10. உபக்கிலேஸஸுத்தவண்ணனா

50. த³ஸமே உபக்கிலிட்ட²பா⁴வகரணேனாதி மலீனபா⁴வகரணேன. பஞ்சவிதா⁴ய ஸுராய சதுப்³பி³த⁴ஸ்ஸ ச மேரயஸ்ஸாதி ஏத்த² பூவஸுரா, பிட்ட²ஸுரா, ஓத³னஸுரா, கிண்ணபக்கி²த்தா, ஸம்பா⁴ரஸம்யுத்தாதி பஞ்ச ஸுரா. புப்பா²ஸவோ, ப²லாஸவோ, மத்⁴வாஸவோ, கு³ளாஸவோதி சத்தாரோ ஆஸவா, சதுப்³பி³த⁴ம் மேரயம் நாம. தத்த² பூவே பா⁴ஜனே பக்கி²பித்வா தஜ்ஜம் உத³கம் த³த்வா மத்³தி³த்வா கதா பூவஸுரா. ஏவம் ஸேஸஸுராபி. கிண்ணாதி பன தஸ்ஸா ஸுராய பீ³ஜம் வுச்சதி. யே ஸுரா ‘‘மோத³கா’’திபி வுச்சந்தி, தே பக்கி²பித்வா கதா கிண்ணபக்கி²த்தா. தா⁴தகிஆஸவாதி³னானாஸம்பா⁴ரேஹி ஸம்யோஜிதா ஸம்பா⁴ரஸம்யுத்தா.மது⁴கதாலனாளிகேராதி³புப்ப²ரஸோ சிரபரிவாஸிதோ புப்பா²ஸவோ. பனஸாதி³ப²லரஸோ ப²லாஸவோ. முத்³தி³காரஸோ மத்⁴வாஸவோ. உச்சு²ரஸோ கு³ளாஸவோ.

உபக்கிலேஸஸுத்தவண்ணனா நிட்டி²தா.

ரோஹிதஸ்ஸவக்³க³வண்ணனா நிட்டி²தா.

பட²மபண்ணாஸகம் நிட்டி²தம்.