1-10. கிமத்தி²யஸுத்தாதி³வண்ணனா

1-10. ஏகாத³ஸகனிபாதஸ்ஸ பட²மாதீ³னி உத்தானத்தா²னேவ. த³ஸமே ஜனிதஸ்மிந்தி கம்மகிலேஸேஹி நிப்³ப³த்தே, ஜனே ஏதஸ்மிந்தி வா ஜனேதஸ்மிம், மனுஸ்ஸேஸூதி அத்தோ². தேனாஹ ‘‘யே கோ³த்தபடிஸாரினோ’’தி. ஜனிதஸ்மிம்-ஸத்³தோ³ ஏவ வா இ-காரஸ்ஸ ஏ-காரம் கத்வா ‘‘ஜனேதஸ்மி’’ந்தி வுத்தோ. ஜனிதஸ்மிந்தி ச ஜனஸ்மிந்தி அத்தோ² வேதி³தப்³போ³. ஜனிதஸ்மிந்தி ஸாமஞ்ஞக்³க³ஹணேபி யத்த² சதுவண்ணஸமஞ்ஞா, தத்தே²வ மனுஸ்ஸலோகே. க²த்தியோ ஸேட்டோ²தி அயம் லோகஸமஞ்ஞாபி மனுஸ்ஸலோகேயேவ, ந தே³வகாயே ப்³ரஹ்மகாயே வாதி த³ஸ்ஸேதும் ‘‘யே கோ³த்தபடிஸாரினோ’’தி வுத்தம். படிஸரந்தீதி ‘‘அஹம் கோ³தமோ, அஹம் கஸ்ஸபோ’’தி படி படி அத்தனோ கோ³த்தம் அனுஸ்ஸரந்தி படிஜானந்தி வாதி அத்தோ².

கிமத்தி²யஸுத்தாதி³வண்ணனா நிட்டி²தா.

நிஸ்ஸயவக்³க³வண்ணனா நிட்டி²தா.