2. ஸோமாஸுத்தவண்ணனா

163. டா²னந்தி இஸ்ஸரியட்டா²னம் விஸயஜ்ஜ²த்தம். து³ப்பஸஹம் அகம்பியபா⁴வத்தா. த்³வங்கு³லபஞ்ஞாயாதி ஏத்த² இத்தி²யோ ஹி த³ஹரகுமாரிகாகாலதோ பட்டா²ய ஓத³னபசனவிதி⁴ம் அனுதிட்ட²ந்தியோ உக்க²லியம் உத³கம் தாபேத்வா தண்டு³லே பக்கி²பித்வா அத்தனோ பு³த்³தி⁴யா தேஸம் பாககாலப்பமாணம் பரிச்சி²ந்தி³தும் தானி த³ப்³பி³யா உத்³த⁴ரித்வாபி வண்ணஸண்டா²னக்³க³ஹணமத்தேன பக்காபக்கபா⁴வம் ஜானிதும் ந ஸக்கோந்தி, கேவலம் பன த்³வீஹி அங்கு³லீஹி உப்பீளிதகாலே ஏவ ஜானந்தி, தஸ்மா த்³வீஹங்கு³லிகேஹி து³ப்³ப³லபஞ்ஞத்தா ‘‘த்³வங்கு³லபஞ்ஞா’’தி வுச்சந்தி. ப²லஸமாபத்திஞாணப்பவத்திகித்தனேன சதூஸு ஸச்சேஸு அஸம்மோஹவிஹாரோ தீ³பிதோ ஹோதீதி ஆஹ ‘‘ஞாணம்ஹி வத்தமானம்ஹீதி ப²லஸமாபத்திஞாணே பவத்தமானே’’தி. விபஸ்ஸந்தஸ்ஸாதி அஸம்மோஹபடிவேத⁴தோ விஸேஸேன பஸ்ஸந்தஸ்ஸ க²ந்த⁴பஞ்சகமேவ ஸச்சாபி⁴ஸமயதோ புப்³ப³பா⁴கே³ விபஸ்ஸந்தஸ்ஸ. அஞ்ஞம் வாதி இத்தி²புரிஸதோ அஞ்ஞம் வா கிஞ்சி வத்து²ம். ‘‘அஹம் அஸ்மீ’’தி மானதி³ட்டி²கா³ஹதண்ஹாகா³ஹவஸேன க³ஹிதவத்து²ஸ்மிம் யேவாதி ஆஹ ‘‘அஹம் அஸ்மீதி தண்ஹாமானதி³ட்டி²வஸேனா’’தி.

ஸோமாஸுத்தவண்ணனா நிட்டி²தா.