கங்கா²விதரணீ-அட்ட²கதா²

க³ந்தா²ரம்ப⁴கதா²

பு³த்³த⁴ம் த⁴ம்மஞ்ச ஸங்க⁴ஞ்ச, விப்பஸன்னேன சேதஸா;

வந்தி³த்வா வந்த³னாமான, பூஜாஸக்காரபா⁴ஜனம்.

தே²ரவம்ஸப்பதீ³பானம், தி²ரானம் வினயக்கமே;

புப்³பா³சரியஸீஹானம், நமோ கத்வா கதஞ்ஜலீ.

பாமோக்க²ம் அனவஜ்ஜானம், த⁴ம்மானம் யம் மஹேஸினா;

முக²ம் மோக்க²ப்பவேஸாய, பாதிமோக்க²ம் பகாஸிதம்.

ஸூரதேன நிவாதேன, ஸுசிஸல்லேக²வுத்தினா;

வினயாசாரயுத்தேன, ஸோணத்தே²ரேன யாசிதோ.

தத்த² ஸஞ்ஜாதகங்கா²னம், பி⁴க்கூ²னம் தஸ்ஸ வண்ணனம்;

கங்கா²விதரணத்தா²ய, பரிபுண்ணவினிச்ச²யம்.

மஹாவிஹாரவாஸீனம், வாசனாமக்³க³னிஸ்ஸிதம்;

வத்தயிஸ்ஸாமி நாமேன, கங்கா²விதரணிம் ஸுப⁴ந்தி.