1. நிக்க²ந்தஸுத்தவண்ணனா

209. ஆளவியந்தி ஆளவினக³ரஸமீபே. அக்³க³சேதியேதி கோ³தமகசேதியாதீ³ஹி உத்தமசேதியே. தம் கிர பூ⁴மிராமணேய்யகபா⁴வேன மனுஞ்ஞதாய பதா⁴னயுத்ததாதி³ஸம்பத்தியா ச இதரசேதியேஹி ஸேட்ட²ஸம்மதம். கப்பத்தே²ரேனாதி ‘‘கப்போ’’தி கோ³த்ததோ ஆக³தனாமோ தே²ரோ, ஸஹஸ்ஸபுராணஜடிலானம் அப்³ப⁴ந்தரே அயம் மஹாதே²ரோ. ஓஹீனகோதி தே²ரேஸு கா³மம் பிண்டா³ய பவிட்டே²ஸு விஹாரே ஏவ அவஹீனகோ டி²தோ. தத்த² காரணமாஹ ‘‘விஹாரபாலோ’’திஆதி³. ஸமலங்கரித்வாதி ஸமம் அலங்காரேன அலங்கரித்வா. குஸலசித்தம் வித்³த⁴ம்ஸேதி பவத்திதும் அப்பதா³னவஸேன. ஏதஸ்மிந்தி ஏதஸ்மிம் ராகே³ உப்பன்னே. ‘‘ஏகஸ்மி’’ந்தி வா பாடோ², ஏகஸ்மிம் விஸபா⁴க³வத்து²கே ராகே³ உப்பன்னே. த⁴ம்மோ வாதி மம சித்தே உப்பஜ்ஜனகதோ அஞ்ஞோ த⁴ம்மோ வா. யேன காரணேன பரோ அனபி⁴ரதிம் வினோதே³த்வா இதா³னேவ அபி⁴ரதிம் உப்பாதே³ய்ய, தம் காரணம் குதோ லப்³பா⁴தி யோஜனா, தம் காரணம் நத்தீ²தி அத்தோ², தஸ்ஸ அபா⁴வகாரணவசனம்.

அனகா³ரியந்தி அகா³ரவிரஹதோ அனகா³ரம் பப்³ப³ஜ்ஜா. தத்த² நியுத்தத்தா அனகா³ரியம் க-காரஸ்ஸ ய-காரம் கத்வா, பப்³ப³ஜிதந்தி அத்தோ². ஆதா⁴வந்தீதி ஹத³யம் அபி⁴ப⁴வித்வா தா⁴வந்தி. உக்³க³தானந்தி உளாரானம் புத்தா. தேனாஹ ‘‘மஹேஸக்கா² ராஜஞ்ஞபூ⁴தா’’தி. உத்தமப்பமாணந்தி ஸஹஸ்ஸபலம் ஸமந்தாதி ஸமந்ததோ. பரிகிரேய்யுந்தி விஜ்ஜே²ய்யும். ஏதஸ்மா ஸஹஸ்ஸாதி யதா²வுத்தா த⁴னுக்³க³ஹஸஹஸ்ஸதோ. அதிரேகதரா அனேகஸஹஸ்ஸா. இத்தி²யோ ஓலோகனஸிதலபிதரோதி³தஸரே கி²பந்தியோ. நேவ மம் ப்³யாத⁴யிஸ்ஸந்தி நேவ மம் நிஜ்ஜா²யிஸ்ஸந்தி. ‘‘ப்³யாத⁴யிஸ்ஸதீ’’தி பாடோ²தி வுத்தம் ‘‘சாலேதும் ந ஸக்கி²ஸ்ஸதீதி அத்தோ²’’தி. த⁴ம்மே ஸம்ஹீதி ஸகே ஸந்திகே பதிட்டி²தே ஸாஸனத⁴ம்மே. தேனாஹ ‘‘அனபி⁴ரதிம்வினோதே³த்வா’’திஆதி³.

மக்³க³ந்தி ‘‘மக்³கோ³’’தி வத்தப்³பே³ லிங்க³விபல்லாஸேன வுத்தம். தேனாஹ ‘‘ஸோ ஹி நிப்³பா³னஸ்ஸ புப்³ப³பா⁴க³மக்³க்³கோ³’’தி.

நிக்க²ந்தஸுத்தவண்ணனா நிட்டி²தா.