6. சாரித்தஸிக்கா²பத³ம்

294. ச²ட்டே² கஸ்மா தேஹி ‘‘தே³தா²வுஸோ ப⁴த்த’’ந்தி வுத்தம், நனு பி⁴க்கூ²னம் ஏவம் வத்தும் ந வட்டதீதி ஆஹ ‘‘ஏத்த² தம் கிரா’’திஆதி³. தஸ்மாதி யஸ்மா அபி⁴ஹடம் அஹோஸி, தஸ்மா.

295. இத³ம் பன வசனம் ஆஹாதி ஸம்ப³ந்தோ⁴. பஸாத³ஞ்ஞத²த்தந்தி பஸாத³ஸ்ஸ அஞ்ஞேனாகாரேன பா⁴வோ. நந்தி கா²த³னீயம். ‘‘க³ஹேத்வா ஆக³மம்ஸூ’’திஇமினா ‘‘உஸ்ஸாரியித்தா²’’தி ஏத்த² உகாரஸ்ஸ உக்³க³ஹத்த²தஞ்ச ஸரதா⁴துஸ்ஸ க³த்யத்த²தஞ்ச அஜ்ஜதனிஞும்விப⁴த்தியா த்த²த்தஞ்ச த³ஸ்ஸேதி, உக்³க³ஹேத்வா ஸாரிம்ஸு அக³மம்ஸூதி அத்தோ².

298. யத்தா²தி யஸ்மிம் டா²னே. டி²தஸ்ஸ பி⁴க்கு²னோ சித்தம் உப்பன்னந்தி யோஜனா. ததோதி சித்துப்பன்னதோ. யந்தி பி⁴க்கு²ம். பகதிவசனேனாதி உச்சாஸத்³த³மகத்வா பவத்தேன ஸபா⁴வவசனேன. அந்தோவிஹாரேதி வசனஸ்ஸ அதிஸம்பா³த⁴த்தா அயுத்தபா⁴வம் மஞ்ஞமானோ ஆஹ ‘‘அபி ச அந்தோஉபசாரஸீமாயா’’தி.

302. கா³மஸ்ஸ அந்தரே ஆராமோ திட்ட²தீதி அந்தராராமோ விஹாரோ, தம் க³ச்ச²தீதி த³ஸ்ஸேந்தோ ஆஹ ‘‘அந்தோகா³மே’’திஆதீ³தி. ச²ட்ட²ம்.