10. அனனுஞ்ஞாதஸிக்கா²பத³வண்ணனா

த³ஸமே மாதாபிதூஹீதி விஜாதமாதரா ச ஜனகபிதரா ச. ஸாமிகேனாதி யேன பரிக்³க³ஹிதா, தேன. அனனுஞ்ஞாதந்தி உபஸம்பத³த்தா²ய அனனுஞ்ஞாதம். த்³விக்க²த்துஞ்ஹி பி⁴க்கு²னீஹி ஆபுச்சி²தப்³ப³ம், பப்³ப³ஜ்ஜாகாலே ச உபஸம்பதா³காலே ச, பி⁴க்கூ²னம் பன ஸகிம் ஆபுச்சி²தேபி வட்டதி. தஸ்மா யா உபஸம்பதா³காலே அனாபுச்சா² உபஸம்பாதே³தி, தஸ்ஸா வுத்தனயேனேவ பாசித்தியம்.

ஸாவத்தி²யம் து²ல்லனந்த³ம் ஆரப்³ப⁴ அனனுஞ்ஞாதவுட்டா²பனவத்து²ஸ்மிம் பஞ்ஞத்தம். அபலோகேத்வா வுட்டா²பேந்தியா, தேஸம் அத்தி²பா⁴வம் அஜானந்தியா, உம்மத்திகாதீ³னஞ்ச அனாபத்தி. அனபலோகனம், அத்தி²பா⁴வஜானனம், வுட்டா²பனந்தி இமானேத்த² தீணி அங்கா³னி. அனனுஞ்ஞாதஸமுட்டா²னம், கிரியாகிரியம், நோஸஞ்ஞாவிமோக்க²ம், அசித்தகம், பண்ணத்திவஜ்ஜம், காயகம்மம், வசீகம்மம், திசித்தம், திவேத³னந்தி.

அனனுஞ்ஞாதஸிக்கா²பத³வண்ணனா நிட்டி²தா.