அதி⁴கரணபச்சயகதா²வண்ணனா

285. விவாதா³தி⁴கரணம்ஹாதி ‘‘அத⁴ம்மம் ‘த⁴ம்மோ’தி தீ³பேதீ’’திஆதி³னயப்பவத்தா அட்டா²ரஸபே⁴த³கரவத்து²னிஸ்ஸிதா விவாதா³தி⁴கரணம்ஹா.

286. உபஸம்பன்னம் ஓமஸதோ பி⁴க்கு²ஸ்ஸ பாசித்தி ஹோதீதி யோஜனா.

287. அனுவாதா³தி⁴கரணபச்சயாதி சோத³னாபரனாமதே⁴ய்யம் அனுவாதா³தி⁴கரணமேவ பச்சயோ, தஸ்மா, அனுவாத³னாதி⁴கரணஹேதூதி அத்தோ².

289. ‘‘ததா²’’தி இமினா அமூலகத்தம் அதிதி³ஸதி.

290. ஆபத்திபச்சயாதி ஆபத்தாதி⁴கரணபச்சயா.

293. கிச்சாதி⁴கரணபச்சயாதி அபலோகனாதி³சதுப்³பி³த⁴கம்மஸங்கா²தகிச்சாதி⁴கரணஹேது.

294. அச்சஜந்தீவாதி அத்தனோ லத்³தி⁴ம் அபரிச்சஜந்தீ ஏவ.

297. பாபிகாய தி³ட்டி²யா பரிச்சஜனத்தா²ய கதாய யாவததியகம் ஸமனுபா⁴ஸனாய தம் தி³ட்டி²ம் அச்சஜந்தியா தஸ்ஸா பி⁴க்கு²னியா, தஸ்ஸ பி⁴க்கு²ஸ்ஸ ச அச்சஜதோ பாசித்தி ஹோதீதி யோஜனா.

இதி உத்தரே லீனத்த²பகாஸனியா

அதி⁴கரணபச்சயகதா²வண்ணனா நிட்டி²தா.