பரிபுண்ணம் பரிஸுத்³த⁴ம் ப்³ரஹ்மசரியம் சரிதும். இதா³னி சேபி [இதா³னிபி சே (ஸ்யா.)] மயம், ப⁴ந்தே ஆனந்த³, லபே⁴ய்யாம ப⁴க³வதோ ஸந்திகே பப்³ப³ஜ்ஜம் லபே⁴ய்யாம உபஸம்பத³ம், இதா³னிபி மயம் விபஸ்ஸகா குஸலானம் த⁴ம்மானம் புப்³ப³ரத்தாபரரத்தம் போ³தி⁴பக்கி²கானம் த⁴ம்மானம் பா⁴வனானுயோக³மனுயுத்தா விஹரேய்யாம. ஸாது⁴, ப⁴ந்தே ஆனந்த³, ப⁴க³வதோ ஏதமத்த²ம் ஆரோசேஹீ’’தி. ‘‘ஏவமாவுஸோ’’தி கோ² ஆயஸ்மா ஆனந்தோ³ வேஸாலிகானம் வஜ்ஜிபுத்தகானம் படிஸ்ஸுணித்வா யேன ப⁴க³வா தேனுபஸங்கமி; உபஸங்கமித்வா ப⁴க³வதோ ஏதமத்த²ம் ஆரோசேஸி.

‘‘அட்டா²னமேதம், ஆனந்த³, அனவகாஸோ யம் ததா²க³தோ வஜ்ஜீனம் வா வஜ்ஜிபுத்தகானம் வா காரணா ஸாவகானம் பாராஜிகம் ஸிக்கா²பத³ம் பஞ்ஞத்தம் ஸமூஹனேய்யா’’தி.

அத² கோ² ப⁴க³வா ஏதஸ்மிம் நிதா³னே ஏதஸ்மிம் பகரணே த⁴ம்மிம் கத²ம் கத்வா பி⁴க்கூ² ஆமந்தேஸி – ‘‘யோ, பி⁴க்க²வே [யோ பன பி⁴க்க²வே பி⁴க்கு² (ஸீ.) யோ கோ² பி⁴க்க²வே பி⁴க்கு² (ஸ்யா.)], ஸிக்க²ம் அபச்சக்கா²ய து³ப்³ப³ல்யம் அனாவிகத்வா மேது²னம் த⁴ம்மம் படிஸேவதி ஸோ ஆக³தோ ந உபஸம்பாதே³தப்³போ³; யோ ச கோ², பி⁴க்க²வே [யோ ச கோ² பி⁴க்க²வே பி⁴க்கு² (ஸீ. ஸ்யா.)], ஸிக்க²ம் பச்சக்கா²ய து³ப்³ப³ல்யம் ஆவிகத்வா மேது²னம் த⁴ம்மம் படிஸேவதி ஸோ ஆக³தோ உபஸம்பாதே³தப்³போ³. ஏவஞ்ச பன, பி⁴க்க²வே, இமம் ஸிக்கா²பத³ம் உத்³தி³ஸேய்யாத² –

44. ‘‘யோ பன பி⁴க்கு² பி⁴க்கூ²னம் ஸிக்கா²ஸாஜீவஸமாபன்னோ ஸிக்க²ம் அபச்சக்கா²ய து³ப்³ப³ல்யம் அனாவிகத்வா மேது²னம் த⁴ம்மம் படிஸேவேய்ய அந்தமஸோ திரச்சா²னக³தாயபி, பாராஜிகோ ஹோதி அஸம்வாஸோ’’தி.

45. யோ பனாதி யோ யாதி³ஸோ யதா²யுத்தோ யதா²ஜச்சோ யதா²னாமோ யதா²கோ³த்தோ யதா²ஸீலோ யதா²விஹாரீ யதா²கோ³சரோ தே²ரோ வா நவோ வா மஜ்ஜி²மோ வா. ஏஸோ வுச்சதி ‘யோ பனா’தி.

[விப⁴. 510, ஜா²னவிப⁴ங்கே³பி] பி⁴க்கூ²தி பி⁴க்க²கோதி பி⁴க்கு², பி⁴க்கா²சரியம் அஜ்ஜு²பக³தோதி பி⁴க்கு², பி⁴ன்னபடத⁴ரோதி பி⁴க்கு², ஸமஞ்ஞாய பி⁴க்கு², படிஞ்ஞாய பி⁴க்கு², ஏஹி பி⁴க்கூ²தி பி⁴க்கு², தீஹி ஸரணக³மனேஹி உபஸம்பன்னோதி பி⁴க்கு², ப⁴த்³ரோ பி⁴க்கு², ஸாரோ பி⁴க்கு², ஸேகோ² பி⁴க்கு², அஸேகோ² பி⁴க்கு², ஸமக்³கே³ன ஸங்கே⁴ன ஞத்திசதுத்தே²ன கம்மேன அகுப்பேன டா²னாரஹேன உபஸம்பன்னோதி பி⁴க்கு². தத்ர ய்வாயம் பி⁴க்கு² ஸமக்³கே³ன ஸங்கே⁴ன ஞத்திசதுத்தே²ன கம்மேன அகுப்பேன டா²னாரஹேன உபஸம்பன்னோ, அயம் இமஸ்மிம் அத்தே² அதி⁴ப்பேதோ பி⁴க்கூ²தி.

[தீ³. நி. 3.305] ஸிக்கா²தி திஸ்ஸோ ஸிக்கா² – அதி⁴ஸீலஸிக்கா², அதி⁴சித்தஸிக்கா², அதி⁴பஞ்ஞாஸிக்கா². தத்ர யாயம் அதி⁴ஸீலஸிக்கா², அயம் இமஸ்மிம் அத்தே² அதி⁴ப்பேதா ஸிக்கா²தி.

ஸாஜீவம் நாம யம் ப⁴க³வதா பஞ்ஞத்தம் ஸிக்கா²பத³ம், ஏதம் ஸாஜீவம் நாம. தஸ்மிம் ஸிக்க²தி, தேன வுச்சதி ஸாஜீவஸமாபன்னோதி.

ஸிக்க²ம் அபச்சக்கா²ய து³ப்³ப³ல்யம் அனாவிகத்வாதி அத்தி², பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா; அத்தி², பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா.

‘‘கத²ஞ்ச, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா. இத⁴, பி⁴க்க²வே, பி⁴க்கு² உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ உபாஸகபா⁴வம் பத்த²யமானோ ஆராமிகபா⁴வம் பத்த²யமானோ ஸாமணேரபா⁴வம் பத்த²யமானோ தித்தி²யபா⁴வம் பத்த²யமானோ தித்தி²யஸாவகபா⁴வம் பத்த²யமானோ அஸ்ஸமணபா⁴வம் பத்த²யமானோ அஸக்யபுத்தியபா⁴வம் பத்த²யமானோ – ‘யம்னூனாஹம் பு³த்³த⁴ம் பச்சக்கே²ய்ய’ந்தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.

‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ – ‘யம்னூனாஹம் த⁴ம்மம் பச்சக்கே²ய்ய’ந்தி வத³தி விஞ்ஞாபேதி…பே… யம்னூனாஹம் ஸங்க⁴ம்… யம்னூனாஹம் ஸிக்க²ம்… யம்னூனாஹம் வினயம்… யம்னூனாஹம் பாதிமோக்க²ம்… யம்னூனாஹம் உத்³தே³ஸம்… யம்னூனாஹம் உபஜ்ஜா²யம்… யம்னூனாஹம் ஆசரியம்… யம்னூனாஹம் ஸத்³தி⁴விஹாரிகம்… யம்னூனாஹம் அந்தேவாஸிகம்… யம்னூனாஹம் ஸமானுபஜ்ஜா²யகம்… யம்னூனாஹம் ஸமானாசரியகம் யம்னூனாஹம் ஸப்³ரஹ்மசாரிம் பச்சக்கே²ய்ய’ந்தி வத³தி விஞ்ஞாபேதி. ‘யம்னூனாஹம் கி³ஹீ அஸ்ஸ’ந்தி வத³தி விஞ்ஞாபேதி. ‘யம்னூனாஹம் உபாஸகோ அஸ்ஸ’ந்தி… ‘யம்னூனாஹம் ஆராமிகோ அஸ்ஸ’ந்தி… ‘யம்னூனாஹம் ஸாமணேரோ அஸ்ஸ’ந்தி… ‘யம்னூனாஹம் தித்தி²யோ அஸ்ஸ’ந்தி… ‘யம்னூனாஹம் தித்தி²யஸாவகோ அஸ்ஸ’ந்தி… ‘யம்னூனாஹம் அஸ்ஸமணோ அஸ்ஸ’ந்தி… ‘யம்னூனாஹம் அஸக்யபுத்தியோ அஸ்ஸ’ந்தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.

46. ‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ – ‘யதி³ பனாஹம் பு³த்³த⁴ம் பச்சக்கே²ய்ய’ந்தி வத³தி விஞ்ஞாபேதி…பே… ‘யதி³ பனாஹம் அஸக்யபுத்தியோ அஸ்ஸ’ந்தி வத³தி விஞ்ஞாபேதி…பே… ‘அபாஹம் பு³த்³த⁴ம் பச்சக்கே²ய்ய’ந்தி வத³தி விஞ்ஞாபேதி…பே… ‘அபாஹம் அஸக்யபுத்தியோ அஸ்ஸ’ந்தி வத³தி விஞ்ஞாபேதி…பே… ‘ஹந்தா³ஹம் பு³த்³த⁴ம் பச்சக்கே²ய்ய’ந்தி வத³தி விஞ்ஞாபேதி…பே… ‘ஹந்தா³ஹம் அஸக்யபுத்தியோ அஸ்ஸ’ந்தி வத³தி விஞ்ஞாபேதி…பே… ‘ஹோதி மே பு³த்³த⁴ம் பச்சக்கே²ய்ய’ந்தி வத³தி விஞ்ஞாபேதி…பே… ‘ஹோதி மே அஸக்யபுத்தியோ அஸ்ஸ’ந்தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.

47. ‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ ‘மாதரம் ஸராமீ’தி வத³தி விஞ்ஞாபேதி… ‘பிதரம் ஸராமீ’தி வத³தி விஞ்ஞாபேதி… ‘பா⁴தரம் ஸராமீ’தி வத³தி விஞ்ஞாபேதி… ‘ப⁴கி³னிம் ஸராமீ’தி வத³தி விஞ்ஞாபேதி… ‘புத்தம் ஸராமீ’தி வத³தி விஞ்ஞாபேதி… ‘தீ⁴தரம் ஸராமீ’தி வத³தி விஞ்ஞாபேதி… ‘பஜாபதிம் ஸராமீ’தி வத³தி விஞ்ஞாபேதி… ‘ஞாதகே ஸராமீ’தி வத³தி விஞ்ஞாபேதி… ‘மித்தே ஸராமீ’தி வத³தி விஞ்ஞாபேதி… ‘கா³மம் ஸராமீ’தி வத³தி விஞ்ஞாபேதி… ‘நிக³மம் ஸராமீ’தி வத³தி விஞ்ஞாபேதி… ‘கே²த்தம் ஸராமீ’தி வத³தி விஞ்ஞாபேதி… ‘வத்து²ம் ஸராமி’தி வத³தி விஞ்ஞாபேதி… ‘ஹிரஞ்ஞம் ஸராமீ’தி வத³தி விஞ்ஞாபேதி… ‘ஸுவண்ணம் ஸராமீ’தி வத³தி விஞ்ஞாபேதி… ‘ஸிப்பம் ஸராமீ’தி வத³தி விஞ்ஞாபேதி… ‘புப்³பே³ ஹஸிதம் லபிதம் கீளிதம் ஸமனுஸ்ஸராமீ’தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.

48. ‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ – ‘மாதா மே அத்தி², ஸா மயா போஸேதப்³பா³’தி வத³தி விஞ்ஞாபேதி… ‘பிதா மே அத்தி², ஸோ மயா போஸேதப்³போ³’தி வத³தி விஞ்ஞாபேதி… ‘பா⁴தா மே அத்தி², ஸோ மயா போஸேதப்³போ³’தி வத³தி விஞ்ஞாபேதி… ‘ப⁴கி³னீ மே அத்தி², ஸா மயா போஸேதப்³பா³’தி வத³தி விஞ்ஞாபேதி… ‘புத்தோ மே அத்தி², ஸோ மயா போஸேதப்³போ³’தி வத³தி விஞ்ஞாபேதி… ‘தீ⁴தா மே அத்தி², ஸா மயா போஸேதப்³பா³’தி வத³தி விஞ்ஞாபேதி… ‘பஜாபதி மே அத்தி², ஸா மயா போஸேதப்³பா³’தி வத³தி விஞ்ஞாபேதி … ‘ஞாதகா மே அத்தி², தே மயா போஸேதப்³பா³’தி வத³தி விஞ்ஞாபேதி… ‘மித்தா மே அத்தி², தே மயா போஸேதப்³பா³’தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.

49. ‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ – ‘மாதா மே அத்தி², ஸா மம் போஸேஸ்ஸதீ’தி வத³தி விஞ்ஞாபேதி… ‘பிதா மே அத்தி², ஸோ மம் போஸேஸ்ஸதீ’தி வத³தி விஞ்ஞாபேதி… ‘பா⁴தா மே அத்தி², ஸோ மம் போஸேஸ்ஸதீ’தி வத³தி விஞ்ஞாபேதி… ‘ப⁴கி³னீ மே அத்தி², ஸா மம் போஸேஸ்ஸதீ’தி வத³தி விஞ்ஞாபேதி… ‘புத்தோ மே அத்தி², ஸோ மம் போஸேஸ்ஸதீ’தி வத³தி விஞ்ஞாபேதி… ‘தீ⁴தா மே அத்தி², ஸா மம் போஸேஸ்ஸதீ’தி வத³தி விஞ்ஞாபேதி… ‘பஜாபதி மே அத்தி², ஸா மம் போஸேஸ்ஸதீ’தி வத³தி விஞ்ஞாபேதி… ‘ஞாதகா மே அத்தி², தே மம் போஸேஸ்ஸந்தீ’தி வத³தி விஞ்ஞாபேதி… ‘மித்தா மே அத்தி², தே மம் போஸேஸ்ஸந்தீ’தி வத³தி விஞ்ஞாபேதி… ‘கா³மோ மே அத்தி², தேனாஹம் ஜீவிஸ்ஸாமீ’தி வத³தி விஞ்ஞாபேதி… ‘நிக³மோ மே அத்தி², தேனாஹம் ஜீவிஸ்ஸாமீ’தி வத³தி விஞ்ஞாபேதி… ‘கே²த்தம் மே அத்தி², தேனாஹம் ஜீவிஸ்ஸாமீ’தி வத³தி விஞ்ஞாபேதி… ‘வத்து² மே அத்தி², தேனாஹம் ஜீவிஸ்ஸாமீ’தி வத³தி விஞ்ஞாபேதி… ‘ஹிரஞ்ஞம் மே அத்தி², தேனாஹம் ஜீவிஸ்ஸாமீ’தி வத³தி விஞ்ஞாபேதி… ‘ஸுவண்ணம் மே அத்தி², தேனாஹம் ஜீவிஸ்ஸாமீ’தி வத³தி விஞ்ஞாபேதி… ‘ஸிப்பம் மே அத்தி², தேனாஹம் ஜீவிஸ்ஸாமீ’தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.

50. ‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ ‘து³க்கர’ந்தி வத³தி விஞ்ஞாபேதி… ‘ந ஸுகர’ந்தி வத³தி விஞ்ஞாபேதி… ‘து³ச்சர’ந்தி வத³தி விஞ்ஞாபேதி… ‘ந ஸுசர’ந்தி வத³தி விஞ்ஞாபேதி… ‘ந உஸ்ஸஹாமீ’தி வத³தி விஞ்ஞாபேதி… ‘ந விஸஹாமீ’தி வத³தி விஞ்ஞாபேதி… ‘ந ரமாமீ’தி வத³தி விஞ்ஞாபேதி… ‘நாபி⁴ரமாமீ’தி வத³தி விஞ்ஞாபேதி. ஏவம்பி கோ², பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.

51. ‘‘கத²ஞ்ச, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா? இத⁴, பி⁴க்க²வே, பி⁴க்கு² உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ – ‘பு³த்³த⁴ம் பச்சக்கா²மீ’தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா.

‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ – ‘த⁴ம்மம் பச்சக்கா²மீ’தி வத³தி விஞ்ஞாபேதி… ‘ஸங்க⁴ம் பச்சக்கா²மீ’தி வத³தி விஞ்ஞாபேதி… ‘ஸிக்க²ம் பச்சக்கா²மீ’தி வத³தி விஞ்ஞாபேதி… ‘வினயம் பச்சக்கா²மீ’தி வத³தி விஞ்ஞாபேதி… ‘பாதிமோக்க²ம் பச்சக்கா²மீ’தி வத³தி விஞ்ஞாபேதி… ‘உத்³தே³ஸம் பச்சக்கா²மீ’தி வத³தி விஞ்ஞாபேதி… ‘உபஜ்ஜா²யம் பச்சக்கா²மீ’தி வத³தி விஞ்ஞாபேதி… ‘ஆசரியம் பச்சக்கா²மீ’தி வத³தி விஞ்ஞாபேதி… ‘ஸத்³தி⁴விஹாரிகம் பச்சக்கா²மீ’தி வத³தி விஞ்ஞாபேதி… ‘அந்தேவாஸிகம் பச்சக்கா²மீ’தி வத³தி விஞ்ஞாபேதி… ‘ஸமானுபஜ்ஜா²யகம் பச்சக்கா²மீ’தி வத³தி விஞ்ஞாபேதி… ‘ஸமானாசரியகம் பச்சக்கா²மீ’தி வத³தி விஞ்ஞாபேதி… ‘ஸப்³ரஹ்மசாரிம் பச்சக்கா²மீ’தி வத³தி விஞ்ஞாபேதி… ‘கி³ஹீதி மம் தா⁴ரேஹீ’தி வத³தி விஞ்ஞாபேதி… ‘உபாஸகோதி மம் தா⁴ரேஹீ’தி வத³தி விஞ்ஞாபேதி… ‘ஆராமிகோதி மம் தா⁴ரேஹீ’தி வத³தி விஞ்ஞாபேதி… ‘ஸாமணேரோதி மம் தா⁴ரேஹீ’தி வத³தி விஞ்ஞாபேதி… ‘தித்தி²யோதி மம் தா⁴ரேஹீ’தி வத³தி விஞ்ஞாபேதி… ‘தித்தி²யஸாவகோதி மம் தா⁴ரேஹீ’தி வத³தி விஞ்ஞாபேதி… ‘அஸ்ஸமணோதி மம் தா⁴ரேஹீ’தி வத³தி விஞ்ஞாபேதி… ‘அஸக்யபுத்தியோதி மம் தா⁴ரேஹீ’தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா.

52. ‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வம் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வம் பத்த²யமானோ…பே… அஸக்யபுத்தியபா⁴வம் பத்த²யமானோ – ‘அலம் மே பு³த்³தே⁴னா’தி வத³தி விஞ்ஞாபேதி…பே… ‘அலம் மே ஸப்³ரஹ்மசாரீஹீ’தி வத³தி விஞ்ஞாபேதி. ஏவம்பி…பே… அத² வா பன…பே… ‘கிம் நு மே பு³த்³தே⁴னா’தி வத³தி விஞ்ஞாபேதி…பே… ‘கிம் நு மே ஸப்³ரஹ்மசாரீஹீ’தி வத³தி விஞ்ஞாபேதி… ‘ந மமத்தோ² பு³த்³தே⁴னா’தி வத³தி விஞ்ஞாபேதி…பே… ‘ந மமத்தோ² ஸப்³ரஹ்மசாரீஹீ’தி வத³தி விஞ்ஞாபேதி… ‘ஸுமுத்தாஹம் பு³த்³தே⁴னா’தி வத³தி விஞ்ஞாபேதி…பே… ‘ஸுமுத்தாஹம் ஸப்³ரஹ்மசாரீஹீ’தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா.

53. ‘‘யானி வா பனஞ்ஞானிபி அத்தி² பு³த்³த⁴வேவசனானி வா த⁴ம்மவேவசனானி வா ஸங்க⁴வேவசனானி வா ஸிக்கா²வேவசனானி வா வினயவேவசனானி வா பாதிமோக்க²வேவசனானி வா உத்³தே³ஸவேவசனானி வா உபஜ்ஜா²யவேவசனானி வா ஆசரியவேவசனானி வா ஸத்³தி⁴விஹாரிகவேவசனானி வா அந்தேவாஸிகவேவசனானி வா ஸமானுபஜ்ஜா²யகவேவசனானி வா ஸமானாசரியகவேவசனானி வா ஸப்³ரஹ்மசாரிவேவசனானி வா கி³ஹிவேவசனானி வா உபாஸகவேவசனானி வா ஆராமிகவேவசனானி வா ஸாமணேரவேவசனானி வா தித்தி²யவேவசனானி வா தித்தி²யஸாவகவேவசனானி வா அஸ்ஸமணவேவசனானி வா அஸக்யபுத்தியவேவசனானி வா, தேஹி ஆகாரேஹி தேஹி லிங்கே³ஹி தேஹி நிமித்தேஹி வத³தி விஞ்ஞாபேதி. ஏவம் கோ², பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா.

54. ‘‘கத²ஞ்ச, பி⁴க்க²வே, அபச்சக்கா²தா ஹோதி ஸிக்கா²? இத⁴, பி⁴க்க²வே, யேஹி ஆகாரேஹி யேஹி லிங்கே³ஹி யேஹி நிமித்தேஹி ஸிக்கா² பச்சக்கா²தா ஹோதி தேஹி ஆகாரேஹி தேஹி லிங்கே³ஹி தேஹி நிமித்தேஹி உம்மத்தகோ ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². உம்மத்தகஸ்ஸ ஸந்திகே ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². கி²த்தசித்தோ ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². கி²த்தசித்தஸ்ஸ ஸந்திகே ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². வேத³னாட்டோ ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². வேத³னாட்டஸ்ஸ ஸந்திகே ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². தே³வதாய ஸந்திகே ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². திரச்சா²னக³தஸ்ஸ ஸந்திகே ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². அரியகேன மிலக்க²ஸ்ஸ [மிலக்க²கஸ்ஸ (ஸீ. ஸ்யா.) மிலக்கு²ஸ்ஸ (க.)] ஸந்திகே ஸிக்க²ம் பச்சக்கா²தி, ஸோ ச ந படிவிஜானாதி, அபச்சக்கா²தா ஹோதி ஸிக்கா². மிலக்க²கேன அரியகஸ்ஸ ஸந்திகே ஸிக்க²ம் பச்சக்கா²தி, ஸோ ச ந படிவிஜானாதி, அபச்சக்கா²தா ஹோதி ஸிக்கா². அரியகேன அரியஸ்ஸ ஸந்திகே ஸிக்க²ம் பச்சக்கா²தி, ஸோ ச ந படிவிஜானாதி, அபச்சக்கா²தா ஹோதி ஸிக்கா². மிலக்க²கேன மிலக்க²ஸ்ஸ ஸந்திகே ஸிக்க²ம் பச்சக்கா²தி, ஸோ ச ந படிவிஜானாதி, அபச்சக்கா²தா ஹோதி ஸிக்கா². த³வாய ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². ரவாய ஸிக்க²ம் பச்சக்கா²தி, அபச்சக்கா²தா ஹோதி ஸிக்கா². அஸாவேதுகாமோ ஸாவேதி, அபச்சக்கா²தா ஹோதி ஸிக்கா². ஸாவேதுகாமோ ந ஸாவேதி, அபச்சக்கா²தா ஹோதி ஸிக்கா². அவிஞ்ஞுஸ்ஸ ஸாவேதி, அபச்சக்கா²தா ஹோதி ஸிக்கா². விஞ்ஞுஸ்ஸ ந ஸாவேதி, அபச்சக்கா²தா ஹோதி ஸிக்கா². ஸப்³ப³ஸோ வா பன ந ஸாவேதி, அபச்சக்கா²தா ஹோதி ஸிக்கா². ஏவம் கோ², பி⁴க்க²வே, அபச்சக்கா²தா ஹோதி ஸிக்கா²’’.

55. [மஹானி. 49, 50, 51] மேது²னத⁴ம்மோ நாம யோ ஸோ அஸத்³த⁴ம்மோ கா³மத⁴ம்மோ வஸலத⁴ம்மோ து³ட்டு²ல்லம் ஓத³கந்திகம் ரஹஸ்ஸம் த்³வயம்த்³வயஸமாபத்தி, ஏஸோ மேது²னத⁴ம்மோ நாம.

படிஸேவதி நாம யோ நிமித்தேன நிமித்தம் அங்க³ஜாதேன அங்க³ஜாதம் அந்தமஸோ திலப²லமத்தம்பி பவேஸேதி, ஏஸோ படிஸேவதி நாம.

அந்தமஸோ திரச்சா²னக³தாயபீதி திரச்சா²னக³தித்தி²யாபி மேது²னம் த⁴ம்மம் படிஸேவித்வா அஸ்ஸமணோ ஹோதி அஸக்யபுத்தியோ, பகே³வ மனுஸ்ஸித்தி²யா. தேன வுச்சதி – ‘அந்தமஸோ திரச்சா²னக³தாயபீ’தி.

பாராஜிகோ ஹோதீதி ஸேய்யதா²பி நாம புரிஸோ ஸீஸச்சி²ன்னோ அப⁴ப்³போ³ தேன ஸரீரப³ந்த⁴னேன ஜீவிதும், ஏவமேவ பி⁴க்கு² மேது²னம் த⁴ம்மம் படிஸேவித்வா அஸ்ஸமணோ ஹோதி அஸக்யபுத்தியோ. தேன வுச்சதி – ‘பாராஜிகோ ஹோதீ’தி.

அஸம்வாஸோதி ஸம்வாஸோ நாம ஏககம்மம் ஏகுத்³தே³ஸோ ஸமஸிக்க²தா – ஏஸோ ஸம்வாஸோ நாம. ஸோ தேன ஸத்³தி⁴ம் நத்தி². தேன வுச்சதி – ‘அஸம்வாஸோ’தி.

56. திஸ்ஸோ இத்தி²யோ – மனுஸ்ஸித்தீ², அமனுஸ்ஸித்தீ², திரச்சா²னக³தித்தீ². தயோ உப⁴தோப்³யஞ்ஜனகா – மனுஸ்ஸுப⁴தோப்³யஞ்ஜனகோ, அமனுஸ்ஸுப⁴தோப்³யஞ்ஜனகோ, திரச்சா²னக³துப⁴தோப்³யஞ்ஜனகோ. தயோ பண்ட³கா – மனுஸ்ஸபண்ட³கோ, அமனுஸ்ஸபண்ட³கோ, திரச்சா²னக³தபண்ட³கோ. தயோ புரிஸா – மனுஸ்ஸபுரிஸோ, அமனுஸ்ஸபுரிஸோ, திரச்சா²னக³தபுரிஸோ.

மனுஸ்ஸித்தி²யா தயோ மக்³கே³ மேது²னம் த⁴ம்மம் படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, பஸ்ஸாவமக்³கே³, முகே². அமனுஸ்ஸித்தி²யா…பே… திரச்சா²னக³தித்தி²யா தயோ மக்³கே³ மேது²னம் த⁴ம்மம் படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, பஸ்ஸாவமக்³கே³, முகே². மனுஸ்ஸுப⁴தோப்³யஞ்ஜனகஸ்ஸ… அமனுஸ்ஸுப⁴தோப்³யஞ்ஜனகஸ்ஸ… திரச்சா²னக³துப⁴தோப்³யஞ்ஜனகஸ்ஸ தயோ மக்³கே³ மேது²னம் த⁴ம்மம் படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, பஸ்ஸாவமக்³கே³, முகே². மனுஸ்ஸபண்ட³கஸ்ஸ த்³வே மக்³கே³ மேது²னம் த⁴ம்மம் படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, முகே². அமனுஸ்ஸபண்ட³கஸ்ஸ… திரச்சா²னக³தபண்ட³கஸ்ஸ… மனுஸ்ஸபுரிஸஸ்ஸ… அமனுஸ்ஸபுரிஸஸ்ஸ… திரச்சா²னக³தபுரிஸஸ்ஸ த்³வே மக்³கே³ மேது²னம் த⁴ம்மம் படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, முகே².

57. பி⁴க்கு²ஸ்ஸ ஸேவனசித்தம் உபட்டி²தே மனுஸ்ஸித்தி²யா வச்சமக்³க³ம் அங்க³ஜாதம் பவேஸேந்தஸ்ஸ ஆபத்தி பாராஜிகஸ்ஸ. பி⁴க்கு²ஸ்ஸ ஸேவனசித்தம் உபட்டி²தே மனுஸ்ஸித்தி²யா பஸ்ஸாவமக்³க³ம்… முக²ம் அங்க³ஜாதம் பவேஸேந்தஸ்ஸ ஆபத்தி பாராஜிகஸ்ஸ. பி⁴க்கு²ஸ்ஸ ஸேவனசித்தம் உபட்டி²தே அமனுஸ்ஸித்தி²யா… திரச்சா²னக³தித்தி²யா… மனுஸ்ஸுப⁴தோப்³யஞ்ஜனகஸ்ஸ… அமனுஸ்ஸுப⁴தோப்³யஞ்ஜனகஸ்ஸ… திரச்சா²னக³துப⁴தோப்³யஞ்ஜனகஸ்ஸ… வச்சமக்³க³ம் பஸ்ஸாவமக்³க³ம் முக²ம் அங்க³ஜாதம் பவேஸேந்தஸ்ஸ ஆபத்தி பாராஜிகஸ்ஸ. பி⁴க்கு²ஸ்ஸ ஸேவனசித்தம் உபட்டி²தே மனுஸ்ஸபண்ட³கஸ்ஸ வச்சமக்³க³ம் முக²ம் அங்க³ஜாதம் பவேஸேந்தஸ்ஸ ஆபத்தி பாராஜிகஸ்ஸ. பி⁴க்கு²ஸ்ஸ ஸேவனசித்தம் உபட்டி²தே அமனுஸ்ஸபண்ட³கஸ்ஸ… திரச்சா²னக³தபண்ட³கஸ்ஸ… மனுஸ்ஸபுரிஸஸ்ஸ… அமனுஸ்ஸபுரிஸஸ்ஸ… திரச்சா²னக³தபுரிஸஸ்ஸ வச்சமக்³க³ம் முக²ம் அங்க³ஜாதம் பவேஸேந்தஸ்ஸ ஆபத்தி பாராஜிகஸ்ஸ.

58. பி⁴க்கு²பச்சத்தி²கா மனுஸ்ஸித்தி²ம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி [பவிஸனம் ஸாத³யதி (க.)], பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ. பி⁴க்கு²பச்சத்தி²கா மனுஸ்ஸித்தி²ம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ந ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ. பி⁴க்கு²பச்சத்தி²கா மனுஸ்ஸித்தி²ம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ந ஸாதி³யதி, பவிட்ட²ம் ந ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ. பி⁴க்கு²பச்சத்தி²கா மனுஸ்ஸித்தி²ம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ந ஸாதி³யதி, பவிட்ட²ம் ந ஸாதி³யதி, டி²தம் ந ஸாதி³யதி, உத்³த⁴ரணம் ஸாதி³யதி ஆபத்தி பாராஜிகஸ்ஸ. பி⁴க்கு²பச்சத்தி²கா மனுஸ்ஸித்தி²ம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ந ஸாதி³யதி, பவிட்ட²ம் ந ஸாதி³யதி, டி²தம் ந ஸாதி³யதி, உத்³த⁴ரணம் ந ஸாதி³யதி, அனாபத்தி.

பி⁴க்கு²பச்சத்தி²கா மனுஸ்ஸித்தி²ம் பி⁴க்கு²ஸ்ஸ ஸந்திகே ஆனேத்வா பஸ்ஸாவமக்³கே³ன… முகே²ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

59. பி⁴க்கு²பச்சத்தி²கா மனுஸ்ஸித்தி²ம் ஜாக³ரந்திம்… ஸுத்தம்… மத்தம்… உம்மத்தம்… பமத்தம்… மதம் அக்கா²யிதம்… மதம் யேபு⁴ய்யேன அக்கா²யிதம்…பே… ஆபத்தி பாராஜிகஸ்ஸ. மதம் யேபு⁴ய்யேன கா²யிதம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா அமனுஸ்ஸித்தி²ம்… திரச்சா²னக³தித்தி²ம்… மனுஸ்ஸுப⁴தோப்³யஞ்ஜனகம்… அமனுஸ்ஸுப⁴தோப்³யஞ்ஜனகம்… திரச்சா²னக³துப⁴தோப்³யஞ்ஜனகம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா திரச்சா²னக³துப⁴தோப்³யஞ்ஜனகம் ஜாக³ரந்தம்… ஸுத்தம்… மத்தம்… உம்மத்தம்… பமத்தம்… மதம் அக்கா²யிதம்… மதம் யேபு⁴ய்யேன அக்கா²யிதம்…பே… ஆபத்தி பாராஜிகஸ்ஸ. மதம் யேபு⁴ய்யேன கா²யிதம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா மனுஸ்ஸபண்ட³கம்… அமனுஸ்ஸபண்ட³கம்… திரச்சா²னக³தபண்ட³கம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… முகே²ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா திரச்சா²னக³தபண்ட³கம் ஜாக³ரந்தம்… ஸுத்தம்… மத்தம்… உம்மத்தம்… பமத்தம்… மதம் அக்கா²யிதம் … மதம் யேபு⁴ய்யேன அக்கா²யிதம்…பே… ஆபத்தி பாராஜிகஸ்ஸ. மதம் யேபு⁴ய்யேன கா²யிதம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… முகே²ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

60. பி⁴க்கு²பச்சத்தி²கா மனுஸ்ஸபுரிஸம்… அமனுஸ்ஸபுரிஸம்… திரச்சா²னக³தபுரிஸம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… முகே²ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா திரச்சா²னக³தபுரிஸம் ஜாக³ரந்தம்… ஸுத்தம்… மத்தம்… உம்மத்தம்… பமத்தம்… மதம் அக்கா²யிதம்… மதம் யேபு⁴ய்யேன அக்கா²யிதம்…பே… ஆபத்தி பாராஜிகஸ்ஸ. மதம் யேபு⁴ய்யேன கா²யிதம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… முகே²ன அங்க³ஜாதம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

61. பி⁴க்கு²பச்சத்தி²கா மனுஸ்ஸித்தி²ம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதம் அபி⁴னிஸீதே³ந்தி ஸந்த²தாய அஸந்த²தஸ்ஸ, அஸந்த²தாய ஸந்த²தஸ்ஸ, ஸந்த²தாய ஸந்த²தஸ்ஸ, அஸந்த²தாய அஸந்த²தஸ்ஸ. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா மனுஸ்ஸித்தி²ம் ஜாக³ரந்திம்… ஸுத்தம்… மத்தம்… உம்மத்தம்… பமத்தம்… மதம் அக்கா²யிதம்… மதம் யேபு⁴ய்யேன அக்கா²யிதம்…பே… ஆபத்தி பாராஜிகஸ்ஸ. மதம் யேபு⁴ய்யேன கா²யிதம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதம் அபி⁴னிஸீதே³ந்தி, ஸந்த²தாய அஸந்த²தஸ்ஸ, அஸந்த²தாய ஸந்த²தஸ்ஸ, ஸந்த²தாய ஸந்த²தஸ்ஸ, அஸந்த²தாய அஸந்த²தஸ்ஸ. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா அமனுஸ்ஸித்தி²ம்… திரச்சா²னக³தித்தி²ம்… மனுஸ்ஸுப⁴தோப்³யஞ்ஜனகம்… அமனஸ்ஸுப⁴தோப்³யஞ்ஜனகம் … திரச்சா²னக³துப⁴தோப்³யஞ்ஜனகம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதம் அபி⁴னிஸீதே³ந்தி ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா திரச்சா²னக³துப⁴தோப்³யஞ்ஜனகம் ஜாக³ரந்தம்… ஸுத்தம்… மத்தம்… உம்மத்தம்… பமத்தம்… மதம் அக்கா²யிதம்… மதம் யேபு⁴ய்யேன அக்கா²யிதம்…பே… ஆபத்தி பாராஜிகஸ்ஸ. மதம் யேபு⁴ய்யேன கா²யிதம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதம் அபி⁴னிஸீதே³ந்தி, ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

62. பி⁴க்கு²பச்சத்தி²கா மனுஸ்ஸபண்ட³கம்… அமனுஸ்ஸபண்ட³கம்… திரச்சா²னக³தபண்ட³கம்… மனுஸ்ஸபுரிஸம்… அமனுஸ்ஸபுரிஸம்… திரச்சா²னக³தபுரிஸம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… முகே²ன அங்க³ஜாதம் அபி⁴னிஸீதே³ந்தி ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா திரச்சா²னக³தபுரிஸம் ஜாக³ரந்தம்… ஸுத்தம்… மத்தம்… உம்மத்தம்… பமத்தம்… மதம் அக்கா²யிதம்… மதம் யேபு⁴ய்யேன அக்கா²யிதம்…பே… ஆபத்தி பாராஜிகஸ்ஸ. மதம் யேபு⁴ய்யேன கா²யிதம் பி⁴க்கு²ஸ்ஸ ஸந்திகே ஆனேத்வா வச்சமக்³கே³ன… முகே²ன அங்க³ஜாதம் அபி⁴னிஸீதே³ந்தி, ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ ச பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

63. பி⁴க்கு²பச்சத்தி²கா பி⁴க்கு²ம் மனுஸ்ஸித்தி²யா ஸந்திகே ஆனேத்வா அங்க³ஜாதேன வச்சமக்³க³ம்… பஸ்ஸாவமக்³க³ம்… முக²ம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா பி⁴க்கு²ம் மனுஸ்ஸித்தி²யா ஜாக³ரந்தியா… ஸுத்தாய… மத்தாய… உம்மத்தாய… பமத்தாய … மதாய அக்கா²யிதாய… மதாய யேபு⁴ய்யேன அக்கா²யிதாய…பே… ஆபத்தி பாராஜிகஸ்ஸ. மதாய யேபு⁴ய்யேன கா²யிதாய ஸந்திகே ஆனேத்வா அங்க³ஜாதேன வச்சமக்³க³ம்… பஸ்ஸாவமக்³க³ம்… முக²ம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா பி⁴க்கு²ம் அமனுஸ்ஸித்தி²யா… திரச்சா²னக³தித்தி²யா… மனுஸ்ஸுப⁴தோப்³யஞ்ஜனகஸ்ஸ… அமனுஸ்ஸுப⁴தோப்³யஞ்ஜனகஸ்ஸ… திரச்சா²னக³துப⁴தோப்³யஞ்ஜனகஸ்ஸ… மனுஸ்ஸபண்ட³கஸ்ஸ… அமனுஸ்ஸபண்ட³கஸ்ஸ… திரச்சா²னக³தபண்ட³கஸ்ஸ… மனுஸ்ஸபுரிஸஸ்ஸ… அமனுஸ்ஸபுரிஸஸ்ஸ… திரச்சா²னக³தபுரிஸஸ்ஸ ஸந்திகே ஆனேத்வா அங்க³ஜாதேன வச்சமக்³க³ம்… முக²ம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா பி⁴க்கு²ம் திரச்சா²னக³தபுரிஸஸ்ஸ ஜாக³ரந்தஸ்ஸ… ஸுத்தஸ்ஸ… மத்தஸ்ஸ… உம்மத்தஸ்ஸ… பமத்தஸ்ஸ… மதஸ்ஸ அக்கா²யிதஸ்ஸ… மதஸ்ஸ யேபு⁴ய்யேன அக்கா²யிதஸ்ஸ…பே… ஆபத்தி பாராஜிகஸ்ஸ. மதஸ்ஸ யேபு⁴ய்யேன கா²யிதஸ்ஸ ஸந்திகே ஆனேத்வா அங்க³ஜாதேன வச்சமக்³க³ம்… முக²ம் அபி⁴னிஸீதே³ந்தி. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

64. பி⁴க்கு²பச்சத்தி²கா பி⁴க்கு²ம் மனுஸ்ஸித்தி²யா ஸந்திகே ஆனேத்வா அங்க³ஜாதேன வச்சமக்³க³ம்… பஸ்ஸாவமக்³க³ம்… முக²ம் அபி⁴னிஸீதே³ந்தி ஸந்த²தஸ்ஸ அஸந்த²தாய, அஸந்த²தஸ்ஸ ஸந்த²தாய, ஸந்த²தஸ்ஸ ஸந்த²தாய, அஸந்த²தஸ்ஸ அஸந்த²தாய. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா பி⁴க்கு²ம் மனுஸ்ஸித்தி²யா ஜாக³ரந்தியா… ஸுத்தாய… மத்தாய… உம்மத்தாய… பமத்தாய… மதாய அக்கா²யிதாய… மதாய யேபு⁴ய்யேன அக்கா²யிதாய…பே… ஆபத்தி பாராஜிகஸ்ஸ. மதாய யேபு⁴ய்யேன கா²யிதாய ஸந்திகே ஆனேத்வா அங்க³ஜாதேன வச்சமக்³க³ம்… பஸ்ஸாவமக்³க³ம்… முக²ம் அபி⁴னிஸீதே³ந்தி ஸந்த²தஸ்ஸ அஸந்த²தாய, அஸந்த²தஸ்ஸ ஸந்த²தாய, ஸந்த²தஸ்ஸ ஸந்த²தாய, அஸந்த²தஸ்ஸ அஸந்த²தாய. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

பி⁴க்கு²பச்சத்தி²கா பி⁴க்கு²ம் அமனுஸ்ஸித்தி²யா… திரச்சா²னக³தித்தி²யா… மனுஸ்ஸுப⁴தோப்³யஞ்ஜனகஸ்ஸ… அமனுஸ்ஸுப⁴தோப்³யஞ்ஜனகஸ்ஸ… திரச்சா²னக³துப⁴தோப்³யஞ்ஜனகஸ்ஸ… மனுஸ்ஸபண்ட³கஸ்ஸ… அமனுஸ்ஸபண்ட³கஸ்ஸ… திரச்சா²னக³தபண்ட³கஸ்ஸ… மனுஸ்ஸபுரிஸஸ்ஸ… அமனுஸ்ஸபுரிஸஸ்ஸ… திரச்சா²னக³தபுரிஸஸ்ஸ ஸந்திகே ஆனேத்வா அங்க³ஜாதேன வச்சமக்³க³ம்… முக²ம் அபி⁴னிஸீதே³ந்தி ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி பாராஜிகஸ்ஸ…பே… ந ஸாதி³யதி, அனாபத்தி.

65. பி⁴க்கு²பச்சத்தி²கா பி⁴க்கு²ம் திரச்சா²னக³தபுரிஸஸ்ஸ ஜாக³ரந்தஸ்ஸ… ஸுத்தஸ்ஸ… மத்தஸ்ஸ… உம்மத்தஸ்ஸ… பமத்தஸ்ஸ… மதஸ்ஸ அக்கா²யிதஸ்ஸ… மதஸ்ஸ யேபு⁴ய்யேன அக்கா²யிதஸ்ஸ…பே… ஆபத்தி பாராஜிகஸ்ஸ. மதஸ்ஸ யேபு⁴ய்யேன கா²யிதஸ்ஸ ஸந்திகே ஆனேத்வா அங்க³ஜாதேன வச்சமக்³க³ம்… முக²ம் அபி⁴னிஸீதே³ந்தி ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனம் ஸாதி³யதி, பவிட்ட²ம் ஸாதி³யதி, டி²தம் ஸாதி³யதி, உத்³த⁴ரணம் ஸாதி³யதி, ஆபத்தி து²ல்லச்சயஸ்ஸ…பே… ந ஸாதி³யதி, அனாபத்தி.

யதா² பி⁴க்கு²பச்சத்தி²கா வித்தா²ரிதா, ஏவம் வித்தா²ரேதப்³பா³.

ராஜபச்சத்தி²கா… சோரபச்சத்தி²கா… து⁴த்தபச்சத்தி²கா… உப்பளக³ந்த⁴பச்சத்தி²கா. ஸம்கி²த்தம்.

66. மக்³கே³ன மக்³க³ம் பவேஸேதி, ஆபத்தி பாராஜிகஸ்ஸ. மக்³கே³ன அமக்³க³ம் பவேஸேதி, ஆபத்தி பாராஜிகஸ்ஸ. அமக்³கே³ன மக்³க³ம் பவேஸேதி, ஆபத்தி பாராஜிகஸ்ஸ. அமக்³கே³ன அமக்³க³ம் பவேஸேதி, ஆபத்தி து²ல்லச்சயஸ்ஸ.

பி⁴க்கு² ஸுத்தபி⁴க்கு²ம்ஹி விப்படிபஜ்ஜதி; படிபு³த்³தோ⁴ ஸாதி³யதி, உபோ⁴ நாஸேதப்³பா³. படிபு³த்³தோ⁴ ந ஸாதி³யதி, தூ³ஸகோ நாஸேதப்³போ³. பி⁴க்கு² ஸுத்தஸாமணேரம்ஹி விப்படிபஜ்ஜதி; படிபு³த்³தோ⁴ ஸாதி³யதி, உபோ⁴ நாஸேதப்³பா³. படிபு³த்³தோ⁴ ந ஸாதி³யதி, தூ³ஸகோ நாஸேதப்³போ³. ஸாமணேரோ ஸுத்தபி⁴க்கு²ம்ஹி விப்படிபஜ்ஜதி; படிபு³த்³தோ⁴ ஸாதி³யதி, உபோ⁴ நாஸேதப்³பா³. படிபு³த்³தோ⁴ ந ஸாதி³யதி, தூ³ஸகோ நாஸேதப்³போ³. ஸாமணேரோ ஸுத்தஸாமணேரம்ஹி விப்படிபஜ்ஜதி; படிபு³த்³தோ⁴ ஸாதி³யதி, உபோ⁴ நாஸேதப்³பா³. படிபு³த்³தோ⁴ ந ஸாதி³யதி, தூ³ஸகோ நாஸேதப்³போ³.

அனாபத்தி அஜானந்தஸ்ஸ, அஸாதி³யந்தஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.

ஸந்த²தபா⁴ணவாரோ நிட்டி²தோ.

வினீதவத்து²உத்³தா³னகா³தா²

மக்கடீ வஜ்ஜிபுத்தா ச, கி³ஹீ நக்³கோ³ ச தித்தி²யா;

தா³ரிகுப்பலவண்ணா ச, ப்³யஞ்ஜனேஹிபரே து³வே.

மாதா தீ⁴தா ப⁴கி³னீ ச, ஜாயா ச முது³ லம்பி³னா;

த்³வே வணா லேபசித்தஞ்ச, தா³ருதீ⁴தலிகாய ச.

ஸுந்த³ரேன ஸஹ பஞ்ச, பஞ்ச ஸிவதி²கட்டி²கா;

நாகீ³ யக்கீ² ச பேதீ ச, பண்ட³கோபஹதோ சு²பே.

ப⁴த்³தி³யே அரஹம் ஸுத்தோ, ஸாவத்தி²யா சதுரோ பரே;

வேஸாலியா தயோ மாலா, ஸுபினே பா⁴ருகச்ச²கோ.

ஸுபப்³பா³ ஸத்³தா⁴ பி⁴க்கு²னீ, ஸிக்க²மானா ஸாமணேரீ ச;

வேஸியா பண்ட³கோ கி³ஹீ, அஞ்ஞமஞ்ஞம் வுட்³ட⁴பப்³ப³ஜிதோ மிகோ³தி.

வினீதவத்து²

67. தேன கோ² பன ஸமயேன அஞ்ஞதரோ பி⁴க்கு² மக்கடியா மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி – ‘‘ப⁴க³வதா ஸிக்கா²பத³ம் பஞ்ஞத்தம், கச்சி நு கோ² அஹம் பாராஜிகம் ஆபத்திம் ஆபன்னோ’’தி? ப⁴க³வதோ ஏதமத்த²ம் ஆரோசேஸி. ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன ஸம்ப³ஹுலா வேஸாலிகா வஜ்ஜிபுத்தகா பி⁴க்கூ² ஸிக்க²ம் அபச்சக்கா²ய து³ப்³ப³ல்யம் அனாவிகத்வா மேது²னம் த⁴ம்மம் படிஸேவிம்ஸு. தேஸம் குக்குச்சம் அஹோஸி – ‘‘ப⁴க³வதா ஸிக்கா²பத³ம் பஞ்ஞத்தம், கச்சி நு கோ² மயம் பாராஜிகம் ஆபத்திம் ஆபன்னா’’தி? ப⁴க³வதோ ஏதமத்த²ம் ஆரோசேஸும். ‘‘ஆபத்திம் தும்ஹே, பி⁴க்க²வே, ஆபன்னா பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² – ‘ஏவம் மே அனாபத்தி ப⁴விஸ்ஸதீ’தி, கி³ஹிலிங்கே³ன மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி ‘‘ப⁴க³வதா ஸிக்கா²பத³ம் பஞ்ஞத்தம், கச்சி நு கோ² அஹம் பாராஜிகம் ஆபத்திம் ஆபன்னோ’’தி? ப⁴க³வதோ ஏதமத்த²ம் ஆரோசேஸி. ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² – ‘ஏவம் மே அனாபத்தி ப⁴விஸ்ஸதீ’தி, நக்³கோ³ ஹுத்வா மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² – ‘ஏவம் மே அனாபத்தி ப⁴விஸ்ஸதீ’தி, குஸசீரம் நிவாஸேத்வா… வாகசீரம் நிவாஸேத்வா… ப²லகசீரம் நிவாஸேத்வா… கேஸகம்ப³லம் நிவாஸேத்வா… வாலகம்ப³லம் நிவாஸேத்வா… உலூகபக்கி²கம் நிவாஸேத்வா… அஜினக்கி²பம் நிவாஸேத்வா மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பிண்ட³சாரிகோ பி⁴க்கு² பீட²கே நிபன்னம் தா³ரிகம் பஸ்ஸித்வா ஸாரத்தோ அங்கு³ட்ட²ம் அங்க³ஜாதம் பவேஸேஸி. ஸா காலமகாஸி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி ஸங்கா⁴தி³ஸேஸஸ்ஸா’’தி.

68. தேன கோ² பன ஸமயேன அஞ்ஞதரோ மாணவகோ உப்பலவண்ணாய பி⁴க்கு²னியா படிப³த்³த⁴சித்தோ ஹோதி. அத² கோ² ஸோ மாணவகோ உப்பலவண்ணாய பி⁴க்கு²னியா கா³மம் பிண்டா³ய பவிட்டா²ய குடிகம் பவிஸித்வா நிலீனோ அச்சி². உப்பலவண்ணா பி⁴க்கு²னீ பச்சா²ப⁴த்தம் பிண்ட³பாதபடிக்கந்தா பாதே³ பக்கா²லேத்வா குடிகம் பவிஸித்வா மஞ்சகே நிஸீதி³. அத² கோ² ஸோ மாணவகோ உப்பலவண்ணம் பி⁴க்கு²னிம் உக்³க³ஹேத்வா தூ³ஸேஸி. உப்பலவண்ணா பி⁴க்கு²னீ பி⁴க்கு²னீனம் ஏதமத்த²ம் ஆரோசேஸி. பி⁴க்கு²னியோ பி⁴க்கூ²னம் ஏதமத்த²ம் ஆரோசேஸும். பி⁴க்கூ² ப⁴க³வதோ ஏதமத்த²ம் ஆரோசேஸும். ‘‘அனாபத்தி, பி⁴க்க²வே, அஸாதி³யந்தியா’’தி.

69. தேன கோ² பன ஸமயேன அஞ்ஞதரஸ்ஸ பி⁴க்கு²னோ இத்தி²லிங்க³ம் பாதுபூ⁴தம் ஹோதி. ப⁴க³வதோ ஏதமத்த²ம் ஆரோசேஸும். ‘‘அனுஜானாமி, பி⁴க்க²வே, தம்யேவ உபஜ்ஜ²ம் தமேவ உபஸம்பத³ம் தானியேவ [தானி (ஸீ. ஸ்யா.)] வஸ்ஸானி பி⁴க்கு²னீஹி ஸங்க³மிதும் [ஸங்கமிதும் (ஸீ. ஸ்யா.)]. யா ஆபத்தியோ பி⁴க்கூ²னம் பி⁴க்கு²னீஹி ஸாதா⁴ரணா தா ஆபத்தியோ பி⁴க்கு²னீனம் ஸந்திகே வுட்டா²தும். யா ஆபத்தியோ பி⁴க்கூ²னம் பி⁴க்கு²னீஹி அஸாதா⁴ரணா தாஹி ஆபத்தீஹி அனாபத்தீ’’தி.

தேன கோ² பன ஸமயேன அஞ்ஞதரிஸ்ஸா பி⁴க்கு²னியா புரிஸலிங்க³ம் பாதுபூ⁴தம் ஹோதி. ப⁴க³வதோ ஏதமத்த²ம் ஆரோசேஸும். ‘‘அனுஜானாமி, பி⁴க்க²வே, தம்யேவ உபஜ்ஜ²ம் தமேவ உபஸம்பத³ம் தானியேவ [தானி (ஸீ. ஸ்யா.)] வஸ்ஸானி பி⁴க்கூ²ஹி ஸங்க³மிதும் [ஸங்கமிதும் (ஸீ. ஸ்யா.)]. யா ஆபத்தியோ பி⁴க்கு²னீனம் பி⁴க்கூ²ஹி ஸாதா⁴ரணா தா ஆபத்தியோ பி⁴க்கூ²னம் ஸந்திகே வுட்டா²தும். யா ஆபத்தியோ பி⁴க்கு²னீனம் பி⁴க்கூ²ஹி அஸாதா⁴ரணா தாஹி ஆபத்தீஹி அனாபத்தீ’’தி.

70. தேன கோ² பன ஸமயேன அஞ்ஞதரோ பி⁴க்கு² – ‘ஏவம் மே அனாபத்தி ப⁴விஸ்ஸதீ’தி, மாதுயா மேது²னம் த⁴ம்மம் படிஸேவி… தீ⁴துயா மேது²னம் த⁴ம்மம் படிஸேவி… ப⁴கி³னியா மேது²னம் த⁴ம்மம் படிஸேவி… தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² புராணது³தியிகாய மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

71. தேன கோ² பன ஸமயேன அஞ்ஞதரோ பி⁴க்கு² முது³பிட்டி²கோ ஹோதி. ஸோ அனபி⁴ரதியா பீளிதோ அத்தனோ அங்க³ஜாதம் முகே²ன அக்³க³ஹேஸி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² லம்பீ³ ஹோதி. ஸோ அனபி⁴ரதியா பீளிதோ அத்தனோ அங்க³ஜாதம் அத்தனோ வச்சமக்³க³ம் பவேஸேஸி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² மதஸரீரம் பஸ்ஸி. தஸ்மிஞ்ச ஸரீரே அங்க³ஜாதஸாமந்தா வணோ ஹோதி. ஸோ – ‘ஏவம் மே அனாபத்தி ப⁴விஸ்ஸதீ’தி, அங்க³ஜாதே அங்க³ஜாதம் பவேஸேத்வா வணேன நீஹரி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² மதஸரீரம் பஸ்ஸி. தஸ்மிஞ்ச ஸரீரே அங்க³ஜாதஸாமந்தா வணோ ஹோதி. ஸோ – ‘ஏவம் மே அனாபத்தி ப⁴விஸ்ஸதீ’தி, வணே அங்க³ஜாதம் பவேஸேத்வா அங்க³ஜாதேன நீஹரி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² ஸாரத்தோ லேபசித்தஸ்ஸ நிமித்தம் அங்க³ஜாதேன சு²பி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² ஸாரத்தோ தா³ருதீ⁴தலிகாய நிமித்தம் அங்க³ஜாதேன சு²பி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி து³க்கடஸ்ஸா’’தி.

72. தேன கோ² பன ஸமயேன ஸுந்த³ரோ நாம பி⁴க்கு² ராஜக³ஹா பப்³ப³ஜிதோ ரதி²காய [ரதி²யாய (க.)] க³ச்ச²தி. அஞ்ஞதரா இத்தீ² – ‘முஹுத்தம் [இத்தீ² தம் பஸ்ஸித்வா ஏதத³வோச முஹுத்தம் (ஸ்யா.)], ப⁴ந்தே, ஆக³மேஹி, வந்தி³ஸ்ஸாமீ’தி ஸா வந்த³ந்தீ அந்தரவாஸகம் உக்கி²பித்வா முகே²ன அங்க³ஜாதம் அக்³க³ஹேஸி. தஸ்ஸ குக்குச்சம் அஹோஸி…பே… ‘‘ஸாதி³யி த்வம், பி⁴க்கூ²’’தி? ‘‘நாஹம், ப⁴க³வா, ஸாதி³யி’’ந்தி. ‘‘அனாபத்தி, பி⁴க்கு², அஸாதி³யந்தஸ்ஸா’’தி.

தேன கோ² பன ஸமயேன அஞ்ஞதரா இத்தீ² பி⁴க்கு²ம் பஸ்ஸித்வா ஏதத³வோச – ‘‘ஏஹி, ப⁴ந்தே, மேது²னம் த⁴ம்மம் படிஸேவா’’தி. ‘‘அலம், ப⁴கி³னி, நேதம் கப்பதீ’’தி. ‘‘ஏஹி, ப⁴ந்தே, அஹம் வாயமிஸ்ஸாமி, த்வம் மா வாயமி, ஏவம் தே அனாபத்தி ப⁴விஸ்ஸதீ’’தி. ஸோ பி⁴க்கு² ததா² அகாஸி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரா இத்தீ² பி⁴க்கு²ம் பஸ்ஸித்வா ஏதத³வோச – ‘‘ஏஹி, ப⁴ந்தே, மேது²னம் த⁴ம்மம் படிஸேவா’’தி. ‘‘அலம், ப⁴கி³னி, நேதம் கப்பதீ’’தி. ‘‘ஏஹி ப⁴ந்தே, த்வம் வாயம, அஹம் ந வாயமிஸ்ஸாமி, ஏவம் தே அனாபத்தி ப⁴விஸ்ஸதீ’’தி. ஸோ பி⁴க்கு² ததா² அகாஸி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரா இத்தீ² பி⁴க்கு²ம் பஸ்ஸித்வா ஏதத³வோச – ‘‘ஏஹி, ப⁴ந்தே, மேது²னம் த⁴ம்மம் படிஸேவா’’தி. ‘‘அலம், ப⁴கி³னி, நேதம் கப்பதீ’’தி. ‘‘ஏஹி, ப⁴ந்தே, அப்³ப⁴ந்தரம் க⁴ட்டேத்வா ப³ஹி மோசேஹி…பே… ப³ஹி க⁴ட்டேத்வா அப்³ப⁴ந்தரம் மோசேஹி, ஏவம் தே அனாபத்தி ப⁴விஸ்ஸதீ’’தி. ஸோ பி⁴க்கு² ததா² அகாஸி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

73. தேன கோ² பன ஸமயேன அஞ்ஞதரோ பி⁴க்கு² ஸிவதி²கம் க³ந்த்வா அக்கா²யிதம் ஸரீரம் பஸ்ஸித்வா தஸ்மிம் மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² ஸிவதி²கம் க³ந்த்வா யேபு⁴ய்யேன அக்கா²யிதம் ஸரீரம் பஸ்ஸித்வா தஸ்மிம் மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² ஸிவதி²கம் க³ந்த்வா யேபு⁴ய்யேன கா²யிதம் ஸரீரம் பஸ்ஸித்வா தஸ்மிம் மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² ஸிவதி²கம் க³ந்த்வா சி²ன்னஸீஸம் பஸ்ஸித்வா வட்டகதே முகே² சு²பந்தம் அங்க³ஜாதம் பவேஸேஸி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² ஸிவதி²கம் க³ந்த்வா சி²ன்னஸீஸம் பஸ்ஸித்வா வட்டகதே முகே² அச்சு²பந்தம் அங்க³ஜாதம் பவேஸேஸி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² அஞ்ஞதரிஸ்ஸா இத்தி²யா படிப³த்³த⁴சித்தோ ஹோதி. ஸா காலங்கதா [காலகதா (ஸீ. ஸ்யா.)] ஸுஸானே ச²ட்³டி³தா. அட்டி²கானி விப்பகிண்ணானி ஹோந்தி. அத² கோ² ஸோ பி⁴க்கு² ஸிவதி²கம் க³ந்த்வா அட்டி²கானி ஸங்கட்³டி⁴த்வா நிமித்தே அங்க³ஜாதம் படிபாதே³ஸி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² நாகி³யா மேது²னம் த⁴ம்மம் படிஸேவி… யக்கி²னியா மேது²னம் த⁴ம்மம் படிஸேவி… பேதியா மேது²னம் த⁴ம்மம் படிஸேவி … பண்ட³கஸ்ஸ மேது²னம் த⁴ம்மம் படிஸேவி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² உபஹதிந்த்³ரியோ ஹோதி. ஸோ – ‘நாஹம் வேதி³யாமி [வேத³யாமி (க.)] ஸுக²ம் வா து³க்க²ம் வா, அனாபத்தி மே ப⁴விஸ்ஸதீ’தி, மேது²னம் த⁴ம்மம் படிஸேவி. ப⁴க³வதோ ஏதமத்த²ம் ஆரோசேஸும். ‘‘வேத³யி வா ஸோ, பி⁴க்க²வே, மோக⁴புரிஸோ ந வா வேத³யி, ஆபத்தி பாராஜிகஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² – ‘இத்தி²யா மேது²னம் த⁴ம்மம் படிஸேவிஸ்ஸாமீ’தி, சு²பிதமத்தே விப்படிஸாரீ அஹோஸி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி ஸங்கா⁴தி³ஸேஸஸ்ஸா’’தி.

74. தேன கோ² பன ஸமயேன அஞ்ஞதரோ பி⁴க்கு² ப⁴த்³தி³யே ஜாதியாவனே தி³வாவிஹாரக³தோ நிபன்னோ ஹோதி. தஸ்ஸ அங்க³மங்கா³னி வாதூபத்த²த்³தா⁴னி ஹோந்தி. அஞ்ஞதரா இத்தீ² பஸ்ஸித்வா அங்க³ஜாதே அபி⁴னிஸீதி³த்வா யாவத³த்த²ம் கத்வா பக்காமி. பி⁴க்கூ² கிலின்னம் பஸ்ஸித்வா ப⁴க³வதோ ஏதமத்த²ம் ஆரோசேஸும். ‘‘பஞ்சஹி, பி⁴க்க²வே, ஆகாரேஹி அங்க³ஜாதம் கம்மனியம் ஹோதி – ராகே³ன, வச்சேன, பஸ்ஸாவேன, வாதேன, உச்சாலிங்க³பாணகத³ட்டே²ன. இமேஹி கோ², பி⁴க்க²வே, பஞ்சஹாகாரேஹி அங்க³ஜாதம் கம்மனியம் ஹோதி. அட்டா²னமேதம், பி⁴க்க²வே, அனவகாஸோ யம் தஸ்ஸ பி⁴க்கு²னோ ராகே³ன அங்க³ஜாதம் கம்மனியம் அஸ்ஸ. அரஹம் ஸோ, பி⁴க்க²வே, பி⁴க்கு². அனாபத்தி, பி⁴க்க²வே, தஸ்ஸ பி⁴க்கு²னோ’’தி.

தேன கோ² பன ஸமயேன அஞ்ஞதரோ பி⁴க்கு² ஸாவத்தி²யா அந்த⁴வனே தி³வாவிஹாரக³தோ நிபன்னோ ஹோதி. அஞ்ஞதரா கோ³பாலிகா பஸ்ஸித்வா அங்க³ஜாதே அபி⁴னிஸீதி³. ஸோ பி⁴க்கு² பவேஸனம் ஸாதி³யி, பவிட்ட²ம் ஸாதி³யி, டி²தம் ஸாதி³யி, உத்³த⁴ரணம் ஸாதி³யி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

தேன கோ² பன ஸமயேன அஞ்ஞதரோ பி⁴க்கு² ஸாவத்தி²யா அந்த⁴வனே தி³வாவிஹாரக³தோ நிபன்னோ ஹோதி. அஞ்ஞதரா அஜபாலிகா பஸ்ஸித்வா… அஞ்ஞதரா கட்ட²ஹாரிகா பஸ்ஸித்வா… அஞ்ஞதரா கோ³மயஹாரிகா பஸ்ஸித்வா அங்க³ஜாதே அபி⁴னிஸீதி³. ஸோ பி⁴க்கு² பவேஸனம் ஸாதி³யி, பவிட்ட²ம் ஸாதி³யி, டி²தம் ஸாதி³யி, உத்³த⁴ரணம் ஸாதி³யி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.

75. தேன கோ² பன ஸமயேன அஞ்ஞதரோ பி⁴க்கு² வேஸாலியம் மஹாவனே தி³வாவிஹாரக³தோ நிபன்னோ ஹோதி. அஞ்ஞதரா இத்தீ² பஸ்ஸித்வா அங்க³ஜாதே அபி⁴னிஸீதி³த்வா யாவத³த்த²ம் கத்வா ஸாமந்தா ஹஸமானா டி²தா ஹோதி. ஸோ பி⁴க்கு² படிபு³ஜ்ஜி²த்வா தம் இத்தி²ம் ஏதத³வோச – ‘‘துய்ஹித³ம் கம்ம’’ந்தி? ‘‘ஆம, மய்ஹம் கம்ம’’ந்தி. தஸ்ஸ குக்குச்சம் அஹோஸி…பே… ‘‘ஸாதி³யி த்வம், பி⁴க்கூ²’’தி? ‘‘நாஹம், ப⁴க³வா, ஜானாமீ’’தி. ‘‘அனாபத்தி, பி⁴க்கு², அஜானந்தஸ்ஸா’’தி.

76. தேன கோ² பன ஸமயேன அஞ்ஞதரோ பி⁴க்கு² வேஸாலியம் மஹாவனே தி³வாவிஹாரக³தோ ருக்க²ம் அபஸ்ஸாய நிபன்னோ ஹோதி. அஞ்ஞதரா இத்தீ² பஸ்ஸித்வா அங்க³ஜாதே அபி⁴னிஸீதி³. ஸோ பி⁴க்கு² ஸஹஸா வுட்டா²ஸி. தஸ்ஸ குக்குச்சம் அஹோஸி…பே… ‘‘ஸாதி³யி த்வம், பி⁴க்கூ²’’தி? ‘‘நாஹம், ப⁴க³வா, ஸாதி³யி’’ந்தி. ‘‘அனாபத்தி, பி⁴க்கு², அஸாதி³யந்தஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² வேஸாலியம் மஹாவனே தி³வாவிஹாரக³தோ ருக்க²ம் அபஸ்ஸாய நிபன்னோ ஹோதி. அஞ்ஞதரா இத்தீ² பஸ்ஸித்வா அங்க³ஜாதே அபி⁴னிஸீதி³. ஸோ பி⁴க்கு² அக்கமித்வா பவத்தேஸி [பவட்டேஸி (ஸீ. ஸ்யா.)]. தஸ்ஸ குக்குச்சம் அஹோஸி…பே… ‘‘ஸாதி³யி த்வம், பி⁴க்கூ²’’தி? ‘‘நாஹம், ப⁴க³வா, ஸாதி³யி’’ந்தி. ‘‘அனாபத்தி, பி⁴க்கு², அஸாதி³யந்தஸ்ஸா’’தி.

77. தேன கோ² பன ஸமயேன அஞ்ஞதரோ பி⁴க்கு² வேஸாலியம் மஹாவனே கூடாகா³ரஸாலாயம் தி³வாவிஹாரக³தோ த்³வாரம் விவரித்வா நிபன்னோ ஹோதி. தஸ்ஸ அங்க³மங்கா³னி வாதூபத்த²த்³தா⁴னி ஹோந்தி. தேன கோ² பன ஸமயேன ஸம்ப³ஹுலா இத்தி²யோ க³ந்த⁴ஞ்ச மாலஞ்ச ஆதா³ய ஆராமம் ஆக³மம்ஸு விஹாரபேக்கி²காயோ. அத² கோ² தா இத்தி²யோ தம் பி⁴க்கு²ம் பஸ்ஸித்வா அங்க³ஜாதே அபி⁴னிஸீதி³த்வா யாவத³த்த²ம் கத்வா, புரிஸூஸபோ⁴ வதாயந்தி வத்வா க³ந்த⁴ஞ்ச மாலஞ்ச ஆரோபேத்வா பக்கமிம்ஸு. பி⁴க்கூ² கிலின்னம் பஸ்ஸித்வா ப⁴க³வதோ ஏதமத்த²ம் ஆரோசேஸும். ‘‘பஞ்சஹி, பி⁴க்க²வே, ஆகாரேஹி அங்க³ஜாதம் கம்மனியம் ஹோதி – ராகே³ன, வச்சேன, பஸ்ஸாவேன, வாதேன, உச்சாலிங்க³பாணகத³ட்டே²ன. இமேஹி கோ², பி⁴க்க²வே, பஞ்சஹாகாரேஹி அங்க³ஜாதம் கம்மனியம் ஹோதி. அட்டா²னமேதம், பி⁴க்க²வே, அனவகாஸோ, யம் தஸ்ஸ பி⁴க்கு²னோ ராகே³ன அங்க³ஜாதம் கம்மனியம் அஸ்ஸ. அரஹம் ஸோ, பி⁴க்க²வே, பி⁴க்கு². அனாபத்தி, பி⁴க்க²வே, தஸ்ஸ பி⁴க்கு²னோ. அனுஜானாமி, பி⁴க்க²வே, தி³வா படிஸல்லீயந்தேன த்³வாரம் ஸம்வரித்வா படிஸல்லீயிது’’ந்தி.

78. தேன கோ² பன ஸமயேன அஞ்ஞதரோ பா⁴ருகச்ச²கோ பி⁴க்கு² ஸுபினந்தே [ஸுபினந்தேன (ஸீ. ஸ்யா.)] புராணது³தியிகாய மேது²னம் த⁴ம்மம் படிஸேவித்வா – ‘அஸ்ஸமணோ அஹம், விப்³ப⁴மிஸ்ஸாமீ’தி, பா⁴ருகச்ச²ம் க³ச்ச²ந்தோ அந்தராமக்³கே³ ஆயஸ்மந்தம் உபாலிம் பஸ்ஸித்வா ஏதமத்த²ம் ஆரோசேஸி. ஆயஸ்மா உபாலி ஏவமாஹ – ‘‘அனாபத்தி, ஆவுஸோ, ஸுபினந்தேனா’’தி.

தேன கோ² பன ஸமயேன ராஜக³ஹே ஸுபப்³பா³ நாம உபாஸிகா முத⁴ப்பஸன்னா [முத்³த⁴ப்பஸன்னா (ஸீ.)] ஹோதி. ஸா ஏவம்தி³ட்டி²கா ஹோதி – ‘‘யா மேது²னம் த⁴ம்மம் தே³தி ஸா அக்³க³தா³னம் தே³தீ’’தி. ஸா பி⁴க்கு²ம் பஸ்ஸித்வா ஏதத³வோச – ‘‘ஏஹி, ப⁴ந்தே, மேது²னம் த⁴ம்மம் படிஸேவா’’தி. ‘‘அலம், ப⁴கி³னி, நேதம் கப்பதீ’’தி. ‘‘ஏஹி, ப⁴ந்தே, ஊருந்தரிகாய [ஊரந்தரிகாய (ஸீ.)] க⁴ட்டேஹி, ஏவம் தே அனாபத்தி ப⁴விஸ்ஸதீ’’தி…பே… ஏஹி, ப⁴ந்தே, நாபி⁴யம் க⁴ட்டேஹி… ஏஹி, ப⁴ந்தே, உத³ரவட்டியம் க⁴ட்டேஹி… ஏஹி, ப⁴ந்தே, உபகச்ச²கே க⁴ட்டேஹி… ஏஹி, ப⁴ந்தே, கீ³வாயம் க⁴ட்டேஹி… ஏஹி, ப⁴ந்தே, கண்ணச்சி²த்³தே³ க⁴ட்டேஹி… ஏஹி, ப⁴ந்தே, கேஸவட்டியம் க⁴ட்டேஹி… ஏஹி, ப⁴ந்தே, அங்கு³லந்தரிகாய க⁴ட்டேஹி… ‘‘ஏஹி, ப⁴ந்தே, ஹத்தே²ன உபக்கமித்வா மோசேஸ்ஸாமி, ஏவம் தே அனாபத்தி ப⁴விஸ்ஸதீ’’தி. ஸோ பி⁴க்கு² ததா² அகாஸி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி ஸங்கா⁴தி³ஸேஸஸ்ஸா’’தி.

79. தேன கோ² பன ஸமயேன ஸாவத்தி²யம் ஸத்³தா⁴ நாம உபாஸிகா முத⁴ப்பஸன்னா ஹோதி. ஸா ஏவம்தி³ட்டி²கா ஹோதி – ‘‘யா மேது²னம் த⁴ம்மம் தே³தி ஸா அக்³க³தா³னம் தே³தீ’’தி. ஸா பி⁴க்கு²ம் பஸ்ஸித்வா ஏதத³வோச – ‘‘ஏஹி, ப⁴ந்தே, மேது²னம் த⁴ம்மம் படிஸேவா’’தி. ‘‘அலம், ப⁴கி³னி, நேதம் கப்பதீ’’தி. ‘‘ஏஹி, ப⁴ந்தே, ஊருந்தரிகாய க⁴ட்டேஹி…பே… ஏஹி, ப⁴ந்தே, ஹத்தே²ன உபக்கமித்வா மோசேஸ்ஸாமி, ஏவம் தே அனாபத்தி ப⁴விஸ்ஸதீ’’தி. ஸோ பி⁴க்கு² ததா² அகாஸி. தஸ்ஸ குக்குச்சம் அஹோஸி…பே… ‘‘அனாபத்தி, பி⁴க்கு², பாராஜிகஸ்ஸ. ஆபத்தி ஸங்கா⁴தி³ஸேஸஸ்ஸா’’தி.

80. தேன கோ² பன ஸமயேன வேஸாலியம் லிச்ச²விகுமாரகா பி⁴க்கு²ம் க³ஹேத்வா பி⁴க்கு²னியா விப்படிபாதே³ஸும்… ஸிக்க²மானாய விப்படிபாதே³ஸும்… ஸாமணேரியா விப்படிபாதே³ஸும். உபோ⁴ ஸாதி³யிம்ஸு. உபோ⁴ நாஸேதப்³பா³. உபோ⁴ ந ஸாதி³யிம்ஸு. உபி⁴ன்னம் அனாபத்தி.

81. தேன கோ² பன ஸமயேன வேஸாலியம் லிச்ச²விகுமாரகா பி⁴க்கு²ம் க³ஹேத்வா வேஸியா விப்படிபாதே³ஸும்… பண்ட³கே விப்படிபாதே³ஸும்… கி³ஹினியா விப்படிபாதே³ஸும். பி⁴க்கு² ஸாதி³யி. பி⁴க்கு² நாஸேதப்³போ³. பி⁴க்கு² ந ஸாதி³யி. பி⁴க்கு²ஸ்ஸ அனாபத்தி.

தேன கோ² பன ஸமயேன வேஸாலியம் லிச்ச²விகுமாரகா பி⁴க்கூ² க³ஹேத்வா அஞ்ஞமஞ்ஞம் விப்படிபாதே³ஸும். உபோ⁴ ஸாதி³யிம்ஸு. உபோ⁴ நாஸேதப்³பா³. உபோ⁴ ந ஸாதி³யிம்ஸு. உபி⁴ன்னம் அனாபத்தி.

82. தேன கோ² பன ஸமயேன அஞ்ஞதரோ வுட்³ட⁴பப்³ப³ஜிதோ பி⁴க்கு² புராணது³தியிகாய த³ஸ்ஸனம் அக³மாஸி. ஸா – ‘ஏஹி, ப⁴ந்தே, விப்³ப⁴மா’தி அக்³க³ஹேஸி. ஸோ பி⁴க்கு² படிக்கமந்தோ உத்தானோ பரிபதி. ஸா உப்³ப⁴ஜித்வா [உப்³பு⁴ஜித்வா (ஸீ. ஸ்யா.)] அங்க³ஜாதே [அங்க³ஜாதேன (ஸீ.)] அபி⁴னிஸீதி³. தஸ்ஸ குக்குச்சம் அஹோஸி …பே… ‘‘ஸாதி³யி த்வம், பி⁴க்கூ²’’தி? ‘‘நாஹம், ப⁴க³வா, ஸாதி³யி’’ந்தி. ‘‘அனாபத்தி, பி⁴க்கு², அஸாதி³யந்தஸ்ஸா’’தி.

83. தேன கோ² பன ஸமயேன அஞ்ஞதரோ பி⁴க்கு² அரஞ்ஞே விஹரதி. மிக³போதகோ தஸ்ஸ பஸ்ஸாவட்டா²னம் ஆக³ந்த்வா பஸ்ஸாவம் பிவந்தோ முகே²ன அங்க³ஜாதம் அக்³க³ஹேஸி. ஸோ பி⁴க்கு² ஸாதி³யி. தஸ்ஸ குக்குச்சம் அஹோஸி…பே… ‘‘ஆபத்திம் த்வம், பி⁴க்கு², ஆபன்னோ பாராஜிக’’ந்தி.