7. பு³த்³த⁴வந்த³னாஸுத்தவண்ணனா

263. உட்ட²ஹாதி உட்டா²னம் காயிகவீரியம் கரோஹி. தேனாஹ ‘‘விசர, லோகே’’தி. சேதஸிகவீரியம் பன ப⁴க³வதா மத்த²கம் பாபிதமேவ. தேனாஹ ‘‘விஜிதஸங்கா³மா’’தி. த்³வாத³ஸயோஜனிகஸ்ஸ உச்சபா⁴வேன. வித்தா²ரதோ பன ஆயாமதோ ச அனேகயோஜனஸதஸஹஸ்ஸபரிமாணசக்கவாளம் அதிப்³யாபேத்வா டி²தஸ்ஸ. பன்னபா⁴ராதி பாதிதபா⁴ர. நிக்கே²பிதப்³ப³தோ பா⁴ராதி ஆஹ ‘‘ஓரோபிதக²ந்தா⁴’’திஆதி³. தே ஹி தம்ஸமங்கி³னோ புக்³க³லஸ்ஸ ஸம்பாதனட்டே²ன பா⁴ரா நாம. வுத்தஞ்ஹேதம் ‘‘பா⁴ரா ஹவே பஞ்சக்க²ந்தா⁴’’தி (ஸம். நி. 3.22). ததே³கதே³ஸா ச கிலேஸாபி⁴ஸங்கா²ரா. பன்னரஸாய புண்ணமாய ரத்திந்தி யதா² பன்னரஸபுண்ணமாய ரத்தியம் பரிபுண்ணகாலே உபக்கிலேஸவிமுத்தோ சந்தோ³ ஸோப⁴தி, ஏவம் தவ சித்தம் ஸப்³ப³ஸோ உபக்கிலேஸவிமுத்தம் ஸோப⁴தீதி அதி⁴ப்பாயோ.

பு³த்³த⁴வந்த³னாஸுத்தவண்ணனா நிட்டி²தா.