உபாலிபஞ்சகவண்ணனா

420-421. ஓமத்³த³காரகோதி ஓமத்³தி³த்வா அபி⁴ப⁴வித்வா காரகோ. உபத்த²ம்போ⁴ ந தா³தப்³போ³தி ஸாமக்³கி³வினாஸாய அனுப³லம் ந தா³தப்³ப³ம். தி³ட்டா²விகம்மம்பி கத்வாதி ‘‘ந மேதம் க²மதீ’’தி தி³ட்டி²ம் ஆவி கத்வாபி.

வோஹாரவக்³க³வண்ணனா

424. காயப்பயோகே³ன ஆபஜ்ஜிதப்³பா³ காயப்பயோகா³. வசீபயோகே³ன ஆபஜ்ஜிதப்³பா³ வசீபயோகா³. நவஸு டா²னேஸூதி ஓஸாரணாதீ³ஸு நவஸு டா²னேஸு. த்³வீஸு டா²னேஸூதி ஞத்திது³தியஞத்திசதுத்த²கம்மேஸு. தஸ்மாதி யஸ்மா மஹாஅட்ட²கதா²யம் வுத்தனயேன உப⁴தோவிப⁴ங்கா³ அஸங்க³ஹிதா, தஸ்மா. யம் குருந்தி³யம் வுத்தம், தம் க³ஹேதப்³ப³ந்தி ஸம்ப³ந்தோ⁴.

தி³ட்டா²விகம்மவக்³க³வண்ணனா

425. ‘‘சதூஹி பஞ்சஹீ’’தி வசனதோ த்³வீஹி வா தீஹி வா ஏகதோ தே³ஸேதும் வட்டதி, ததோ பரம் ந வட்டதி. மாளகஸீமாயாதி க²ண்ட³ஸீமாய. அவிப்பவாஸஸீமாயாதி மஹாஸீமாய.

முஸாவாத³வக்³க³வண்ணனா

444. பரியாயேன ஜானந்தஸ்ஸ வுத்தமுஸாவாதோ³தி யஸ்ஸ கஸ்ஸசி ஜானந்தஸ்ஸ பரியாயேன வுத்தமுஸாவாதோ³தி அத்தோ².

446. அனுயோகோ³ ந தா³தப்³போ³தி தேன வுத்தம் அனாதி³யித்வா துண்ஹீ ப⁴விதப்³ப³ந்தி அத்தோ².

பி⁴க்கு²னோவாத³வக்³க³வண்ணனா

454. ஏகூனவீஸதிபே⁴தா³யாதி மக்³க³பச்சவேக்க²ணாதி³வஸேன ஏகூனவீஸதிபே⁴தா³ய.

அதி⁴கரணவூபஸமவக்³க³வண்ணனா

458. பஞ்சஹி காரணேஹீதி இத³ம் அத்த²னிப்பா²த³னகானி தேஸம் புப்³ப³பா⁴கா³னி ச காரணபா⁴வஸாமஞ்ஞேன ஏகஜ்ஜ²ம் க³ஹேத்வா வுத்தம், ந பன ஸப்³பே³ஸம் பஞ்சன்னம் ஸமானயோக³க்கே²மத்தா. அனுஸ்ஸாவனேனாதி பே⁴த³ஸ்ஸ அனுரூபஸாவனேன. யதா² பே⁴தோ³ ஹோதி, ஏவம் பி⁴ந்தி³தப்³பா³னம் பி⁴க்கூ²னம் அத்தனோ வசனஸ்ஸ ஸாவனேன விஞ்ஞாபனேனாதி அத்தோ². தேனாஹ ‘‘நனு தும்ஹே’’திஆதி³. கண்ணமூலே வசீபே⁴த³ம் கத்வாதி ஏதேன பாகடம் கத்வா பே⁴த³கரவத்து²தீ³பனம் வோஹரணம். தத்த² அத்தனா வினிச்சி²தமத்தம் ரஹஸ்ஸவஸேன விஞ்ஞாபனம் அனுஸ்ஸாவனந்தி த³ஸ்ஸேதி. கம்மமேவ உத்³தே³ஸோ வா பமாணந்தி தேஹி ஸங்க⁴பே⁴த³ஸித்³தி⁴தோ பமாணம், இதரே பன தேஸம் ஸம்பா⁴ரபூ⁴தா. தேனாஹ ‘‘வோஹாரா’’திஆதி³. தத்தா²தி வோஹரணே.

கதி²னத்தா²ரவக்³க³வண்ணனா

467. அந்தரா வுத்தகாரணேனாதி ‘‘தஞ்ஹி வந்த³ந்தஸ்ஸ மஞ்சபாதா³தீ³ஸுபி நலாடம் படிஹஞ்ஞேய்யா’’திஆதி³னா வுத்தகாரணேன.