6. க³ணசீவரஸிக்கா²பத³வண்ணனா

ச²ட்டே² க³ணஸ்ஸாதி பி⁴க்கு²னிஸங்க⁴ஸ்ஸ. சீவரலாப⁴ந்தி விகப்பனுபக³ம்பி பச்சி²மம் லபி⁴தப்³ப³ம் சீவரம். அந்தராயம் கரேய்யாதி யதா² தே தா³துகாமா ந தே³ந்தி, ஏவம் பரக்கமேய்ய. பாசித்தியந்தி ஸசே தஸ்ஸா வசனேன தே ந தே³ந்தி, பி⁴க்கு²னியா பாசித்தியம்.

ஸாவத்தி²யம் து²ல்லனந்த³ம் ஆரப்³ப⁴ க³ணஸ்ஸ சீவரலாப⁴ந்தராயகரணவத்து²ஸ்மிம் பஞ்ஞத்தம், அஞ்ஞஸ்மிம் பரிக்கா²ரே து³க்கடம், ஸம்ப³ஹுலானம் பன ஏகபி⁴க்கு²னியா வா சீவரலாபே⁴பி து³க்கடமேவ. ‘‘ஸமக்³க⁴காலே த³ஸ்ஸதா²’’தி ஏவம் ஆனிஸம்ஸம் த³ஸ்ஸேத்வா நிவாரேந்தியா, உம்மத்திகாதீ³னஞ்ச அனாபத்தி. விகப்பனுபக³பச்சி²மதா, ஸங்க⁴ஸ்ஸ பரிணதபா⁴வோ, வினா ஆனிஸம்ஸத³ஸ்ஸனேன அந்தராயகரணந்தி இமானேத்த² தீணி அங்கா³னி. ஸமுட்டா²னாதீ³னி அதி³ன்னாதா³னஸதி³ஸானீதி.

க³ணசீவரஸிக்கா²பத³வண்ணனா நிட்டி²தா.