11. அரணஸுத்தவண்ணனா

81. ரணந்தி கந்த³ந்தி ஏதேஹீதி ரணா, ராகா³த³யோ. தேஹி அபி⁴பூ⁴ததாய ஹி ஸத்தா நானப்பகாரம் கந்த³ந்தி பரிதே³வந்தி. தே பன ஸப்³ப³ஸோ நத்தி² ஏதேஸம் ரணாதி அரணா. நிக்கிலேஸா கீ²ணாஸவா. வுஸிதவாஸோதி வுஸிதப்³ரஹ்மசரியவாஸோ. போ⁴ஜிஸ்ஸியந்தி பு⁴ஜிஸ்ஸபா⁴வோ. தேனாஹ ‘‘அதா³ஸபா⁴வோ’’தி. ஸமணாதி ஸமிதபாபஸமணாதி ஆஹ ‘‘கீ²ணாஸவஸமணா’’தி. புது²ஜ்ஜனகல்யாணகாலே லோகியபரிஞ்ஞாய, ஸேக்கா² புப்³ப³பா⁴கே³ லோகியபரிஞ்ஞாய, பச்சவேக்க²ணே லோகியலோகுத்தராய பரிஞ்ஞாய பரிஞ்ஞேய்யம் தேபூ⁴மகம் க²ந்த⁴பஞ்சகம் பரிஜானந்தி பரிச்சி²ஜ்ஜந்தி. கீ²ணாஸவா பன பரிஞ்ஞாதபரிஞ்ஞேய்யா ஹோந்தி. ததா² ஹி தே ஸாமீ ஹுத்வா பரிபு⁴ஞ்ஜந்தி. வந்த³ந்தி நம் பதிட்டி²தந்தி வுத்தம், வந்த³னீயபா⁴வோ ச ஸீலஸம்பன்னதாயாதி ஆஹ ‘‘பதிட்டி²தந்தி ஸீலே பதிட்டி²த’’ந்தி. இதா⁴தி இமஸ்மிம் லோகே. க²த்தியாதி லக்க²ணவசனந்தி ஆஹ ‘‘ந கேவலம் க²த்தியாவா’’திஆதி³.

அரணஸுத்தவண்ணனா நிட்டி²தா.

சே²த்வாவக்³க³வண்ணனா நிட்டி²தா.

ஸாரத்த²ப்பகாஸினியா ஸம்யுத்தனிகாய-அட்ட²கதா²ய

தே³வதாஸம்யுத்தவண்ணனாய லீனத்த²ப்பகாஸனா ஸமத்தா.