6. படிச்சஸமுப்பாத³வண்ணனா

61. அவிஜ்ஜாவசனேனாதி ‘‘அவிஜ்ஜாபச்சயா ஸங்கா²ரா’’தி ஏத்த² அவிஜ்ஜாக்³க³ஹணேன. விஸேஸனம் ந கத்தப்³ப³ம், ‘‘ஸப்³ப³ம்பி விஞ்ஞாண’’ந்தி வத்தப்³ப³ந்தி அதி⁴ப்பாயோ. தத்த² காரணமாஹ ‘‘குஸலாதீ³னம்பீ’’திஆதி³னா. விஸ்ஸஜ்ஜனாஸதி³ஸேன ஸப்³ப³விஞ்ஞாணாதி³ஸங்க³ஹணதோ. தேஸந்தி விஞ்ஞாணாதி³பதா³னம். இதா⁴தி இமஸ்மிம் பட²மனயே. அகம்மஜானம்பி ஸங்க³ஹிததா விஞ்ஞாயதி ஸத்³தா³யதனஸ்ஸபி க³ஹிதத்தா.

71. ஜாயமான…பே… மானானந்தி ஜாயமானாதி³அவத்தா²னம் த⁴ம்மானம். ஜாயமானாதி³பா⁴வமத்தத்தாதி நிப்³ப³த்தனாதி³அவத்தா²மத்தபா⁴வதோ. வினிப்³பு⁴ஜ்ஜித்வாதி அவத்தா²பா⁴வதோ வினிப்³போ⁴க³ம் கத்வா. பரமத்த²தோ அவிஜ்ஜமானானி, ஸபா⁴வமத்தபூ⁴தானீதி பரமத்த²த⁴ம்மானம் அவத்தா²பா⁴வமத்தபூ⁴தானி. அபரமத்த²ஸபா⁴வானிபி ரூபத⁴ம்மஸ்ஸ நிப்³ப³த்திஆதி³பா⁴வதோ ருப்பனபா⁴வேன க³ய்ஹந்தி. ததோ ‘‘ரூபக்க²ந்த⁴ஸ்ஸ ஸபா⁴கா³னி, அரூபானம் பன ஜாதிஜராமரணானீ’’தி ஆனேத்வா யோஜனா. ஏகேகபூ⁴தானீதி யதா² ஏகஸ்மிம் ரூபகலாபே ஜாதிஆதீ³னி ஏகேகானியேவ ஹோந்தி, ஏவம் ஏகஸ்மிம் அரூபகலாபேபீதி வுத்தம். தேனாஹ ‘‘ரூபகலாபஜாதிஆதீ³னி வியா’’திஆதி³. அனுப⁴வனஸஞ்ஜானனவிஜானனகிச்சானம் வேத³னாதீ³னம் நிப்³ப³த்திஆதி³பூ⁴தானிபி ஜாதிஆதீ³னி ததா² ந க³ய்ஹந்தீதி ஆஹ ‘‘வேதி³யன…பே… அக³ய்ஹமானானீ’’தி. தேன வேத³னாக்க²ந்தா⁴தீ³ஹி ஜாதிஆதீ³னம் ஸங்க³ஹாபா⁴வமாஹ. ‘‘ஜாதி, பி⁴க்க²வே, அனிச்சா ஸங்க²தா’’திஆதி³வசனதோ ஜாதிஆதீ³னம்பி ஸங்க²தபரியாயோ அத்தீ²தி ஸங்க²தாபி⁴ஸங்க²ரணகிச்சேன ஸங்கா²ரக்க²ந்தே⁴ன தேஸம் ஸங்க³ஹோதி வுத்தம் ‘‘ஸங்க²தா…பே… ஸபா⁴கா³னீ’’தி. தேனேவ ச ஸங்கா²ரக்க²ந்த⁴ஸ்ஸ அனேகந்தபரமத்த²கிச்சதா வேதி³தப்³பா³. ததா² து³விதா⁴னீதி வுத்தப்பகாரேன ரூபாரூபத⁴ம்மானம் நிப்³ப³த்திஆதி³பா⁴வேன த்³விப்பகாரானி. தேனாதி யதா²வுத்தஸபா⁴க³த்தே²ன. தேஹி க²ந்தா⁴தீ³ஹீதி ரூபக்க²ந்த⁴ஸங்கா²ரக்க²ந்த⁴த⁴ம்மாயதனத⁴ம்மதா⁴தூஹி.

பட²மனயஸங்க³ஹாஸங்க³ஹபத³வண்ணனா நிட்டி²தா.