27. அஸம்வாஸனித்³தே³ஸவண்ணனா

198. உக்கி²த்தோதி கம்மனானாஸம்வாஸகஸங்கா²தோ ஆபத்தியா அத³ஸ்ஸனே, அப்படிகம்மே, பாபிகாய தி³ட்டி²யா அப்படினிஸ்ஸக்³கே³ உக்கி²த்தகோ. அனுபஸம்பன்னோதி ஸிக்க²மானஸாமணேரஸாமணேரிஸிக்கா²பச்சக்கா²தஸங்கா²தோ அனுபஸம்பன்னோ. சி²ன்னமூலகோதி அந்திமவத்து²அஜ்ஜா²பன்னோ. உக்கி²த்தகேஸு ‘‘த⁴ம்மவாதி³னோ ஏதே’’தி உப்பன்னாய லத்³தி⁴யா நானாபூ⁴தோ ஸம்வாஸோ ஏதஸ்ஸாதி நானாஸம்வாஸோ, உக்கி²த்தானுவத்தகஸங்கா²தோ லத்³தி⁴னானாஸம்வாஸகோ. ஸீமதோ நிக்³க³தா நிஸ்ஸீமா, ஸீமந்தரிகா ப³ஹிஸீமா ச, தத்த² ஹத்த²பாஸே சேபி டி²தோ, ஸீமானானாஸம்வாஸகோ நிஸ்ஸீமட்டி²தோ. வேஹாயஸே ஆகாஸே டி²தோ வேஹாயஸண்டி²தோ பி³ந்தா³க³மேன. தத்த² ‘‘நானாஸம்வாஸோ சா’’திஆதி³னா ஸமாஹாரத்³வந்தே³பி க்வசி நபும்ஸகலிங்க³ம் ப்³யபி⁴சரதீதி நபும்ஸகத்தாபா⁴வோ யதா² ‘‘மக்³கா³மக்³கோ³’’தி. ஏககம்மம் ஏகுத்³தே³ஸோ ஸமஸிக்க²தாதி அயம் திவிதோ⁴பி ஸம்வாஸோ நாம. ஸோ யேஸம் நத்தி², தே அஸம்வாஸா. ஏதே ஹத்த²பாஸதோ ப³ஹிகரணவஸேன வஜ்ஜேதப்³பா³. ஏதேஸு ஹி திவிதே⁴ உக்கி²த்தகே ஸதி உபோஸதா²தி³கம் கம்மம் கரோந்தஸ்ஸ பாசித்தியம், இதரேஸு து³க்கடந்தி.

அஸம்வாஸனித்³தே³ஸவண்ணனா நிட்டி²தா.