7. த³ஸங்க³ஸுத்தவண்ணனா

113. மிச்ச²த்தஸம்மத்தவஸேனாதி ஏத்த² மிச்சா²பா⁴வோ மிச்ச²த்தம், ததா² ஸம்மாபா⁴வோ ஸம்மத்தம். ததா² ததா² பவத்தா அகுஸலக்க²ந்தா⁴வ மிச்சா²ஸதி, ஏவம் மிச்சா²ஞாணம்பி த³ட்ட²ப்³ப³ம். ந ஹி ஞாணஸ்ஸ மிச்சா²பா⁴வோ நாம அத்தி². தஸ்மா மிச்சா²ஞாணினோதி மிச்சா²ஸஞ்ஞாணாதி அத்தோ², அயோனிஸோ பவத்தசித்துப்பாதா³தி அதி⁴ப்பாயோ. மிச்சா²பச்சவேக்க²ணேனாதி மிச்சா²தி³ட்டி²ஆதீ³னம் மிச்சா² அயோனிஸோ பச்சவேக்க²ணேன. குஸலவிமுத்தீதி பகதிபுரிஸஸந்தரஜானனம், கு³ணவியுத்தஸ்ஸ அத்தனோ ஸகத்தனி அவட்டா²னந்தி ஏவமாதி³ம் அகுஸலபவத்திம் ‘‘குஸலவிமுத்தீ’’தி க³ஹேத்வா டி²தா மிச்சா²விமுத்திகா. ஸம்மாபச்சவேக்க²ணாதி ஜா²னவிமோக்கா²தீ³ஸு ஸம்மா அவிபரீதம் பவத்தா பச்சவேக்க²ணா.

த³ஸங்க³ஸுத்தவண்ணனா நிட்டி²தா.

ததியவக்³க³வண்ணனா நிட்டி²தா.