3. பேஸலஸுத்தவண்ணனா

211. ஏதேஸந்தி ஏதேஸம் மஹல்லகானம். ந பாளி ஆக³ச்ச²தி அப்பகு³ணபா⁴வதோ. ந ச பாளி உபட்டா²தி, ஏகாய பாளியா ஸதி பாளிக³தியா ததா² ததா² உபட்டா²னம்பி நேஸம் நத்தீ²தி வத³தி. ந அட்ட²கதா²தி ஏத்தா²பி ஏஸேவ நயோ. ஸிதி²லத⁴னிதாதி³தம்தம்ப்³யஞ்ஜனபு³த்³தி⁴ம் அஹாபேத்வா உச்சாரணம் பத³ப்³யஞ்ஜனமது⁴ரதா. அதிக்கமித்வா மஞ்ஞதி அஞ்ஞே பி⁴க்கூ². ஹீளனவஸேன அபி⁴ப⁴வித்வா படிபா⁴னஸுதேன அத்தானம் பஸம்ஸதி ஸம்பா⁴வேதி. மானஸ்ஸ பவத்திதாய ஸஹஜாதனிஸ்ஸயாதி³பச்சயத⁴ம்மா தம்ஸஹபு⁴த⁴ம்மா. மானவஸேன விப்படிஸாரீ அஹுவா. மா அஹோஸீதி யோஜனா. வண்ணப⁴ணனந்தி பரேஹி கிரியமானம் கு³ணாபி⁴த்த²வம். அகி²லோதி பஞ்சசேதோகி²லரஹிதோ. நிஸ்ஸேஸம் நவவித⁴ந்தி நவவித⁴ம்பி மானம் கஸ்ஸசி ஏகதே³ஸஸ்ஸபி அஸேஸதோ. விஜ்ஜாயாதி அக்³க³மக்³க³விஜ்ஜாய. அச்சந்தமேவ ஸமிததாய வூபஸமிததாய ஸமிதாவீ.

பேஸலஸுத்தவண்ணனா நிட்டி²தா.