3. பேஸுஞ்ஞஸிக்கா²பத³ம்

36. ததியே ‘‘ஜாதப⁴ண்ட³னான’’ந்தி வத்தப்³பே³ அக்³யாஹிதோதிஆதீ³ஸு விய விஸேஸனபரனிபாதவஸேன ‘‘ப⁴ண்ட³னஜாதான’’ந்தி வுத்தந்தி ஆஹ ‘‘ஸஞ்ஜாதப⁴ண்ட³னான’’ந்தி. ‘‘புப்³ப³பா⁴கோ³’’தி வத்வா தஸ்ஸ ஸரூபம் த³ஸ்ஸேதி ‘‘இமினா ச இமினா சா’’திஆதி³னா. விருத்³த⁴ம் வத³தி ஏதேனாதி விவாதோ³, விக்³கா³ஹிககதா², தம் ஆபன்னாதி விவாதா³பன்னா, தேஸம். பிஸதி ஸஞ்சுண்ணேதீதி பிஸுணோ, புக்³க³லோ, தஸ்ஸ இத³ந்தி பேஸுஞ்ஞம், வசனந்தி அத்த²ம் த³ஸ்ஸேந்தோ ஆஹ ‘‘பேஸுஞ்ஞந்தி பிஸுணவாச’’ந்தி.

37. பி⁴க்கு²பேஸுஞ்ஞேதி பி⁴க்கூ²னம் ஸந்திகம் உபஸம்ஹடே பேஸுஞ்ஞவசனேதி ச²ட்டீ²ஸமாஸோ.

38. ‘‘தி³ஸ்வா’’தி பத³ம் ‘‘ப⁴ணந்தஸ்ஸா’’தி பதே³ புப்³ப³காலகிரியா, த³ஸ்ஸனம் ஹுத்வாதி அத்தோ². ததியம்.