3-5. யோதா⁴ஜீவஸுத்தாதி³வண்ணனா

355-357. யுஜ்ஜ²னம் யோதோ⁴, ஸோ ஆஜீவோ ஏதஸ்ஸாதி யோதா⁴ஜீவோ. தேனாஹ – ‘‘யுத்³தே⁴ன ஜீவிகம் கப்பனகோ’’தி, உஸ்ஸாஹம் வாயாமம் கரோதீதி யுஜ்ஜ²னவஸேன உஸ்ஸாஹம் வாயாமம் கரோதி. பரியாபாதே³ந்தீதி மரணபரியந்திகம் ஆபத³ம் பாபேந்தி. தேனாஹ ‘‘மரணம் படிபஜ்ஜாபேந்தீ’’தி. து³ட்டு² ட²பிதந்தி து³ட்டா²காரேன அத்தனோ பரேஸஞ்ச அத்தா²வஹபா⁴வம் ந க³தம் படிபன்னம். பரேஹி ஸங்கா³மே ஜிதா ஹதா ஏத்த² ஜாயந்தீதி பரஜிதோ நாம நிரயோ. அஸித⁴னுக³தா³யஸங்குசக்கானி பஞ்சாவுதா⁴னி. தம் ஸந்தா⁴யாதி தம் யோதா⁴ஜீவம் புக்³க³லம் ஸந்தா⁴ய. ஏதம் ‘‘யோ ஸோ’’திஆதி³ வுத்தம். சதுத்த²பஞ்சமேஸூதி ஹத்தா²ரோஹஅஸ்ஸாரோஹஸுத்தேஸு. ஏஸேவ நயோதி ஏஸோ ததியே வுத்தோ ஏவ அத்த²தோ விஸேஸாபா⁴வதோ.

யோதா⁴ஜீவஸுத்தாதி³வண்ணனா நிட்டி²தா.