10. ஸீலவந்தஸுத்தவண்ணனா

122. ஆபா³த⁴ட்டே²னாதி ஆதி³தோ உப்பத்திதோ பட்டா²ய பா³த⁴னட்டே²ன ருஜனட்டே²ன. அந்தோதோ³ஸட்டே²னாதி அப்³ப⁴ந்தரே ஏவ து³ஸ்ஸனட்டே²ன குப்பனட்டே²ன. க²ணனட்டே²னாதி ஸஸனட்டே²ன. து³க்க²ட்டே²னாதி து³க்க²மத்தா து³க்க²பா⁴வேன. து³க்க²ஞ்ஹி லோகே ‘‘அக⁴’’ந்தி வுச்சதி அதிவிய ஹனனதோ. விஸபா⁴க³ம் …பே… பச்சயட்டே²னாதி யதா²பவத்தமானானம் தா⁴தாதீ³னம் விஸபா⁴க³பூ⁴தமஹாபூ⁴தஸமுட்டா²னஸ்ஸ ஆபா³த⁴ஸ்ஸ பச்சயபா⁴வேன. அஸகட்டே²னாதி அனத்தனியதோ. பலுஜ்ஜனட்டே²னாதி பகாரதோ பி⁴ஜ்ஜனட்டே²ன. ஸத்தஸுஞ்ஞதட்டே²னாதி ஸத்தஸங்கா²தஅத்தஸுஞ்ஞதட்டே²ன. அத்தாபா⁴வேனாதி தி³ட்டி²க³திகபரிகப்பிதஸ்ஸ அத்தனோ அபா⁴வேன. ஸுஞ்ஞதோ அனத்ததோதி ஏத்த² ‘‘பரதோ’’தி பத³ஸ்ஸ ஸங்க³ஹோ காதப்³போ³, தஸ்மா ‘‘த்³வீஹி அனத்தமனஸிகாரோ’’தி வத்தப்³ப³ம்.

ஸீலவந்தஸுத்தவண்ணனா நிட்டி²தா.