2. புரிஸஸுத்தவண்ணனா

113. புரிமஸுத்தேதி புரிமஸுத்ததே³ஸனாயம். தத்த² ஹி உபஸங்கமந்தவேலாய ஸத்து² கு³ணே அஜானந்தோ கேவலம் ஸம்மோத³னம் கரோதி. தே³ஸனம் ஸுத்வா பன ஸத்து² கு³ணே ஞத்வா ஸரணங்க³தத்தா இத⁴ இமஸ்மிம் ஸமாக³மே அபி⁴வாதே³ஸி பஞ்சபதிட்டி²தேன வந்தி³. அத்தானம் அதி⁴ அஜ்ஜ²த்தம், அவிஜஹேன அத்தானம் அதி⁴கிச்ச உத்³தி³ஸ்ஸ பவத்தத⁴ம்மா அஜ்ஜ²த்தம் ஏகஜ்ஜ²ம் க³ஹணவஸேன, பு⁴ம்மத்தே² சேதம் பச்சத்தவசனம். காமஞ்சாயம் அஜ்ஜ²த்தஸத்³தோ³ கோ³சரஜ்ஜ²த்தவிஸயஜ்ஜ²த்தஅஜ்ஜ²த்தஜ்ஜ²த்தேஸு பவத்ததி. தே பனேத்த² ந யுஜ்ஜந்தீதி வுத்தம் ‘‘நியகஜ்ஜ²த்த’’ந்தி, நியகஸங்கா²தஅஜ்ஜ²த்தத⁴ம்மேஸூதி அத்தோ². தேனாஹ ‘‘அத்தனோ ஸந்தானே’’தி. லுப்³ப⁴னலக்க²ணோதி கி³ஜ்ஜ²னலக்க²ணோ, ஆரம்மணே த³ள்ஹக்³க³ஹணஸபா⁴வோதி அத்தோ². து³ஸ்ஸனலக்க²ணோதி குஜ்ஜ²னலக்க²ணோ, ப்³யாபஜ்ஜனஸபா⁴வோதி அத்தோ². முய்ஹனலக்க²ணோதி அஞ்ஞாணலக்க²ணோ, ஆரம்மணே ஸபா⁴வஸம்மோஹபா⁴வோதி அத்தோ². விஹேடே²ந்தீதி அத்த²னாஸனஅனத்து²ப்பாத³னேஹி விபா³தே⁴ந்தி. ததோ ஏவ யதா² ஸக்³க³மக்³கே³ஸு ந தி³ஸ்ஸதி, ஏவம் கரோந்தீதி ஆஹ ‘‘நாஸேந்தி வினாஸேந்தீ’’தி. அத்தனி ஸம்பூ⁴தாதி ஸந்தானே நிப்³ப³த்தா.

புரிஸஸுத்தவண்ணனா நிட்டி²தா.