2. அபி⁴த⁴ம்மபா⁴ஜனீயவண்ணனா

725. ஸாமஞ்ஞேன வத்வா விஸேஸேன அவுத்தத்தாதி ‘‘தேஸம் விபாகே’’தி யதா²வுத்தகுஸலவிபாகதாதி³ஸாமஞ்ஞேன வத்வா ஸஹேதுகாஹேதுகாதி³விஸேஸேன அவுத்தத்தா, ஸரூபேன நித்³தா⁴ரேத்வா அவுத்தத்தாதி அத்தோ². அவிபாகத்தாதி அவிபாகத⁴ம்மத்தா. யதி³ ஏவந்தி பச்சயபா⁴வதோ லப்³ப⁴மானோபி த⁴ம்மபா⁴வோ அவிபாகத⁴ம்மதாய கிரியானம் யதி³ ந வுத்தோ, ஏவம் ஸதி. ஸதிபி பச்சயுப்பன்னபா⁴வே அவிபாகபா⁴வதோ அத்த²பா⁴வோபி ந வத்தப்³போ³. தேனாஹ ‘‘விபாகா ந ஹோந்தீதி அத்த²பா⁴வோ ச ந வத்தப்³போ³’’தி. ஏவஞ்சேதி யதி³ பச்சயுப்பன்னத்தா கிரியானம் அத்த²பா⁴வோ வுத்தோ. நப்படிஸித்³தோ⁴ இச்சி²தோவாதி அத்தோ². யதி³ ஏவம் கஸ்மா ந வுத்தோதி ஆஹ ‘‘விபாகஸ்ஸ பனா’’திஆதி³. தேஸந்தி குஸலாகுஸலானம், விபாககிரியத⁴ம்மானஞ்ச. அத்த²த⁴ம்மதாதி வுத்தனயேன லப்³ப⁴மானோபி யதா²க்கமம் அத்த²பா⁴வோ, த⁴ம்மபா⁴வோ ச ந வுத்தோ. பச்சயபா⁴வம் ஸத்திவிஸேஸம் ஸனிப்பா²தே³தப்³ப³தந்தி பத³த்தயேனாபி விபாகத⁴ம்மதமேவாஹ. ஸா ஹி விபாகானம் ஹேதுபா⁴வதோ பச்சயபா⁴வோ, தது³ப்பாத³னஸமத்த²தாய ஸத்திவிஸேஸோ, தேஹி ஸக³ப்³பா⁴ விய ஹோதீதி ‘‘ஸனிப்பா²தே³தப்³ப³தா’’தி ச வுச்சதி. தம் பஸ்ஸந்தீ நிப்பா²த³கவிஸேஸாபி நிப்பா²தே³தப்³பா³பேக்கா² ஹோதி த⁴ம்மபடிஸம்பி⁴தா³. தம்ஸம்ப³ந்தே⁴னாதி நிப்பா²தே³தப்³ப³ஸம்ப³ந்தே⁴ன. த⁴ம்மபடிஸம்பி⁴த³ம் வத³ந்தேன அத்த²படிஸம்பி⁴தா³பி வுத்தா.

ஸபா⁴வத⁴ம்மே பஞ்ஞத்தி ஸபா⁴வபஞ்ஞத்தீதி ஆஹ ‘‘ந ஸத்தாதி³பஞ்ஞத்தியா’’தி. ஸபா⁴வேன, நிருத்தியேவ வா ஸபா⁴வபஞ்ஞத்தீதி வுத்தாதி ஆஹ ‘‘அவிபரீதபஞ்ஞத்தியா வா’’தி.

746. வோஹாரபூ⁴மிம், அதி⁴க³மபூ⁴மிஞ்ச ஏகஜ்ஜ²ம் கத்வா ஆஹ ‘‘காமாவசரா, லோகுத்தரா ச பூ⁴மி பூ⁴மீ’’தி. சித்துப்பாதா³ வா பவத்திட்டா²னபா⁴வதோ பூ⁴மி.

அபி⁴த⁴ம்மபா⁴ஜனீயவண்ணனா நிட்டி²தா.