2. ஸதிவினயகதா²

195. பரம்முக²ம் வினேதி வினாஸேதீதி வினயோ, பரம்முக²ம் வினேதி வினாஸேதி அனேனாதி வா வினயோ, வினயகம்மம். ஸங்க⁴த⁴ம்மவினயபுக்³க³லஸம்முகா²னம் தா³தப்³போ³ வினயோ ஸம்முகா²வினயோ. பஞ்சிமானீதி ஏத்த² பஞ்சன்னம் ஸரூபம் த³ஸ்ஸேந்தோ ஆஹ ‘‘ஸுத்³த⁴ஸ்ஸா’’திஆதி³. அனுவதி³தஸ்ஸ தா³னந்தி ஸம்ப³ந்தோ⁴. ஏதானீதி பஞ்ச அங்கா³னி. ‘‘ஏகேகஅங்க³வஸேன ந லப்³ப⁴ந்தீ’’தி இமினா ஸமுதா³யவாக்யனிப்³ப³த்திபா⁴வதோ பஞ்சங்க³வஸேனேவ லப்³ப⁴ந்தீதி த³ஸ்ஸேதி. தே³ஸனாமத்தமேவேதந்தி ‘‘பஞ்சிமானீ’’தி ஏதம் வசனம் தே³ஸனாமத்தமேவ, ந அவயவவாக்யனிப்³ப³த்திவசனந்தி அதி⁴ப்பாயோ. த⁴ம்மந்தி பூ⁴தம். ஏத்தா²தி ‘‘பஞ்சிமானி பி⁴க்க²வே’’திஆதி³வசனே. தத்த² சாதி ‘‘பஞ்சிமானி பி⁴க்க²வே’’திஆதி³வசனே ச. அனுவத³ந்தீதி ஏத்த² அனுத்³த⁴ம்ஸனேன வத³ந்தீதி த³ஸ்ஸேந்தோ ஆஹ ‘‘சோதே³ந்தீ’’தி. அயம் பன ஸதிவினயோ தா³தப்³போ³தி ஸம்ப³ந்தோ⁴. அனாகா³மினோபீதி பிஸத்³தோ³ ஸம்பா⁴வனே, ஸகதா³கா³மிஆதி³கே பன கா நாம கதா²தி த³ஸ்ஸேதி. ஸோ ச கோ²தி ஸதிவினயோ ச. சோதி³யமானேயேவாதி சோதி³யமானஸ்ஸேவ, அயமேவ வா பாடோ². தஸ்மிந்தி ஸதிவினயஸ்மிம் தி³ன்னேதி ஸம்ப³ந்தோ⁴. அசோதி³தத்தா கதா² ந ரூஹதீதி ஆஹ ‘‘சோதே³ந்தோபீ’’திஆதி³. ஆபஜ்ஜதீதி சோத³கோ ஆபஜ்ஜதி. சோத³னாதி³அஸாருப்பே வினேதி வினாஸேதீதி வினயோ, வினேதி வினாஸேதி அனேனாதி வா வினயோ, வினயகம்மம். ஸதிவேபுல்லபத்தஸ்ஸ தா³தப்³போ³ வினயோ ஸதிவினயோ.