4. அகா³ரஸுத்தவண்ணனா

262. புரத்தி²மாதி விப⁴த்திலோபேன நித்³தே³ஸோ, நிஸ்ஸக்கே வா ஏதம் பச்சத்தவசனம். பட²மஜ்ஜா²னாதி³வஸேனாதி பட²மது³தியஜ்ஜா²னவஸேன. அனுஸ்ஸதிவஸேனாதி நித³ஸ்ஸனமத்தம் அஞ்ஞஸ்ஸபி உபசாரஜ்ஜா²னக்³க³ஹிதஸ்ஸ ஸவிதக்கசாரஸ்ஸ நிராமிஸஸ்ஸ ஸுக²ஸ்ஸ லப்³ப⁴னதோ. தஸ்ஸபி வா பட²மஜ்ஜா²னாதீ³தி ஏத்த² ஆதி³-ஸத்³தே³ன ஸங்க³ஹோ த³ட்ட²ப்³போ³. காமஹேது து³க்க²ப்பத்தானம் து³க்க²வேத³னா காமாமிஸேன ஸாமிஸா வேத³னா. அனுத்தரவிமோக்கா² நாம அரஹத்தப²லம். ‘‘குதா³ஸ்ஸு நாமாஹம் ததா³யதனம் உபஸம்பஜ்ஜ விஹரிஸ்ஸாமீ’’தி ஏவம் பிஹம் உபட்டா²பயதோ தஸ்மிம் அனிஜ்ஜ²மானே பிஹப்பச்சயா உப்பன்னதோ³மனஸ்ஸவேத³னா. நேக்க²ம்மனிஸ்ஸிதா உபேக்கா²வேத³னா நிராமிஸா அது³க்க²மஸுகா² நாம. ஸவிஸேஸம் பன த³ஸ்ஸேதும் ‘‘சதுத்த²ஜ்ஜா²னவஸேன உப்பன்னா அது³க்க²மஸுக²வேத³னா’’தி வுத்தம்.

அகா³ரஸுத்தவண்ணனா நிட்டி²தா.