3. குஹகஸுத்தவண்ணனா

83. ததியே தீஹி குஹனவத்தூ²ஹீதி ஸாமந்தஜப்பனஇரியாபத²ஸன்னிஸ்ஸிதபச்சயப்படிஸேவனபே⁴த³தோ திப்பபே⁴தே³ஹி குஹனவத்தூ²ஹி. திவிதே⁴ன குஹனவத்து²னா லோகம் குஹயதி விம்ஹாபயதி ‘‘அஹோ அச்ச²ரியபுரிஸோ’’தி அத்தனி பரேஸம் விம்ஹயம் உப்பாதே³தீதி குஹகோ. லாப⁴ஸக்காரத்தி²கோ ஹுத்வா லபதி அத்தானம் தா³யகம் வா உக்கி²பித்வா யதா² ஸோ கிஞ்சி த³தா³தி, ஏவம் உக்காசேத்வா கதே²தீதி லபகோ. நிமித்தம் ஸீலம் தஸ்ஸாதி நேமித்திகோ, நிமித்தேன வா சரதி, நிமித்தம் வா கரோதீதி நேமித்திகோ. நிமித்தந்தி ச பரேஸம் பச்சயதா³னஸஞ்ஞுப்பாத³கம் காயவசீகம்மம் வுச்சதி. நிப்பேஸோ ஸீலமஸ்ஸாதி நிப்பேஸிகோ. நிப்பிஸதீதி வா நிப்பேஸோ, நிப்பேஸோயேவ நிப்பேஸிகோ. நிப்பேஸோதி ச ஸட²புரிஸோ விய லாப⁴ஸக்காரத்த²ம் அக்கோஸனுப்பண்ட³னபரபிட்டி²மம்ஸிகதாதி³.

குஹகஸுத்தவண்ணனா நிட்டி²தா.