230. ஸங்கே⁴ பி⁴ன்னே சீவருப்பாத³கதா²

376. இத⁴ பன, பி⁴க்க²வே, வஸ்ஸம்வுட்டா²னம் பி⁴க்கூ²னம் அனுப்பன்னே சீவரே ஸங்கோ⁴ பி⁴ஜ்ஜதி. தத்த² மனுஸ்ஸா ஏகஸ்மிம் பக்கே² உத³கம் தே³ந்தி, ஏகஸ்மிம் பக்கே² சீவரம் தே³ந்தி – ஸங்க⁴ஸ்ஸ தே³மாதி. ஸங்க⁴ஸ்ஸேவேதம்.

இத⁴ பன, பி⁴க்க²வே, வஸ்ஸம்வுட்டா²னம் பி⁴க்கூ²னம் அனுப்பன்னே சீவரே ஸங்கோ⁴ பி⁴ஜ்ஜதி. தத்த² மனுஸ்ஸா ஏகஸ்மிம் பக்கே² உத³கம் தே³ந்தி, தஸ்மிம்யேவ பக்கே² சீவரம் தே³ந்தி – ஸங்க⁴ஸ்ஸ தே³மாதி. ஸங்க⁴ஸ்ஸேவேதம்.

இத⁴ பன, பி⁴க்க²வே, வஸ்ஸம்வுட்டா²னம் பி⁴க்கூ²னம் அனுப்பன்னே சீவரே ஸங்கோ⁴ பி⁴ஜ்ஜதி. தத்த² மனுஸ்ஸா ஏகஸ்மிம் பக்கே² உத³கம் தே³ந்தி, ஏகஸ்மிம் பக்கே² சீவரம் தே³ந்தி – பக்க²ஸ்ஸ தே³மாதி. பக்க²ஸ்ஸேவேதம்.

இத⁴ பன, பி⁴க்க²வே, வஸ்ஸம்வுட்டா²னம் பி⁴க்கூ²னம் அனுப்பன்னே சீவரே ஸங்கோ⁴ பி⁴ஜ்ஜதி. தத்த² மனுஸ்ஸா ஏகஸ்மிம் பக்கே² உத³கம் தே³ந்தி, தஸ்மிம்யேவ பக்கே² சீவரம் தே³ந்தி – பக்க²ஸ்ஸ தே³மாதி. பக்க²ஸ்ஸேவேதம்.

இத⁴ பன, பி⁴க்க²வே, வஸ்ஸம்வுட்டா²னம் பி⁴க்கூ²னம் உப்பன்னே சீவரே அபா⁴ஜிதே ஸங்கோ⁴ பி⁴ஜ்ஜதி. ஸப்³பே³ஸம் ஸமகம் பா⁴ஜேதப்³ப³ந்தி.

ஸங்கே⁴ பி⁴ன்னே சீவருப்பாத³கதா² நிட்டி²தா.