2. ஸங்கா⁴தி³ஸேஸகண்ட³ம்

1. ஸுக்கவிஸ்ஸட்டி²ஸிக்கா²பத³ம்

இமே கோ² பனாயஸ்மந்தோ தேரஸ ஸங்கா⁴தி³ஸேஸா

த⁴ம்மா உத்³தே³ஸம் ஆக³ச்ச²ந்தி.

234. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா ஸேய்யஸகோ அனபி⁴ரதோ ப்³ரஹ்மசரியம் சரதி. ஸோ தேன கிஸோ ஹோதி லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ. அத்³த³ஸ கோ² ஆயஸ்மா உதா³யீ ஆயஸ்மந்தம் ஸேய்யஸகம் கிஸம் லூக²ம் து³ப்³ப³ண்ணம் உப்பண்டு³ப்பண்டு³கஜாதம் த⁴மனிஸந்த²தக³த்தம். தி³ஸ்வான ஆயஸ்மந்தம் ஸேய்யஸகம் ஏதத³வோச – ‘‘கிஸ்ஸ த்வம், ஆவுஸோ ஸேய்யஸக, கிஸோ லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ? கச்சி நோ த்வம், ஆவுஸோ ஸேய்யஸக, அனபி⁴ரதோ ப்³ரஹ்மசரியம் சரஸீ’’தி? ‘‘ஏவமாவுஸோ’’தி. ‘‘தேன ஹி த்வம், ஆவுஸோ ஸேய்யஸக, யாவத³த்த²ம் பு⁴ஞ்ஜ யாவத³த்த²ம் ஸுப யாவத³த்த²ம் ந்ஹாய. யாவத³த்த²ம் பு⁴ஞ்ஜித்வா யாவத³த்த²ம் ஸுபித்வா யாவத³த்த²ம் ந்ஹாயித்வா யதா³ தே அனபி⁴ரதி உப்பஜ்ஜதி ராகோ³ சித்தம் அனுத்³த⁴ம்ஸேதி ததா³ ஹத்தே²ன உபக்கமித்வா அஸுசிம் மோசேஹீ’’தி. ‘‘கிம் நு கோ², ஆவுஸோ, கப்பதி ஏவரூபம் காது’’ந்தி? ‘‘ஆம, ஆவுஸோ. அஹம்பி ஏவம் கரோமீ’’தி.

அத² கோ² ஆயஸ்மா ஸேய்யஸகோ யாவத³த்த²ம் பு⁴ஞ்ஜி யாவத³த்த²ம் ஸுபி யாவத³த்த²ம் ந்ஹாயி. யாவத³த்த²ம் பு⁴ஞ்ஜித்வா யாவத³த்த²ம் ஸுபித்வா யாவத³த்த²ம் ந்ஹாயித்வா யதா³ அனபி⁴ரதி உப்பஜ்ஜதி ராகோ³ சித்தம் அனுத்³த⁴ம்ஸேதி ததா³ ஹத்தே²ன உபக்கமித்வா அஸுசிம் மோசேஸி. அத² கோ² ஆயஸ்மா ஸேய்யஸகோ அபரேன ஸமயேன வண்ணவா அஹோஸி பீணிந்த்³ரியோ பஸன்னமுக²வண்ணோ விப்பஸன்னச²விவண்ணோ. அத² கோ² ஆயஸ்மதோ ஸேய்யஸகஸ்ஸ ஸஹாயகா பி⁴க்கூ² ஆயஸ்மந்தம் ஸேய்யஸகம் ஏதத³வோசும் – ‘‘புப்³பே³ கோ² த்வம், ஆவுஸோ ஸேய்யஸக, கிஸோ அஹோஸி லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ. ஸோ தா³னி த்வம் ஏதரஹி வண்ணவா பீணிந்த்³ரியோ பஸன்னமுக²வண்ணோ விப்பஸன்னச²விவண்ணோ. கிம் நு கோ² த்வம், ஆவுஸோ ஸேய்யஸக, பே⁴ஸஜ்ஜம் கரோஸீ’’தி? ‘‘ந கோ² அஹம், ஆவுஸோ, பே⁴ஸஜ்ஜம் கரோமி. அபிசாஹம் யாவத³த்த²ம் பு⁴ஞ்ஜாமி யாவத³த்த²ம் ஸுபாமி யாவத³த்த²ம் ந்ஹாயாமி. யாவத³த்த²ம் பு⁴ஞ்ஜித்வா யாவத³த்த²ம் ஸுபித்வா யாவத³த்த²ம் ந்ஹாயித்வா யதா³ மே அனபி⁴ரதி உப்பஜ்ஜதி ராகோ³ சித்தம் அனுத்³த⁴ம்ஸேதி ததா³ ஹத்தே²ன உபக்கமித்வா அஸுசிம் மோசேமீ’’தி. ‘‘கிம் பன த்வம், ஆவுஸோ ஸேய்யஸக, யேனேவ ஹத்தே²ன ஸத்³தா⁴தே³ய்யம் பு⁴ஞ்ஜஸி தேனேவ ஹத்தே²ன உபக்கமித்வா அஸுசிம் மோசேஸீ’’தி? ‘‘ஏவமாவுஸோ’’தி. யே தே பி⁴க்கூ² அப்பிச்சா²…பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம ஆயஸ்மா ஸேய்யஸகோ ஹத்தே²ன உபக்கமித்வா அஸுசிம் மோசேஸ்ஸதீ’’தி!

அத² கோ² தே பி⁴க்கூ² ஆயஸ்மந்தம் ஸேய்யஸகம் அனேகபரியாயேன விக³ரஹித்வா ப⁴க³வதோ ஏதமத்த²ம் ஆரோசேஸும். அத² கோ² ப⁴க³வா ஏதஸ்மிம் நிதா³னே ஏதஸ்மிம் பகரணே பி⁴க்கு²ஸங்க⁴ம் ஸன்னிபாதாபேத்வா ஆயஸ்மந்தம் ஸேய்யஸகம் படிபுச்சி² – ‘‘ஸச்சம் கிர த்வம், ஸேய்யஸக, ஹத்தே²ன உபக்கமித்வா அஸுசிம் மோசேஸீ’’தி? ‘‘ஸச்சம், ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம், மோக⁴புரிஸ, அனனுலோமிகம் அப்பதிரூபம் அஸ்ஸாமணகம் அகப்பியம் அகரணீயம். கத²ஞ்ஹி நாம த்வம், மோக⁴புரிஸ, ஹத்தே²ன உபக்கமித்வா அஸுசிம் மோசேஸ்ஸஸி! நனு மயா, மோக⁴புரிஸ, அனேகபரியாயேன விராகா³ய த⁴ம்மோ தே³ஸிதோ நோ ஸராகா³ய, விஸஞ்ஞோகா³ய த⁴ம்மோ தே³ஸிதோ நோ ஸஞ்ஞோகா³ய, அனுபாதா³னாய த⁴ம்மோ தே³ஸிதோ நோ ஸஉபாதா³னாய! தத்த² நாம த்வம், மோக⁴புரிஸ, மயா விராகா³ய த⁴ம்மே தே³ஸிதே ஸராகா³ய சேதேஸ்ஸஸி, விஸஞ்ஞோகா³ய த⁴ம்மே தே³ஸிதே ஸஞ்ஞோகா³ய சேதேஸ்ஸஸி, அனுபாதா³னாய த⁴ம்மே தே³ஸிதே ஸஉபாதா³னாய சேதேஸ்ஸஸி! நனு மயா, மோக⁴புரிஸ, அனேகபரியாயேன ராக³விராகா³ய த⁴ம்மோ தே³ஸிதோ, மத³னிம்மத³னாய பிபாஸவினயாய ஆலயஸமுக்³கா⁴தாய வட்டுபச்சே²தா³ய தண்ஹக்க²யாய விராகா³ய நிரோதா⁴ய நிப்³பா³னாய த⁴ம்மோ தே³ஸிதோ? நனு மயா, மோக⁴புரிஸ, அனேகபரியாயேன காமானம் பஹானம் அக்கா²தம், காமஸஞ்ஞானம் பரிஞ்ஞா அக்கா²தா, காமபிபாஸானம் படிவினயோ அக்கா²தோ, காமவிதக்கானம் ஸமுக்³கா⁴தோ அக்கா²தோ, காமபரிளாஹானம் வூபஸமோ அக்கா²தோ? நேதம், மோக⁴புரிஸ, அப்பஸன்னானம் வா பஸாதா³ய, பஸன்னானம் வா பி⁴ய்யோபா⁴வாய. அத² க்²வேதம், மோக⁴புரிஸ, அப்பஸன்னானஞ்சேவ அப்பஸாதா³ய, பஸன்னானஞ்ச ஏகச்சானம் அஞ்ஞத²த்தாயா’’தி. அத² கோ² ப⁴க³வா ஆயஸ்மந்தம் ஸேய்யஸகம் அனேகபரியாயேன விக³ரஹித்வா து³ப்³ப⁴ரதாய…பே… ‘‘ஏவஞ்ச பன, பி⁴க்க²வே, இமம் ஸிக்கா²பத³ம் உத்³தி³ஸேய்யாத² –

‘‘ஸஞ்சேதனிகா ஸுக்கவிஸ்ஸட்டி² [விஸட்டி² (ஸீ. ஸ்யா.)] ஸங்கா⁴தி³ஸேஸோ’’தி.

ஏவஞ்சித³ம் ப⁴க³வதா பி⁴க்கூ²னம் ஸிக்கா²பத³ம் பஞ்ஞத்தம் ஹோதி.

235. தேன கோ² பன ஸமயேன பி⁴க்கூ² பணீதபோ⁴ஜனானி பு⁴ஞ்ஜித்வா முட்ட²ஸ்ஸதீ அஸம்பஜானா நித்³த³ம் ஓக்கமந்தி. தேஸம் முட்ட²ஸ்ஸதீனம் அஸம்பஜானானம் நித்³த³ம் ஓக்கமந்தானம் ஸுபினந்தேன அஸுசி முச்சதி. தேஸம் குக்குச்சம் அஹோஸி – ‘‘ப⁴க³வதா ஸிக்கா²பத³ம் பஞ்ஞத்தம் – ‘ஸஞ்சேதனிகா ஸுக்கவிஸ்ஸட்டி² ஸங்கா⁴தி³ஸேஸோ’தி. அம்ஹாகஞ்ச ஸுபினந்தேன அஸுசி முச்சதி. அத்தி² சேத்த² சேதனா லப்³ப⁴தி. கச்சி நு கோ² மயம் ஸங்கா⁴தி³ஸேஸம் ஆபத்திம் ஆபன்னா’’தி? ப⁴க³வதோ ஏதமத்த²ம் ஆரோசேஸும். ‘‘அத்தே²ஸா, பி⁴க்க²வே, சேதனா; ஸா ச கோ² அப்³போ³ஹாரிகாதி. ஏவஞ்ச பன, பி⁴க்க²வே, இமம் ஸிக்கா²பத³ம் உத்³தி³ஸேய்யாத² –

236. ‘‘ஸஞ்சேதனிகா ஸுக்கவிஸ்ஸட்டி² அஞ்ஞத்ர ஸுபினந்தா ஸங்கா⁴தி³ஸேஸோ’’தி.

237. ஸஞ்சேதனிகாதி ஜானந்தோ ஸஞ்ஜானந்தோ சேச்ச அபி⁴விதரித்வா வீதிக்கமோ.

ஸுக்கந்தி த³ஸ ஸுக்கானி – நீலம் பீதகம் லோஹிதகம் ஓதா³தம் தக்கவண்ணம் த³கவண்ணம் தேலவண்ணம் கீ²ரவண்ணம் த³தி⁴வண்ணம் ஸப்பிவண்ணம்.

விஸ்ஸட்டீ²தி டா²னதோ சாவனா வுச்சதி விஸ்ஸட்டீ²தி.

அஞ்ஞத்ர ஸுபினந்தாதி ட²பேத்வா ஸுபினந்தம்.

ஸங்கா⁴தி³ஸேஸோதி ஸங்கோ⁴வ தஸ்ஸா ஆபத்தியா பரிவாஸம் தே³தி, மூலாய படிகஸ்ஸதி, மானத்தம் தே³தி, அப்³பே⁴தி; ந ஸம்ப³ஹுலா, ந ஏகபுக்³க³லோ. தேன வுச்சதி – ‘‘ஸங்கா⁴தி³ஸேஸோ’’தி. தஸ்ஸேவ ஆபத்தினிகாயஸ்ஸ நாமகம்மம் அதி⁴வசனம். தேனபி வுச்சதி – ‘‘ஸங்கா⁴தி³ஸேஸோ’’தி.

அஜ்ஜ²த்தரூபே மோசேதி, ப³ஹித்³தா⁴ரூபே மோசேதி, அஜ்ஜ²த்தப³ஹித்³தா⁴ரூபே மோசேதி, ஆகாஸே கடிம் கம்பேந்தோ மோசேதி; ராகூ³பத்த²ம்பே⁴ மோசேதி, வச்சூபத்த²ம்பே⁴ மோசேதி, பஸ்ஸாவூபத்த²ம்பே⁴ மோசேதி, வாதூபத்த²ம்பே⁴ மோசேதி, உச்சாலிங்க³பாணகத³ட்டூ²பத்த²ம்பே⁴ மோசேதி; ஆரோக்³யத்தா²ய மோசேதி, ஸுக²த்தா²ய மோசேதி, பே⁴ஸஜ்ஜத்தா²ய மோசேதி, தா³னத்தா²ய மோசேதி, புஞ்ஞத்தா²ய மோசேதி, யஞ்ஞத்தா²ய மோசேதி, ஸக்³க³த்தா²ய மோசேதி, பீ³ஜத்தா²ய மோசேதி, வீமம்ஸத்தா²ய மோசேதி, த³வத்தா²ய மோசேதி; நீலம் மோசேதி, பீதகம் மோசேதி, லோஹிதகம் மோசேதி, ஓதா³தம் மோசேதி, தக்கவண்ணம் மோசேதி, த³கவண்ணம் மோசேதி, தேலவண்ணம் மோசேதி, கீ²ரவண்ணம் மோசேதி, த³தி⁴வண்ணம் மோசேதி, ஸப்பிவண்ணம் மோசேதி.

238. அஜ்ஜ²த்தரூபேதி அஜ்ஜ²த்தம் உபாதி³ன்னே [உபாதி³ண்ணே (ஸீ. க.)] ரூபே.

ப³ஹித்³தா⁴ரூபேதி ப³ஹித்³தா⁴ உபாதி³ன்னே வா அனுபாதி³ன்னே வா.

அஜ்ஜ²த்தப³ஹித்³தா⁴ரூபேதி தது³ப⁴யே.

ஆகாஸே கடிம் கம்பேந்தோதி ஆகாஸே வாயமந்தஸ்ஸ அங்க³ஜாதம் கம்மனியம் ஹோதி.

ராகூ³பத்த²ம்பே⁴தி ராகே³ன பீளிதஸ்ஸ அங்க³ஜாதம் கம்மனியம் ஹோதி.

வச்சூபத்த²ம்பே⁴தி வச்சேன பீளிதஸ்ஸ அங்க³ஜாதம் கம்மனியம் ஹோதி.

பஸ்ஸாவூபத்த²ம்பே⁴தி பஸ்ஸாவேன பீளிதஸ்ஸ அங்க³ஜாதம் கம்மனியம் ஹோதி.

வாதூபத்த²ம்பே⁴தி வாதேன பீளிதஸ்ஸ அங்க³ஜாதம் கம்மனியம் ஹோதி.

உச்சாலிங்க³பாணகத³ட்டூ²பத்த²ம்பே⁴தி உச்சாலிங்க³பாணகத³ட்டே²ன அங்க³ஜாதம் கம்மனியம் ஹோதி.

239. ஆரோக்³யத்தா²யாதி அரோகோ³ ப⁴விஸ்ஸாமி.

ஸுக²த்தா²யாதி ஸுக²ம் வேத³னம் உப்பாதே³ஸ்ஸாமி.

பே⁴ஸஜ்ஜத்தா²யாதி பே⁴ஸஜ்ஜம் ப⁴விஸ்ஸதி.

தா³னத்தா²யாதி தா³னம் த³ஸ்ஸாமி.

புஞ்ஞத்தா²யாதி புஞ்ஞம் ப⁴விஸ்ஸதி.

யஞ்ஞத்தா²யாதி யஞ்ஞம் யஜிஸ்ஸாமி.

ஸக்³க³த்தா²யாதி ஸக்³க³ம் க³மிஸ்ஸாமி.

பீ³ஜத்தா²யாதி பீ³ஜம் ப⁴விஸ்ஸதி.

வீமம்ஸத்தா²யாதி நீலம் ப⁴விஸ்ஸதி, பீதகம் ப⁴விஸ்ஸதி, லோஹிதகம் ப⁴விஸ்ஸதி, ஓதா³தம் ப⁴விஸ்ஸதி, தக்கவண்ணம் ப⁴விஸ்ஸதி, த³கவண்ணம் ப⁴விஸ்ஸதி, தேலவண்ணம் ப⁴விஸ்ஸதி, கீ²ரவண்ணம் ப⁴விஸ்ஸதி, த³தி⁴வண்ணம் ப⁴விஸ்ஸதி, ஸப்பிவண்ணம் ப⁴விஸ்ஸதீதி.

த³வத்தா²யாதி கி²ட்³டா³தி⁴ப்பாயோ.

240. அஜ்ஜ²த்தரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ப³ஹித்³தா⁴ரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

அஜ்ஜ²த்தப³ஹித்³தா⁴ரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆகாஸே கடிம் கம்பேந்தோ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ராகூ³பத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

வச்சூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பஸ்ஸாவூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

வாதூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

உச்சாலிங்க³பாணகத³ட்டூ²பத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆரோக்³யத்தா²ய சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸுக²த்தா²ய…பே… பே⁴ஸஜ்ஜத்தா²ய… தா³னத்தா²ய… புஞ்ஞத்தா²ய… யஞ்ஞத்தா²ய… ஸக்³க³த்தா²ய… பீ³ஜத்தா²ய… வீமம்ஸத்தா²ய… த³வத்தா²ய சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

நீலம் சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பீதகம்… லோஹிதகம்… ஓதா³தம்… தக்கவண்ணம்… த³கவண்ணம்… தேலவண்ணம்… கீ²ரவண்ணம்… த³தி⁴வண்ணம்… ஸப்பிவண்ணம் சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸுத்³தி⁴கம் நிட்டி²தம்.

ஆரோக்³யத்த²ஞ்ச ஸுக²த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆரோக்³யத்த²ஞ்ச பே⁴ஸஜ்ஜத்த²ஞ்ச…பே… ஆரோக்³யத்த²ஞ்ச தா³னத்த²ஞ்ச… ஆரோக்³யத்த²ஞ்ச புஞ்ஞத்த²ஞ்ச… ஆரோக்³யத்த²ஞ்ச யஞ்ஞத்த²ஞ்ச… ஆரோக்³யத்த²ஞ்ச ஸக்³க³த்த²ஞ்ச… ஆரோக்³யத்த²ஞ்ச பீ³ஜத்த²ஞ்ச… ஆரோக்³யத்த²ஞ்ச வீமம்ஸத்த²ஞ்ச… ஆரோக்³யத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ க²ண்ட³சக்கம் நிட்டி²தம்.

241. ஸுக²த்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸுக²த்த²ஞ்ச தா³னத்த²ஞ்ச…பே… ஸுக²த்த²ஞ்ச புஞ்ஞத்த²ஞ்ச… ஸுக²த்த²ஞ்ச யஞ்ஞத்த²ஞ்ச… ஸுக²த்த²ஞ்ச ஸக்³க³த்த²ஞ்ச… ஸுக²த்த²ஞ்ச பீ³ஜத்த²ஞ்ச… ஸுக²த்த²ஞ்ச வீமம்ஸத்த²ஞ்ச… ஸுக²த்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸுக²த்த²ஞ்ச ஆரோக்³யத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

242. பே⁴ஸஜ்ஜத்த²ஞ்ச தா³னத்த²ஞ்ச…பே… பே⁴ஸஜ்ஜத்த²ஞ்ச புஞ்ஞத்த²ஞ்ச… பே⁴ஸஜ்ஜத்த²ஞ்ச யஞ்ஞத்த²ஞ்ச… பே⁴ஸஜ்ஜத்த²ஞ்ச ஸக்³க³த்த²ஞ்ச… பே⁴ஸஜ்ஜத்த²ஞ்ச பீ³ஜத்த²ஞ்ச… பே⁴ஸஜ்ஜத்த²ஞ்ச வீமம்ஸத்த²ஞ்ச… பே⁴ஸஜ்ஜத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பே⁴ஸஜ்ஜத்த²ஞ்ச ஆரோக்³யத்த²ஞ்ச…பே… பே⁴ஸஜ்ஜத்த²ஞ்ச ஸுக²த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தா³னத்த²ஞ்ச புஞ்ஞத்த²ஞ்ச…பே… தா³னத்த²ஞ்ச யஞ்ஞத்த²ஞ்ச… தா³னத்த²ஞ்ச ஸக்³க³த்த²ஞ்ச… தா³னத்த²ஞ்ச பீ³ஜத்த²ஞ்ச… தா³னத்த²ஞ்ச வீமம்ஸத்த²ஞ்ச… தா³னத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தா³னத்த²ஞ்ச ஆரோக்³யத்த²ஞ்ச…பே… தா³னத்த²ஞ்ச ஸுக²த்த²ஞ்ச… தா³னத்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

புஞ்ஞத்த²ஞ்ச யஞ்ஞத்த²ஞ்ச…பே… புஞ்ஞத்த²ஞ்ச ஸக்³க³த்த²ஞ்ச… புஞ்ஞத்த²ஞ்ச பீ³ஜத்த²ஞ்ச… புஞ்ஞத்த²ஞ்ச வீமம்ஸத்த²ஞ்ச… புஞ்ஞத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

புஞ்ஞத்த²ஞ்ச ஆரோக்³யத்த²ஞ்ச…பே… புஞ்ஞத்த²ஞ்ச ஸுக²த்த²ஞ்ச… புஞ்ஞத்த²ஞ்ச பே⁴ஸஜ்ஜத்த²ஞ்ச… புஞ்ஞத்த²ஞ்ச தா³னத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

யஞ்ஞத்த²ஞ்ச ஸக்³க³த்த²ஞ்ச…பே… யஞ்ஞத்த²ஞ்ச பீ³ஜத்த²ஞ்ச… யஞ்ஞத்த²ஞ்ச வீமம்ஸத்த²ஞ்ச … யஞ்ஞத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

யஞ்ஞத்த²ஞ்ச ஆரோக்³யத்த²ஞ்ச…பே… யஞ்ஞத்த²ஞ்ச ஸுக²த்த²ஞ்ச… யஞ்ஞத்த²ஞ்ச பே⁴ஸஜ்ஜத்த²ஞ்ச… யஞ்ஞத்த²ஞ்ச தா³னத்த²ஞ்ச… யஞ்ஞத்த²ஞ்ச புஞ்ஞத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸக்³க³த்த²ஞ்ச பீ³ஜத்த²ஞ்ச…பே… ஸக்³க³த்த²ஞ்ச வீமம்ஸத்த²ஞ்ச… ஸக்³க³த்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸக்³க³த்த²ஞ்ச ஆரோக்³யத்த²ஞ்ச…பே… ஸக்³க³த்த²ஞ்ச ஸுக²த்த²ஞ்ச… ஸக்³க³த்த²ஞ்ச பே⁴ஸஜ்ஜத்த²ஞ்ச… ஸக்³க³த்த²ஞ்ச தா³னத்த²ஞ்ச… ஸக்³க³த்த²ஞ்ச புஞ்ஞத்த²ஞ்ச… ஸக்³க³த்த²ஞ்ச யஞ்ஞத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பீ³ஜத்த²ஞ்ச வீமம்ஸத்த²ஞ்ச…பே… பீ³ஜத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பீ³ஜத்த²ஞ்ச ஆரோக்³யத்த²ஞ்ச…பே… பீ³ஜத்த²ஞ்ச ஸுக²த்த²ஞ்ச… பீ³ஜத்த²ஞ்ச பே⁴ஸஜ்ஜத்த²ஞ்ச… பீ³ஜத்த²ஞ்ச தா³னத்த²ஞ்ச… பீ³ஜத்த²ஞ்ச புஞ்ஞத்த²ஞ்ச… பீ³ஜத்த²ஞ்ச யஞ்ஞத்த²ஞ்ச… பீ³ஜத்த²ஞ்ச ஸக்³க³த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

வீமம்ஸத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

வீமம்ஸத்த²ஞ்ச ஆரோக்³யத்த²ஞ்ச…பே… வீமம்ஸத்த²ஞ்ச ஸுக²த்த²ஞ்ச… வீமம்ஸத்த²ஞ்ச பே⁴ஸஜ்ஜத்த²ஞ்ச… வீமம்ஸத்த²ஞ்ச தா³னத்த²ஞ்ச… வீமம்ஸத்த²ஞ்ச புஞ்ஞத்த²ஞ்ச… வீமம்ஸத்த²ஞ்ச யஞ்ஞத்த²ஞ்ச… வீமம்ஸத்த²ஞ்ச ஸக்³க³த்த²ஞ்ச… வீமம்ஸத்த²ஞ்ச பீ³ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

த³வத்த²ஞ்ச ஆரோக்³யத்த²ஞ்ச…பே… த³வத்த²ஞ்ச ஸுக²த்த²ஞ்ச… த³வத்த²ஞ்ச பே⁴ஸஜ்ஜத்த²ஞ்ச… த³வத்த²ஞ்ச தா³னத்த²ஞ்ச… த³வத்த²ஞ்ச புஞ்ஞத்த²ஞ்ச… த³வத்த²ஞ்ச யஞ்ஞத்த²ஞ்ச… த³வத்த²ஞ்ச ஸக்³க³த்த²ஞ்ச… த³வத்த²ஞ்ச பீ³ஜத்த²ஞ்ச… த³வத்த²ஞ்ச வீமம்ஸத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ ப³த்³த⁴சக்கம் நிட்டி²தம்.

ஆரோக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே… ஆரோக்³யத்த²ஞ்ச ஸுக²த்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகஸ்ஸ க²ண்ட³சக்கம்.

ஸுக²த்த²ஞ்ச பே⁴ஸஜ்ஜத்த²ஞ்ச தா³னத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே… ஸுக²த்த²ஞ்ச பே⁴ஸஜ்ஜத்த²ஞ்ச த³வத்த²ஞ்ச…பே… ஸுக²த்த²ஞ்ச பே⁴ஸஜ்ஜத்த²ஞ்ச ஆரோக்³யத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகஸ்ஸ ப³த்³த⁴சக்கம் ஸம்கி²த்தம்.

வீமம்ஸத்த²ஞ்ச த³வத்த²ஞ்ச ஆரோக்³யத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ. வீமம்ஸத்த²ஞ்ச த³வத்த²ஞ்ச பீ³ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகம் நிட்டி²தம்.

திமூலகம்பி சதுமூலகம்பி பஞ்சமூலகம்பி ச²மூலகம்பி ஸத்தமூலகம்பி அட்ட²மூலகம்பி நவமூலகம்பி ஏவமேவ வித்தா²ரேதப்³ப³ம்.

இத³ம் ஸப்³ப³மூலகம்.

243. ஆரோக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச தா³னத்த²ஞ்ச புஞ்ஞத்த²ஞ்ச யஞ்ஞத்த²ஞ்ச ஸக்³க³த்த²ஞ்ச பீ³ஜத்த²ஞ்ச வீமம்ஸத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸப்³ப³மூலகம் நிட்டி²தம்.

244. நீலஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

நீலஞ்ச லோஹிதகஞ்ச…பே… நீலஞ்ச ஓதா³தஞ்ச… நீலஞ்ச தக்கவண்ணஞ்ச… நீலஞ்ச த³கவண்ணஞ்ச… நீலஞ்ச தேலவண்ணஞ்ச… நீலஞ்ச கீ²ரவண்ணஞ்ச… நீலஞ்ச த³தி⁴வண்ணஞ்ச… நீலஞ்ச ஸப்பிவண்ணஞ்ச சேதேதி உபக்கமதி முச்சத்தி, ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ க²ண்ட³சக்கம் நிட்டி²தம்.

245. பீதகஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பீதகஞ்ச ஓதா³தஞ்ச…பே… பீதகஞ்ச தக்கவண்ணஞ்ச… பீதகஞ்ச த³கவண்ணஞ்ச… பீதகஞ்ச தேலவண்ணஞ்ச… பீதகஞ்ச கீ²ரவண்ணஞ்ச… பீதகஞ்ச த³தி⁴வண்ணஞ்ச… பீதகஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பீதகஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ ப³த்³த⁴சக்கம்.

246. லோஹிதகஞ்ச ஓதா³தஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

லோஹிதகஞ்ச தக்கவண்ணஞ்ச…பே… லோஹிதகஞ்ச த³கவண்ணஞ்ச… லோஹிதகஞ்ச தேலவண்ணஞ்ச… லோஹிதகஞ்ச கீ²ரவண்ணஞ்ச… லோஹிதகஞ்ச த³தி⁴வண்ணஞ்ச… லோஹிதகஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

லோஹிதகஞ்ச நீலஞ்ச…பே… லோஹிதகஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஓதா³தஞ்ச தக்கவண்ணஞ்ச…பே… ஓதா³தஞ்ச த³கவண்ணஞ்ச… ஓதா³தஞ்ச தேலவண்ணஞ்ச… ஓதா³தஞ்ச கீ²ரவண்ணஞ்ச… ஓதா³தஞ்ச த³தி⁴வண்ணஞ்ச… ஓதா³தஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஓதா³தஞ்ச நீலஞ்ச…பே… ஓதா³தஞ்ச பீதகஞ்ச… ஓதா³தஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தக்கவண்ணஞ்ச த³கவண்ணஞ்ச…பே… தக்கவண்ணஞ்ச தேலவண்ணஞ்ச… தக்கவண்ணஞ்ச கீ²ரவண்ணஞ்ச… தக்கவண்ணஞ்ச த³தி⁴வண்ணஞ்ச… தக்கவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தக்கவண்ணஞ்ச நீலஞ்ச…பே… தக்கவண்ணஞ்ச பீதகஞ்ச… தக்கவண்ணஞ்ச லோஹிதகஞ்ச… தக்கவண்ணஞ்ச ஓதா³தஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

த³கவண்ணஞ்ச தேலவண்ணஞ்ச…பே… த³கவண்ணஞ்ச கீ²ரவண்ணஞ்ச… த³கவண்ணஞ்ச த³தி⁴வண்ணஞ்ச… த³கவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

த³கவண்ணஞ்ச நீலஞ்ச…பே… த³கவண்ணஞ்ச பீதகஞ்ச… த³கவண்ணஞ்ச லோஹிதகஞ்ச… த³கவண்ணஞ்ச ஓதா³தஞ்ச… த³கவண்ணஞ்ச தக்கவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தேலவண்ணஞ்ச கீ²ரவண்ணஞ்ச…பே… தேலவண்ணஞ்ச த³தி⁴வண்ணஞ்ச… தேலவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தேலவண்ணஞ்ச நீலஞ்ச…பே… தேலவண்ணஞ்ச பீதகஞ்ச… தேலவண்ணஞ்ச லோஹிதகஞ்ச… தேலவண்ணஞ்ச ஓதா³தஞ்ச… தேலவண்ணஞ்ச தக்கவண்ணஞ்ச… தேலவண்ணஞ்ச த³கவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

கீ²ரவண்ணஞ்ச த³தி⁴வண்ணஞ்ச…பே… கீ²ரவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

கீ²ரவண்ணஞ்ச நீலஞ்ச…பே… கீ²ரவண்ணஞ்ச பீதகஞ்ச… கீ²ரவண்ணஞ்ச லோஹிதகஞ்ச… கீ²ரவண்ணஞ்ச ஓதா³தஞ்ச… கீ²ரவண்ணஞ்ச தக்கவண்ணஞ்ச… கீ²ரவண்ணஞ்ச த³கவண்ணஞ்ச… கீ²ரவண்ணஞ்ச தேலவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

த³தி⁴வண்ணஞ்ச நீலஞ்ச…பே… த³தி⁴வண்ணஞ்ச பீதகஞ்ச… த³தி⁴வண்ணஞ்ச லோஹிதகஞ்ச… த³தி⁴வண்ணஞ்ச ஓதா³தஞ்ச… த³தி⁴வண்ணஞ்ச தக்கவண்ணஞ்ச… த³தி⁴வண்ணஞ்ச த³கவண்ணஞ்ச… த³தி⁴வண்ணஞ்ச தேலவண்ணஞ்ச… த³தி⁴வண்ணஞ்ச கீ²ரவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸப்பிவண்ணஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸப்பிவண்ணஞ்ச பீதகஞ்ச…பே… ஸப்பிவண்ணஞ்ச லோஹிதகஞ்ச… ஸப்பிவண்ணஞ்ச ஓதா³தஞ்ச… ஸப்பிவண்ணஞ்ச தக்கவண்ணஞ்ச… ஸப்பிவண்ணஞ்ச த³கவண்ணஞ்ச… ஸப்பிவண்ணஞ்ச தேலவண்ணஞ்ச… ஸப்பிவண்ணஞ்ச கீ²ரவண்ணஞ்ச … ஸப்பிவண்ணஞ்ச த³தி⁴வண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ ப³த்³த⁴சக்கம் நிட்டி²தம்.

நீலஞ்ச பீதகஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே… நீலஞ்ச பீதகஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகஸ்ஸ க²ண்ட³சக்கம்.

பீதகஞ்ச லோஹிதகஞ்ச ஓதா³தஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே… பீதகஞ்ச லோஹிதகஞ்ச ஸப்பிவண்ணஞ்ச…பே… பீதகஞ்ச லோஹிதகஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகஸ்ஸ ப³த்³த⁴சக்கம் ஸம்கி²த்தம்.

த³தி⁴வண்ணஞ்ச ஸப்பிவண்ணஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே… த³தி⁴வண்ணஞ்ச ஸப்பிவண்ணஞ்ச கீ²ரவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகம் நிட்டி²தம்.

திமூலகம்பி சதுமூலகம்பி பஞ்சமூலகம்பி ச²மூலகம்பி ஸத்தமூலகம்பி அட்ட²மூலகம்பி நவமூலகம்பி ஏவமேவ வித்தா²ரேதப்³ப³ம்.

இத³ம் ஸப்³ப³மூலகம்.

247. நீலஞ்ச பீதகஞ்ச லோஹிதகஞ்ச ஓதா³தஞ்ச தக்கவண்ணஞ்ச த³கவண்ணஞ்ச தேலவண்ணஞ்ச கீ²ரவண்ணஞ்ச த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸப்³ப³மூலகம் நிட்டி²தம்.

248. ஆரோக்³யத்த²ஞ்ச நீலஞ்ச [ஆரோக்³யத்த²ம் நீலம் (?)] சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆரோக்³யத்த²ஞ்ச ஸுக²த்த²ஞ்ச நீலஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆரோக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச நீலஞ்ச பீதகஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

உப⁴தோ வட்³ட⁴கம் ஏவமேவ வட்³டே⁴தப்³ப³ம்.

ஆரோக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச தா³னத்த²ஞ்ச புஞ்ஞத்த²ஞ்ச யஞ்ஞத்த²ஞ்ச ஸக்³க³த்த²ஞ்ச பீ³ஜத்த²ஞ்ச வீமம்ஸத்த²ஞ்ச த³வத்த²ஞ்ச நீலஞ்ச பீதகஞ்ச லோஹிதகஞ்ச ஓதா³தஞ்ச தக்கவண்ணஞ்ச த³கவண்ணஞ்ச தேலவண்ணஞ்ச கீ²ரவண்ணஞ்ச த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

மிஸ்ஸகசக்கம் நிட்டி²தம்.

249. நீலம் மோசேஸ்ஸாமீதி சேதேதி உபக்கமதி பீதகம் முச்சதி, ஆபத்தி ஸங்கா⁴தி³ஸேஸஸ்ஸ.

நீலம் மோசேஸ்ஸாமீதி சேதேதி உபக்கமதி லோஹிதகம்…பே… ஓதா³தம் … தக்கவண்ணம்… த³கவண்ணம்… தேலவண்ணம்… கீ²ரவண்ணம்… த³தி⁴வண்ணம்… ஸப்பிவண்ணம் முச்சதி, ஆபத்தி ஸங்கா⁴தி³ஸேஸஸ்ஸ.

க²ண்ட³சக்கம் நிட்டி²தம்.

250. பீதகம் மோசேஸ்ஸாமீதி சேதேதி உபக்கமதி லோஹிதகம் முச்சதி, ஆபத்தி ஸங்கா⁴தி³ஸேஸஸ்ஸ.

பீதகம் மோசேஸ்ஸாமீதி சேதேதி உபக்கமதி ஓதா³தம்…பே… தக்கவண்ணம்… த³கவண்ணம்… தேலவண்ணம்… கீ²ரவண்ணம்… த³தி⁴வண்ணம்… ஸப்பிவண்ணம்… நீலம் முச்சதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கமூலம் ஸம்கி²த்தம்.

251. ஸப்பிவண்ணம் மோசேஸ்ஸாமீதி சேதேதி உபக்கமதி நீலம் முச்சதி, ஆபத்தி ஸங்கா⁴தி³ஸேஸஸ்ஸ.

ஸப்பிவண்ணம் மோசேஸ்ஸாமீதி சேதேதி உபக்கமதி பீதகம்…பே… லோஹிதகம்… ஓதா³தம் … தக்கவண்ணம்… த³கவண்ணம்… தேலவண்ணம்… கீ²ரவண்ணம்… த³தி⁴வண்ணம் முச்சதி, ஆபத்தி ஸங்கா⁴தி³ஸேஸஸ்ஸ.

குச்சி²சக்கம் நிட்டி²தம்.

252. பீதகம் மோசேஸ்ஸாமீதி சேதேதி உபக்கமதி நீலம் முச்சதி, ஆபத்தி ஸங்கா⁴தி³ஸேஸஸ்ஸ.

லோஹிதகம்…பே… ஓதா³தம்… தக்கவண்ணம்… த³கவண்ணம்… தேலவண்ணம்… கீ²ரவண்ணம்… த³தி⁴வண்ணம்… ஸப்பிவண்ணம் மோசேஸ்ஸாமீதி சேதேதி உபக்கமதி நீலம் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ பட²மம் க³மனம் நிட்டி²தம்.

253. லோஹிதகம் மோசேஸ்ஸாமீதி சேதேதி உபக்கமதி பீதகம் முச்சதி, ஆபத்தி ஸங்கா⁴தி³ஸேஸஸ்ஸ.

ஓதா³தம்…பே… தக்கவண்ணம்… த³கவண்ணம்… தேலவண்ணம்… கீ²ரவண்ணம்

… த³தி⁴வண்ணம்… ஸப்பிவண்ணம்… நீலம் மோசேஸ்ஸாமீதி சேதேதி உபக்கமதி பீதகம் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ து³தியம் க³மனம் நிட்டி²தம்.

254. ஓதா³தம் மோசேஸ்ஸாமீதி சேதேதி உபக்கமதி லோஹிதகம் முச்சதி, ஆபத்தி ஸங்கா⁴தி³ஸேஸஸ்ஸ.

தக்கவண்ணம்…பே… த³கவண்ணம்… தேலவண்ணம்… கீ²ரவண்ணம்… த³தி⁴வண்ணம்…

ஸப்பிவண்ணம்… நீலம் … பீதகம் மோசேஸ்ஸாமீதி சேதேதி உபக்கமதி லோஹிதகம் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ ததியம் க³மனம் நிட்டி²தம்.

255. தக்கவண்ணம் மோசேஸ்ஸாமீதி சேதேதி உபக்கமதி ஓதா³தம் முச்சதி, ஆபத்தி ஸங்கா⁴தி³ஸேஸஸ்ஸ.

த³கவண்ணம்…பே… தேலவண்ணம்… கீ²ரவண்ணம்… த³தி⁴வண்ணம்… ஸப்பிவண்ணம்… நீலம்… பீதகம்… லோஹிதகம் மோசேஸ்ஸாமீதி சேதேதி உபக்கமதி ஓதா³தம் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ சதுத்த²ம் க³மனம் நிட்டி²தம்.

256. த³கவண்ணம் மோசேஸ்ஸாமீதி சேதேதி உபக்கமதி தக்கவண்ணம் முச்சதி, ஆபத்தி ஸங்கா⁴தி³ஸேஸஸ்ஸ.

தேலவண்ணம் …பே… கீ²ரவண்ணம்… த³தி⁴வண்ணம்… ஸப்பிவண்ணம்… நீல…

பீதகம்… லோஹிதகம்… ஓதா³தம் மோசேஸ்ஸாமீதி சேதேதி உபக்கமதி தக்கவண்ணம் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ பஞ்சமம் க³மனம் நிட்டி²தம்.