6. ஸூரியபேய்யாலவக்³க³வண்ணனா

49-62. யதா² அருணுக்³க³ம் ஸூரியுக்³க³மனஸ்ஸ ஏகந்திகம் புப்³ப³னிமித்தம், ஏவம் கல்யாணமித்ததா அரியமக்³க³பாதுபா⁴வஸ்ஸாதி ஸதி³ஸூபமா அருணுக்³க³ம் கல்யாணமித்ததாய. கல்யாணமித்தோதி சேத்த² அரியோ, அரியமக்³கோ³ வா த³ட்ட²ப்³போ³ ஸூரியபாதுபா⁴வோ விய தேன விதூ⁴பனீயந்த⁴காரவித⁴மனதோ. குஸலகத்துகம்யதாச²ந்தோ³ ச²ந்த³ஸம்பதா³ இதரச²ந்த³தோ ஸம்பன்னத்தா. காராபகஅப்பமாத³ஸ்ஸாதி ஸச்சபடிவேத⁴ஸ்ஸ காராபகஸ்ஸ. ஏவம் ஸப்³ப³த்தே²வ ஸம்பதா³ஸத்³தா³ விஸேஸாதி⁴க³மஹேதுதாய வேதி³தப்³பா³. அஞ்ஞேனபி ஆகாரேனாதி ‘‘விவேகனிஸ்ஸித’’ந்திஆதி³ஆகாரதோ அஞ்ஞேன ‘‘ராக³வினயபரியோஸான’’ந்திஆதி³னா ஆகாரேன.

ஸூரியபேய்யாலவக்³க³வண்ணனா நிட்டி²தா.