4. துவட்டவக்³கோ³

1. பட²மஸிக்கா²பத³-அத்த²யோஜனா

933. துவட்டவக்³க³ஸ்ஸ பட²மே ‘‘துவட்ட நிபஜ்ஜாய’’ந்தி தா⁴துபாடே²ஸு (ஸத்³த³னீதிதா⁴துமாலாயம் 18 டகாரந்ததா⁴து) வுத்தத்தா ‘‘துவட்டேய்யுந்தி நிபஜ்ஜேய்யு’’ந்தி வுத்தந்தி. பட²மம்.

2. து³தியஸிக்கா²பத³ம்

937. து³தியே ஏகத்த²ரணபாவுரணந்திஏத்த² உத்தரபதா³னம் த்³வந்த³பா⁴வம், புப்³ப³பதே³ன ச பா³ஹிரத்த²ஸமாஸபா⁴வம் த³ஸ்ஸேதும் வுத்தம் ‘‘ஏக’’ந்திஆதி³. தத்த² சேவ, சஸத்³தே³ஹி த்³வந்த³பா⁴வம் தீ³பேதி, ‘‘ஏதாஸ’’ந்திஇமினா பா³ஹிரத்த²ஸமாஸபா⁴வம். ஏதந்தி ‘‘ஏகத்த²ரணபாவுரணா’’தி ஏதம் நாமந்தி. து³தியம்.

3. ததியஸிக்கா²பத³ம்

941. ததியே உளாரகுலாதி ஜாதிஸேட்ட²குலா, இஸ்ஸரியபோ⁴கா³தீ³ஹி வா விபுலகுலா. கு³ணேஹீதி ஸீலாதி³கு³ணேஹி. ‘‘உளாராதி ஸம்பா⁴விதா’’தி இமினா இதிலோபதுல்யாதி⁴கரணஸமாஸம் த³ஸ்ஸேதி.

‘‘அபி⁴பூ⁴தா’’தி இமினா ‘‘அபகதா’’தி ஏத்த² கரதா⁴து ஸப்³ப³தா⁴த்வத்த²வாசீபி இத⁴ அபபுப்³ப³த்தா விஸேஸதோ அபி⁴ப⁴வனத்தே² வத்ததீதி த³ஸ்ஸேதி. ஏதாஸந்தி பி⁴க்கு²னீனம். ‘‘ஸஞ்ஞாபயமானா’’தி இமினா ஸஞ்ஞாபனம் ஸஞ்ஞத்தீதி வசனத்த²ம் த³ஸ்ஸேதி. ஹேதூதா³ஹரணாதீ³ஹீதி ஏத்த² ஆதி³ஸத்³தே³ன உபமாத³யோ ஸங்க³ண்ஹாதி. ‘‘விவிதே⁴ஹி நயேஹி ஞாபனா’’தி இமினா விவிதே⁴ஹி ஞாபனம் விஞ்ஞத்தீதி வசனத்த²ம் த³ஸ்ஸேதி.

943. சங்கமனே பத³வாரக³ணனாய ஆபத்தியா ந காரேதப்³போ³தி ஆஹ ‘‘நிவத்தனக³ணனாயா’’தி. பதா³தி³க³ணனாயாதி பத³அனுபதா³தி³க³ணனாயாதி. ததியம்.

4. சதுத்த²ஸிக்கா²பத³ம்

949. சதுத்தே² அனுத்தானட்டா²னம் நத்தீ²தி. சதுத்த²ம்.

5. பஞ்சமஸிக்கா²பத³ம்

952. பஞ்சமே ஆணத்தா பி⁴க்கு²னீதி யோஜனா. இத³ஞ்ச பச்சாஸன்னவஸேன வுத்தம் யம்கிஞ்சிபி ஆணாபேதும் ஸக்குணேய்யத்தாதி. பஞ்சமம்.

6-9. ச²ட்டா²தி³ஸிக்கா²பத³ம்

955. ச²ட்ட²-ஸத்தம-அட்ட²ம-நவமேஸு அனுத்தானவசனம் நத்தீ²தி. ச²ட்ட² ஸத்தம அட்ட²ம நவமானி.

10. த³ஸமஸிக்கா²பத³ம்

973. த³ஸமே அஹுந்த³ரிகாதி தஸ்மிம் காலே, தே³ஸே வா ஸம்பா³த⁴ஸ்ஸ நாமமேதந்தி ஆஹ ‘‘அஹுந்த³ரிகாதி ஸம்பா³தா⁴’’தி.

975. யதா² ‘‘உத்தரிச²ப்பஞ்சவாசாஹீ’’தி (பாசி. 62-65) ஏத்த² பஞ்சஸத்³தோ³ ந கோசி அத்தோ², வாசாஸிலிட்ட²த்த²ம் லோகவோஹாரவஸேன வுத்தோ, ந ஏவமித⁴, இத⁴ பன அத்தோ² அத்தி², பஞ்ச யோஜனானி க³ச்ச²ந்தியாபி அனாபத்தியேவாதி ஆஹ ‘‘பவாரேத்வா…பே… அனாபத்தீ’’தி. பச்சாக³ச்ச²தீதி படினிவத்தேத்வா ஆக³ச்ச²தீதி. த³ஸமம்.

துவட்டவக்³கோ³ சதுத்தோ².