2. பஞ்ஹபுச்ச²கவண்ணனா

223. இத⁴ அனாப⁴ட்ட²ந்தி ஏகந்தானாரம்மணத்தேன பா⁴ஸிதம். ‘‘ரூபமிஸ்ஸகத்தா அனாரம்மணேஸு ரூபத⁴ம்மேஸு ஸங்க³ஹித’’ந்தி கஸ்மா வுத்தம், நனு மிஸ்ஸகத்தா ஏவ ஜீவிதிந்த்³ரியம் அனாரம்மணேஸு அஸங்க³ஹிதம். ந ஹி அட்டி²ந்த்³ரியா அனாரம்மணாதி வுத்தாதி? ஸச்சமேதம், ஜீவிதிந்த்³ரியஏகதே³ஸஸ்ஸ பன அனாரம்மணேஸு ரூபத⁴ம்மேஸு ஸங்க³ஹிததம் ஸந்தா⁴யேதம் வுத்தம், அரூபகோட்டா²ஸேன பரித்தாரம்மணாதி³தா அத்தீ²தி ஸியாபக்கே² ஸங்க³ஹிதந்தி அதி⁴ப்பாயோ. அரூபகோட்டா²ஸேன பன பரித்தாரம்மணாதி³தா, ரூபகோட்டா²ஸேன ச நவத்தப்³ப³தா அத்தீ²தி மிஸ்ஸகஸ்ஸ ஸமுதா³யஸ்ஸேவ வஸேன ஸியாபக்கே² ஸங்க³ஹிதம், ந ஏகதே³ஸவஸேனாதி த³ட்ட²ப்³ப³ம். ந ஹி அனாரம்மணம் பரித்தாரம்மணாதி³பா⁴வேன நவத்தப்³ப³ம் ந ஹோதீதி. ‘‘ரூபஞ்ச நிப்³பா³னஞ்ச அனாரம்மணா, ஸத்திந்த்³ரியா அனாரம்மணா’’திஆதி³வசனஞ்ச அவிஜ்ஜமானாரம்மணானாரம்மணேஸு நவத்தப்³பே³ஸு அனாரம்மணத்தா நவத்தப்³ப³தம் த³ஸ்ஸேதி, ந ஸாரம்மணஸ்ஸேவ நவத்தப்³ப³தம், நவத்தப்³ப³ஸ்ஸ வா ஸாரம்மணதம். ந ஹி நவத்தப்³ப³-ஸத்³தோ³ ஸாரம்மணே நிருள்ஹோ. யதி³பி ஸியா, ‘‘திஸ்ஸோ ச வேத³னா ரூபஞ்ச நிப்³பா³னஞ்ச இமே த⁴ம்மா நவத்தப்³பா³ ஸுகா²ய வேத³னாய ஸம்பயுத்தா’’திஆதி³ ந வுச்சேய்ய, அதா²பி பரித்தாரம்மணாதி³ஸம்ப³ந்தோ⁴ நவத்தப்³ப³-ஸத்³தோ³ ஸாரம்மணேஸ்வேவ வத்ததி, ‘‘த்³வாயதனா ஸியா பரித்தாரம்மணா’’திஆதி³ம் அவத்வா ‘‘மனாயதனம் ஸியா பரித்தாரம்மணம்…பே… அப்பமாணாரம்மண’’ந்திபி, ‘‘த⁴ம்மாயதனம் ஸியா பரித்தாரம்மணம்…பே… அப்பமாணாரம்மண’’ந்திபி, ‘‘ஸியா அனாரம்மண’’ந்திபி வத்தப்³ப³ம் ஸியா. ந ஹி பஞ்ஹபுச்ச²கே ஸாவஸேஸா தே³ஸனா அத்தீ²தி. ‘‘அட்டி²ந்த்³ரியா ஸியா அஜ்ஜ²த்தாரம்மணா’’தி ஏத்த² ச ஜீவிதிந்த்³ரியஸ்ஸ ஆகிஞ்சஞ்ஞாயதனகாலே அரூபஸ்ஸ ரூபஸ்ஸ ச அனாரம்மணத்தா நவத்தப்³ப³தா வேதி³தப்³பா³.

பஞ்ஹபுச்ச²கவண்ணனா நிட்டி²தா.

இந்த்³ரியவிப⁴ங்க³வண்ணனா நிட்டி²தா.