1. அபாரஸுத்தவண்ணனா

813. ச²ந்த³ம் நிஸ்ஸாய பவத்தோ ஸமாதீ⁴தி கத்துகம்யதாச²ந்த³ம் அதி⁴பதிம் கத்வா படிலத்³த⁴ஸமாதி⁴ ச²ந்த⁴ஸமாதி⁴. பதா⁴னஸங்கா²ராதி சதுகிச்சஸாத⁴கஸ்ஸ ஸம்மப்பதா⁴னவீரியஸ்ஸேதம் அதி⁴வசனம். தேஹீதி ச²ந்த³ஸமாதி⁴பதா⁴னஸங்கா²ரேஹி. இத்³தி⁴யா பாத³ந்தி நிப்ப²த்திபரியாயேன இஜ்ஜ²னட்டே²ன, இஜ்ஜ²ந்தி ஏதாய ஸத்³தா⁴ இத்³தா⁴ வுத்³தா⁴ உக்கம்ஸக³தா ஹோந்தீதி இமினா வா பரியாயேன ‘‘இத்³தீ⁴’’தி ஸங்கா²தானம் உபசாரஜ்ஜா²னாதி³குஸலசித்தஸம்பயுத்தானம் ச²ந்த³ஸமாதி⁴பதா⁴னஸங்கா²ரானம் அதி⁴ட்டா²னட்டே²ன பாத³பூ⁴தம், ஸேஸசித்தசேதஸிகராஸிந்தி அத்தோ². ஸா ஏவ ச யதா²வுத்தஇத்³தி⁴ யஸ்மா ஹேட்டி²மா ஹேட்டி²மா உபரிமாய உபரிமாய பாத³பூ⁴தா, தஸ்மா வுத்தம் ‘‘இத்³தி⁴பூ⁴தம் வா பாத³ந்தி இத்³தி⁴பாத³’’ந்தி. ஸேஸேஸூதி வீரியஸமாதி⁴ஆதீ³ஸு. தத்த² ஹி வீரியம் சித்தம் வீமம்ஸம் அதி⁴பதிம் கத்வா படிலத்³த⁴ஸமாதி⁴ வீமம்ஸாஸமாதீ⁴தி அத்தோ² வேதி³தப்³போ³. இதா⁴தி இமஸ்மிம் இத்³தி⁴பாத³ஸம்யுத்தே. ஏகபரிச்சே²தோ³வ அத்த²னித்³தே³ஸோ.