9. ஓவாதூ³பஸங்கமனஸிக்கா²பத³வண்ணனா

நவமே அன்வத்³த⁴மாஸந்தி அத்³த⁴மாஸே அத்³த⁴மாஸே. உபோஸத²புச்ச²கந்தி உபோஸத²புச்ச²னம். ஓவாதூ³பஸங்கமனந்தி ஓவாத³த்தா²ய உபஸங்கமனம். தம் அதிக்காமேந்தியாதி ஏத்த² பி⁴க்கு²னீஹி தேரஸே வா சாதுத்³த³ஸே வா ஆராமம் க³ந்த்வா ‘‘அயம் உபோஸதோ² சாதுத்³த³ஸோ பன்னரஸோ’’தி புச்சி²தப்³ப³ம், உபோஸத²தி³வஸே நிதா³னவண்ணனாயம் வுத்தனயேன ஓவாதூ³பஸங்கமனம் யாசிதப்³ப³ம். யா பி⁴க்கு²னீ வுத்தப்பகாரே காலே தது³ப⁴யம் ந கரோதி, ஸா தம் அதிக்காமேதி நாம, தஸ்ஸா ‘‘உபோஸத²ம்பி ந புச்சி²ஸ்ஸாமி, ஓவாத³ம்பி ந யாசிஸ்ஸாமீ’’தி து⁴ரம் நிக்கி²த்தமத்தே பாசித்தியம்.

ஸாவத்தி²யம் ஸம்ப³ஹுலா பி⁴க்கு²னியோ ஆரப்³ப⁴ உபோஸத²ஓவாதா³னம் அபுச்ச²னஅயாசனவத்து²ஸ்மிம் பஞ்ஞத்தம், அனாபத்தி அட்ட²மஸதி³ஸாயேவ. உபோஸதோ²வாதா³னம் அபுச்ச²னஅயாசனாயம் து⁴ரனிக்கே²போ, அனுஞ்ஞாதகாரணாபா⁴வோதி இமானேத்த² த்³வே அங்கா³னி. ஸமுட்டா²னாதீ³னி ஸமனுபா⁴ஸனஸதி³ஸானீதி.

ஓவாதூ³பஸங்கமனஸிக்கா²பத³வண்ணனா நிட்டி²தா.