10. ஸூசிமுகீ²ஸுத்தவண்ணனா

341. தஸ்மிம் வசனே படிக்கி²த்தேதி – ‘‘அதோ⁴முகோ² பு⁴ஞ்ஜஸீ’’தி பரிப்³பா³ஜிகாய வுத்தவசனே – ‘‘ந க்²வாஹம் ப⁴கி³னீ’’தி படிக்கி²த்தே. வாத³ந்தி தோ³ஸம். உப்³ப⁴முகோ²தி உபரிமுகோ². புரத்தி²மாதி³கா சதஸ்ஸோ தி³ஸா. த³க்கி²ணபுரத்தி²மாதி³கா சதஸ்ஸோ விதி³ஸா.

ஆராமஆராமவத்து²ஆதீ³ஸு பூ⁴மிபரிகம்மபீ³ஜாபி⁴ஸங்க²ரணாதி³படிஸம்யுத்தா விஜ்ஜா வத்து²விஜ்ஜா, தஸ்ஸா பன மிச்சா²ஜீவபா⁴வம் த³ஸ்ஸேதும் ‘‘தேஸ’’ந்திஆதி³ வுத்தம். தேஸம் தேஸம் அத்தனோ பச்சயதா³யகானம். தத்த² தத்த² க³மனந்தி தேஸம் ஸாஸனஹரணவஸேன தம் தம் கா³மந்தரதே³ஸந்தரம். ஏவமாரோசேஸீதி அத்துக்கம்ஸனபரவம்ப⁴னரஹிதம் கண்ணஸுக²ம் பேமனீயம் ஹத³யங்க³மம் தே²ரஸ்ஸ த⁴ம்மகத²ம் ஸுத்வா பஸன்னமானஸா ஏவம் ‘‘த⁴ம்மிகம் ஸமணா ஸக்யபுத்தியா’’திஆதி³னா ஸாஸனஸ்ஸ கு³ணஸம்கித்தனவாசம் குலானம் ஆரோசேஸி.

ஸூசிமுகீ²ஸுத்தவண்ணனா நிட்டி²தா.

ஸாரிபுத்தஸம்யுத்தவண்ணனா நிட்டி²தா.