1. யோக³க்கே²மிஸுத்தவண்ணனா

104. சதூஹி யோகே³ஹீதி காமயோகா³தீ³ஹி சதூஹி யோகே³ஹி. கே²மினோதி கே²மவதோ குஸலினோ. காரணபூ⁴தந்தி கத்தப்³ப³உபாயஸ்ஸ காரணபூ⁴தம். பரியாயதி பவத்திம் நிவத்திஞ்ச ஞாபேதீதி பரியாயோ, த⁴ம்மோ ச ஸோ பரியத்தித⁴ம்மத்தா பரியாயோ சாதி த⁴ம்மபரியாயோ, தம் த⁴ம்மபரியாயம். யஸ்மா பன ஸோ தஸ்ஸாதி⁴க³மஸ்ஸ காரணம் ஹோதி, தஸ்மா வுத்தம் ‘‘த⁴ம்மகாரண’’ந்தி. யுத்திந்தி ஸமத²விபஸ்ஸனாத⁴ம்மானீதி வா சதுஸச்சத⁴ம்மானீதி வா. ‘‘தஸ்மா’’தி பத³ம் உத்³த⁴ரித்வா – ‘‘கஸ்மா’’தி காரணம் புச்ச²ந்தோ ‘‘கிம் அக்கா²தத்தா, உதா³ஹு பஹீனத்தா’’தி விப⁴ஜித்வா புச்சி². யஸ்மா பன ச²ந்த³ராக³ப்பஹானம் யோக³க்கே²மிபா⁴வஸ்ஸ காரணம், ந கத²னம், தஸ்மா ‘‘பஹீனத்தா’’திஆதி³ வுத்தம்.

யோக³க்கே²மிஸுத்தவண்ணனா நிட்டி²தா.