9. ஸோகாவாஸஸிக்கா²பத³வண்ணனா

நவமே ஸோகாவாஸந்தி ஸங்கேதம் கத்வா ஆக³ச்ச²மானா புரிஸானம் அந்தோஸோகம் பவேஸேதீதி ஸோகாவாஸா, தம் ஸோகாவாஸம். அத² வா க⁴ரம் விய க⁴ரஸாமிகா அயம்பி புரிஸஸமாக³மம் அலப⁴மானா ஸோகம் ஆவிஸதி, இதி யம் ஆவிஸதி, ஸ்வாஸ்ஸா ஆவாஸோ ஹோதீதி ஸோகாவாஸா. தேனேவஸ்ஸ பத³பா⁴ஜனே (பாசி. 1160) ‘‘ஸோகாவாஸா நாம பரேஸம் து³க்க²ம் உப்பாதே³தி, ஸோகம் ஆவிஸதீ’’தி த்³விதா⁴ அத்தோ² வுத்தோ. பாசித்தியந்தி ஏவரூபம் வுட்டா²பேந்தியா வுத்தனயேனேவ கம்மவாசாபரியோஸானே உபஜ்ஜா²யாய பாசித்தியம்.

ஸாவத்தி²யம் து²ல்லனந்த³ம் ஆரப்³ப⁴ ஏவரூபம் ஸிக்க²மானம் வுட்டா²பனவத்து²ஸ்மிம் பஞ்ஞத்தம். அஜானந்தியா, உம்மத்திகாதீ³னஞ்ச அனாபத்தி. ஸோகாவாஸதா, ஜானனம், வுட்டா²பனந்தி இமானேத்த² தீணி அங்கா³னி. ஸமுட்டா²னாதீ³னி க³ப்³பி⁴னிவுட்டா²பனஸதி³ஸானேவாதி.

ஸோகாவாஸஸிக்கா²பத³வண்ணனா நிட்டி²தா.