2-4. பஞ்ஞாஸுத்தாதி³வண்ணனா

2-4. து³தியே ஆதி³ப்³ரஹ்மசரியிகாயாதி ஆதி³ப்³ரஹ்மசரியமேவ ஆதி³ப்³ரஹ்மசரியிகா. தேனாஹ ‘‘மக்³க³ப்³ரஹ்மசரியஸ்ஸ ஆதி³பூ⁴தாயா’’தி. அரியோதி நித்³தோ³ஸோ பரிஸுத்³தோ⁴. துண்ஹீபா⁴வோ ந தித்தி²யானம் மூக³ப்³ப³தக³ஹணம் விய அபரிஸுத்³தோ⁴தி அரியோ துண்ஹீபா⁴வோ. சதுத்த²ஜ்ஜா²னந்தி உக்கட்ட²னித்³தே³ஸேனேதம் வுத்தம், பட²மஜ்ஜா²னாதீ³னிபி அரியோ துண்ஹீபா⁴வோத்வேவ ஸங்க²ம் க³ச்ச²ந்தி. ஜானந்தி இத³ம் கம்மஸாத⁴னந்தி ஆஹ ‘‘ஜானிதப்³ப³கம் ஜானாதீ’’தி. யதா² வா ஏகச்சோ விபரீதம் க³ண்ஹந்தோ ஜானந்தோபி ந ஜானாதி, பஸ்ஸந்தோபி ந பஸ்ஸதி, ந ஏவமயம். அயம் பன ஜானந்தோ ஜானாதி, பஸ்ஸந்தோ பஸ்ஸதீதி ஏவமேத்த² த³ட்ட²ப்³போ³. ததியாதீ³னி ஸுவிஞ்ஞேய்யானி.

பஞ்ஞாஸுத்தாதி³வண்ணனா நிட்டி²தா.