3. சீவரபரிவத்தனஸிக்கா²பத³வண்ணனா

ததியே ஹந்தா³தி க³ண்ஹ. அச்சி²ந்தே³ய்யாதி ஸயம் அச்சி²ந்த³ந்தியா ப³ந்தி⁴த்வா ட²பிதேஸு ப³ஹூஸுபி ஏகாபத்தி, இதரேஸு வத்து²க³ணனாய ஆபத்தியோ. அச்சி²ந்தா³பனே பன ஏகாய ஆணத்தியா ப³ஹூஸு அச்சி²ன்னேஸுபி ஏகாவாபத்தி.

ஸாவத்தி²யம் து²ல்லனந்த³ம் ஆரப்³ப⁴ சீவரம் பரிவத்தேத்வா அச்சி²ந்த³னவத்து²ஸ்மிம் பஞ்ஞத்தம், ஸாணத்திகம், திகபாசித்தியம், அஞ்ஞஸ்மிம் பரிக்கா²ரே திகது³க்கடம், அனுபஸம்பன்னாய சீவரேபி திகது³க்கடமேவ. யா பன தாய வா தி³ய்யமானம், தஸ்ஸா வா விஸ்ஸாஸம் க³ண்ஹாதி, தஸ்ஸா, உம்மத்திகாதீ³னஞ்ச அனாபத்தி. உபஸம்பன்னதா, பரிவத்திதசீவரஸ்ஸ விகப்பனுபக³தா, ஸகஸஞ்ஞாய அச்சி²ந்த³னம் வா அச்சி²ந்தா³பனம் வாதி இமானேத்த² தீணி அங்கா³னி. ஸமுட்டா²னாதீ³னி அதி³ன்னாதா³னஸதி³ஸானி, இத³ம் பன து³க்க²வேத³னந்தி.

சீவரபரிவத்தனஸிக்கா²பத³வண்ணனா நிட்டி²தா.