2. து³கனித்³தே³ஸவண்ணனா

63. கஸ்ஸசி கிலேஸஸ்ஸ அவிக்க²ம்பி⁴தத்தா கஸ்ஸசி கத²ஞ்சி அவிமுத்தோ காமப⁴வோ அஜ்ஜ²த்தக்³க³ஹணஸ்ஸ விஸேஸபச்சயோதி அஜ்ஜ²த்தம் நாம. தத்த² ப³ந்த⁴னம் அஜ்ஜ²த்தஸம்யோஜனம், தேன ஸம்பயுத்தோ அஜ்ஜ²த்தஸம்யோஜனோ.

83. காரணேன வினா பவத்தஹிதசித்தோ அகாரணவச்ச²லோ. அனாக³தம்பி பயோஜனம் அபேக்க²மானோ புரிமக்³க³ஹிதம் தம் கதம் உபாதா³ய கதஞ்ஞூ ஏவ நாம ஹோதி, ந புப்³ப³காரீதி ஆஹ ‘‘கரிஸ்ஸதி மே’’திஆதி³. தமோஜோதிபராயணோ புஞ்ஞப²லம் அனுபஜீவந்தோ ஏவ புஞ்ஞானி கரோதீதி ‘‘புப்³ப³காரீ’’தி வுத்தோ. ‘‘இணம் தே³மீ’’தி ஸஞ்ஞம் கரோதீதி ஏவம்ஸஞ்ஞம் அகரோந்தோபி கரோந்தோ விய ஹோதீதி அத்தோ².

86. அச்ச²மம்ஸம் லபி⁴த்வா ஸூகரமம்ஸந்தி ந குக்குச்சாயதீதி அச்ச²மம்ஸந்தி ஜானந்தோபி ஸூகரமம்ஸந்தி ந குக்குச்சாயதி, மத்³தி³த்வா வீதிக்கமதீதி வுத்தம் ஹோதி.

90. தித்தோதி நிட்டி²தகிச்சதாய நிருஸ்ஸுக்கோ.

து³கனித்³தே³ஸவண்ணனா நிட்டி²தா.