2. ப³ளிஸஸுத்தவண்ணனா

158. ப³ளிஸேன சரதி, தேன வா ஜீவதீதி பா³ளிஸிகோ. தேனாஹ ‘‘ப³ளிஸம் க³ஹேத்வா சரமானோ’’தி. ஆமிஸக³தந்தி ஆமிஸூபக³தம் ஆமிஸபதிதம். தேனாஹ ‘‘ஆமிஸமக்கி²த’’ந்தி. பி⁴ன்னாதி⁴கரணானம்பி பா³ஹிரத்த²ஸமாஸோ ஹோதேவாதி ஆஹ ‘‘ஆமிஸே சக்கு²த³ஸ்ஸன’’ந்தி. அயோ வுச்சதி ஸுக²ம், தப்³பி³து⁴ரதாய அனயோ, து³க்க²ந்தி ஆஹ ‘‘து³க்க²ம் பத்தோ’’தி. அஸ்ஸாதி ஏதேன. கத்துஅத்தே² ஹி ஏதம் ஸாமிவசனம். யதா² கிலேஸா வத்தந்தி, ஏவம் பவத்தமானோ புக்³க³லோ கிலேஸவிப்பயோகோ³ ந ஹோதீதி வுத்தம் ‘‘யதா² கிலேஸமாரஸ்ஸ காமோ, ஏவம் கத்தப்³போ³’’தி.

ப³ளிஸஸுத்தவண்ணனா நிட்டி²தா.