7. போ³தி⁴பக்கி²யவக்³க³வண்ணனா

531-650. ஸத்தானம் ப²லானம் ஹேதுபூ⁴தானி ‘‘இமேஸம் கோ², பி⁴க்க²வே, பஞ்சன்னம் இந்த்³ரியானம் பா⁴விதத்தா’’திஆதி³னா வுத்தானி, பஞ்சிந்த்³ரியானியேவ ப²லூபசாரேன ‘‘ஸத்த ப²லானீ’’தி வுத்தானி. தானி ச புப்³ப³பா⁴கா³னி ‘‘இமேஸம், பி⁴க்க²வே, பஞ்சன்னம் இந்த்³ரியானம் பா⁴விதத்தா…பே… ஸத்தானிஸம்ஸா பாடிகங்கா²’’தி வசனதோ. தேஸந்தி ஸத்தானம் ப²லானம். ‘‘த்³வின்னம் ப²லானம் அஞ்ஞதரம் ப²ல’’ந்தி ஏவம் அதீதஸுத்தே வுத்தானி ஹேட்டா² த்³வே ப²லானி நாமாதி வத³ந்தி. யேஹி பன இந்த்³ரியேஹி அஞ்ஞத்ர பன அந்தராபரினிப்³பா³யிம் ஸேஸானி ப²லானி ஹோந்தி, தானி சத்தாரி ஸபுப்³ப³பா⁴கா³னி லோகுத்தரானீதி வுத்தம் ஸியா.

இந்த்³ரியஸம்யுத்தவண்ணனா நிட்டி²தா.