6. வஜ்ஜப்படிச்சா²தி³காஸிக்கா²பத³வண்ணனா

து³தியே க³ணஸ்ஸாதி அஞ்ஞாஸம் பி⁴க்கு²னீனம். டி²தாதி ஸலிங்கே³ டி²தா. சுதாதி காலங்கதா. நாஸிதாதி லிங்க³னாஸனாய ஸயம் வா நட்டா², அஞ்ஞேஹி வா நாஸிதா. அவஸ்ஸடாதி தித்தா²யதனம் ஸங்கந்தா. புப்³பே³வாஹம் அய்யே அஞ்ஞாஸிந்தி இத³ம் தஸ்ஸா வசனகாலத³ஸ்ஸனம், ஸலிங்கே³ டி²தாய பன பாராஜிகபா⁴வம் ஞத்வா ‘‘ந தா³னி நம் கஸ்ஸசி ஆரோசேஸ்ஸாமீ’’தி து⁴ரே நிக்கி²த்தமத்தேயேவ அயம் வஜ்ஜப்படிச்சா²தி³கா நாம பாராஜிகா ஹோதீதி.

ஸாவத்தி²யம் து²ல்லனந்த³ம் ஆரப்³ப⁴ நேவஅத்தனாபடிசோத³னா நக³ணஸ்ஸ ஆரோசனவத்து²ஸ்மிம் பஞ்ஞத்தம், ஸேஸமேத்த² ஸப்பாணகவக்³க³ம்ஹி து³ட்டு²ல்லாபத்திப்படிச்சா²த³னஸிக்கா²பதே³ வுத்தனயேனேவ வேதி³தப்³ப³ம். தத்ர ஹி பாசித்தியம், இத⁴ பாராஜிகந்தி அயமேவ விஸேஸோ, ஸேஸம் தாதி³ஸமேவாதி.

வஜ்ஜப்படிச்சா²தி³காஸிக்கா²பத³வண்ணனா நிட்டி²தா.