7. படிபா³ஹனஸிக்கா²பத³வண்ணனா

ஸத்தமே த⁴ம்மிகம் சீவரவிப⁴ங்க³ந்தி ஸமக்³கே³ன ஸங்கே⁴ன ஸன்னிபதித்வா கரீயமானம் சீவரவிப⁴ங்க³. படிபா³ஹேய்யாதி படிஸேதே⁴ய்ய, ஏவம் படிஸேதே⁴ந்தியா பாசித்தியம்.

ஸாவத்தி²யம் து²ல்லனந்த³ம் ஆரப்³ப⁴ த⁴ம்மிகம் சீவரவிப⁴ங்க³ம் படிபா³ஹனவத்து²ஸ்மிம் பஞ்ஞத்தம், த⁴ம்மிகே வேமதிகாய, அத⁴ம்மிகே த⁴ம்மிகஸஞ்ஞாய சேவ வேமதிகாய ச து³க்கடம். உப⁴யத்த² அத⁴ம்மிகஸஞ்ஞாய, ஆனிஸம்ஸம் த³ஸ்ஸேத்வா படிபா³ஹந்தியா, உம்மத்திகாதீ³னஞ்ச அனாபத்தி. சீவரவிப⁴ங்க³ஸ்ஸ த⁴ம்மிகதா, த⁴ம்மிகஸஞ்ஞிதா, வினா ஆனிஸம்ஸேன படிபா³ஹனந்தி இமானேத்த² தீணி அங்கா³னி. ஸமுட்டா²னாதீ³னி அதி³ன்னாதா³னஸதி³ஸானேவாதி.

படிபா³ஹனஸிக்கா²பத³வண்ணனா நிட்டி²தா.