22. நிஸ்ஸயபடிப்பஸ்ஸத்³தி⁴கதா²

83. தேன கோ² பன ஸமயேன பி⁴க்கூ² ஆசரியுபஜ்ஜா²யேஸு பக்கந்தேஸுபி விப்³ப⁴ந்தேஸுபி காலங்கதேஸுபி பக்க²ஸங்கந்தேஸுபி நிஸ்ஸயபடிப்பஸ்ஸத்³தி⁴யோ ந ஜானந்தி. ப⁴க³வதோ ஏதமத்த²ம் ஆரோசேஸும்.

‘‘பஞ்சிமா, பி⁴க்க²வே, நிஸ்ஸயபடிப்பஸ்ஸத்³தி⁴யோ உபஜ்ஜா²யம்ஹா – உபஜ்ஜா²யோ பக்கந்தோ வா ஹோதி, விப்³ப⁴ந்தோ வா, காலங்கதோ வா, பக்க²ஸங்கந்தோ வா, ஆணத்தியேவ பஞ்சமீ. இமா கோ², பி⁴க்க²வே, பஞ்ச நிஸ்ஸயபடிப்பஸ்ஸத்³தி⁴யோ உபஜ்ஜா²யம்ஹா.

‘‘ச²யிமா, பி⁴க்க²வே, நிஸ்ஸயபடிப்பஸ்ஸத்³தி⁴யோ ஆசரியம்ஹா – ஆசரியோ பக்கந்தோ வா ஹோதி, விப்³ப⁴ந்தோ வா, காலங்கதோ வா, பக்க²ஸங்கந்தோ வா, ஆணத்தியேவ பஞ்சமீ, உபஜ்ஜா²யேன வா ஸமோதா⁴னக³தோ ஹோதி. இமா கோ², பி⁴க்க²வே, ச² நிஸ்ஸயபடிப்பஸ்ஸத்³தி⁴யோ ஆசரியம்ஹா’’.

நிஸ்ஸபடிப்பஸ்ஸத்³தி⁴கதா² நிட்டி²தா.