4. உக்கி²த்தகஓஸாரணஸிக்கா²பத³வண்ணனா

சதுத்தே² உக்கி²த்தந்தி ஆபத்தியா அத³ஸ்ஸனாதீ³ஸு உக்கி²த்தம். அனஞ்ஞாய க³ணஸ்ஸ ச²ந்த³ந்தி தஸ்ஸேவ காரகஸங்க⁴ஸ்ஸ ச²ந்த³ம் அஜானித்வா. ஓஸாரேய்யாதி ஓஸாரணகம்மம் கரேய்ய. தஸ்ஸா ஏவம் கரோந்தியா, க³ணபரியேஸனே ஸீமாஸம்முதியா ஞத்தியா ச து³க்கடம், த்³வீஹி கம்மவாசாஹி து²ல்லச்சயம், கம்மவாசாபரியோஸானே ஸங்கா⁴தி³ஸேஸோ.

ஸாவத்தி²யம் து²ல்லனந்த³ம் ஆரப்³ப⁴ ஏவம் ஓஸாரணவத்து²ஸ்மிம் பஞ்ஞத்தம், திகஸங்கா⁴தி³ஸேஸம், அத⁴ம்மகம்மே திகது³க்கடம், காரகஸங்க⁴ம் வா ஆபுச்சி²த்வா, க³ணஸ்ஸ வா ச²ந்த³ம் ஜானித்வா, வத்தே வா வத்தந்திம், அஸந்தே காரகஸங்கே⁴ ஓஸாரேந்தியா, உம்மத்திகாதீ³னஞ்ச அனாபத்தி. த⁴ம்மகம்மேன உக்கி²த்ததா, அஞ்ஞத்ர அனுஞ்ஞாதகாரணா ஓஸாரணந்தி இமானேத்த² த்³வே அங்கா³னி. ஸமுட்டா²னாதீ³னி ஸங்க⁴பே⁴த³ஸிக்கா²பதே³ வுத்தனயானேவ, இத³ம் பன கிரியாகிரியந்தி.

உக்கி²த்தகஓஸாரணஸிக்கா²பத³வண்ணனா நிட்டி²தா.