9. பட²மஸமுக்³கா⁴தஸப்பாயஸுத்தவண்ணனா

31. உபகாரபூ⁴தா ததா³வஹத்தா. ததோதி மஞ்ஞிதாகாரதோ. தந்தி மஞ்ஞனாவத்து²ம். அஞ்ஞேனாகாரேனாதி யதா² மஞ்ஞதி அனிச்சாதி³ஆகாரதோ, அஞ்ஞேன அனிச்சாதி³னா ஆகாரேன ஹோதி. அஞ்ஞதா²பா⁴வம் விபரிணாமந்தி உப்பாத³வயதாய அஞ்ஞதா²பா⁴வம் ஜராய மரணேன ச த்³வேதா⁴ விபரிணாமேதப்³ப³ம். தம் உபக³மனேன அஞ்ஞதா²பா⁴வீ, ஏவம்பூ⁴தோ ஹுத்வாபி ஜீரணபி⁴ஜ்ஜனஸபா⁴வேஸு. ப⁴வேஸு ஸத்தோ லோகோ உபரிபி ப⁴வம்யேவ அபி⁴னந்த³தி. ஹேட்டா² க³ஹிதமேவ ஸங்கட்³டி⁴த்வாதி ‘‘சக்கு²ம் ந மஞ்ஞதீ’’திஆதி³னா ஹேட்டா² க³ஹிதமேவ க²ந்த⁴தா⁴துஆயதனாதி க²ந்தா⁴தி³பரியாயேன ஏகதோ க³ஹேத்வா புனபி மஞ்ஞனாவத்து²ம் த³ஸ்ஸேதி. அவஸானே ‘‘ததோ தம் ஹோதீ’’தி வுத்தபதே³ன ஸத்³தி⁴ம் ஸப்³ப³வாரேஸு அட்ட² அட்ட² ஹோந்தீதி ‘‘அட்ட²சத்தாலீஸாய டா²னேஸூ’’தி வுத்தம்.

பட²மஸமுக்³கா⁴தஸப்பாயஸுத்தவண்ணனா நிட்டி²தா.