புக்³க³லத⁴ம்மவாரோ

1. உப்பாத³னிரோத⁴காலஸம்பே⁴த³வாரோ

யஸ்ஸ யம் சித்தம் உப்பஜ்ஜதி ந நிருஜ்ஜ²தி, தஸ்ஸ தம் சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதி. யஸ்ஸ வா பன யம் சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதி, தஸ்ஸ தம் சித்தம் உப்பஜ்ஜதி ந நிருஜ்ஜ²தி.

யஸ்ஸ யம் சித்தம் ந உப்பஜ்ஜதி நிருஜ்ஜ²தி, தஸ்ஸ தம் சித்தம் ந நிருஜ்ஜி²ஸ்ஸதி உப்பஜ்ஜிஸ்ஸதி. யஸ்ஸ வா பன யம் சித்தம் ந நிருஜ்ஜி²ஸ்ஸதி உப்பஜ்ஜிஸ்ஸதி, தஸ்ஸ தம் சித்தம் ந உப்பஜ்ஜதி நிருஜ்ஜ²தி.

2. உப்பாது³ப்பன்னவாரோ

யஸ்ஸ யம் சித்தம் உப்பஜ்ஜதி, தஸ்ஸ தம் சித்தம் உப்பன்னம். யஸ்ஸ வா பன யம் சித்தம் உப்பன்னம், தஸ்ஸ தம் சித்தம் உப்பஜ்ஜதி.

யஸ்ஸ யம் சித்தம் ந உப்பஜ்ஜதி, தஸ்ஸ தம் சித்தம் ந உப்பன்னம். யஸ்ஸ வா பன யம் சித்தம் ந உப்பன்னம், தஸ்ஸ தம் சித்தம் ந உப்பஜ்ஜதி.

3. நிரோது⁴ப்பன்னவாரோ

யஸ்ஸ யம் சித்தம் நிருஜ்ஜ²தி, தஸ்ஸ தம் சித்தம் உப்பன்னம். யஸ்ஸ வா பன யம் சித்தம் உப்பன்னம், தஸ்ஸ தம் சித்தம் நிருஜ்ஜ²தி.

யஸ்ஸ யம் சித்தம் ந நிருஜ்ஜ²தி, தஸ்ஸ தம் சித்தம் ந உப்பன்னம். யஸ்ஸ வா பன யம் சித்தம் ந உப்பன்னம், தஸ்ஸ தம் சித்தம் ந நிருஜ்ஜ²தி.

4. உப்பாத³வாரோ

யஸ்ஸ யம் சித்தம் உப்பஜ்ஜதி, தஸ்ஸ தம் சித்தம் உப்பஜ்ஜித்த². யஸ்ஸ வா பன யம் சித்தம் உப்பஜ்ஜித்த², தஸ்ஸ தம் சித்தம் உப்பஜ்ஜதி.

யஸ்ஸ யம் சித்தம் ந உப்பஜ்ஜதி, தஸ்ஸ தம் சித்தம் ந உப்பஜ்ஜித்த². யஸ்ஸ வா பன யம் சித்தம் ந உப்பஜ்ஜித்த², தஸ்ஸ தம் சித்தம் ந உப்பஜ்ஜதி.

யஸ்ஸ யம் சித்தம் உப்பஜ்ஜதி, தஸ்ஸ தம் சித்தம் உப்பஜ்ஜிஸ்ஸதி. யஸ்ஸ வா பன யம் சித்தம் உப்பஜ்ஜிஸ்ஸதி, தஸ்ஸ தம் சித்தம் உப்பஜ்ஜதி.

யஸ்ஸ யம் சித்தம் ந உப்பஜ்ஜதி, தஸ்ஸ தம் சித்தம் ந உப்பஜ்ஜிஸ்ஸதி. யஸ்ஸ வா பன யம் சித்தம் ந உப்பஜ்ஜிஸ்ஸதி, தஸ்ஸ தம் சித்தம் ந உப்பஜ்ஜதி.

யஸ்ஸ யம் சித்தம் உப்பஜ்ஜித்த², தஸ்ஸ தம் சித்தம் உப்பஜ்ஜிஸ்ஸதி. யஸ்ஸ வா பன யம் சித்தம் உப்பஜ்ஜிஸ்ஸதி, தஸ்ஸ தம் சித்தம் உப்பஜ்ஜித்த².

யஸ்ஸ யம் சித்தம் ந உப்பஜ்ஜித்த², தஸ்ஸ தம் சித்தம் ந உப்பஜ்ஜிஸ்ஸதி. யஸ்ஸ வா பன யம் சித்தம் ந உப்பஜ்ஜிஸ்ஸதி, தஸ்ஸ தம் சித்தம் ந உப்பஜ்ஜித்த².

5. நிரோத⁴வாரோ

யஸ்ஸ யம் சித்தம் நிருஜ்ஜ²தி, தஸ்ஸ தம் சித்தம் நிருஜ்ஜி²த்த². யஸ்ஸ வா பன யம் சித்தம் நிருஜ்ஜி²த்த², தஸ்ஸ தம் சித்தம் நிருஜ்ஜ²தி.

யஸ்ஸ யம் சித்தம் ந நிருஜ்ஜ²தி, தஸ்ஸ தம் சித்தம் ந நிருஜ்ஜி²த்த². யஸ்ஸ வா பன யம் சித்தம் ந நிருஜ்ஜி²த்த², தஸ்ஸ தம் சித்தம் ந நிருஜ்ஜ²தி.

யஸ்ஸ யம் சித்தம் நிருஜ்ஜ²தி, தஸ்ஸ தம் சித்தம் நிருஜ்ஜி²ஸ்ஸதி. யஸ்ஸ வா பன யம் சித்தம் நிருஜ்ஜி²ஸ்ஸதி, தஸ்ஸ தம் சித்தம் நிருஜ்ஜ²தி.

யஸ்ஸ யம் சித்தம் ந நிருஜ்ஜ²தி, தஸ்ஸ தம் சித்தம் ந நிருஜ்ஜி²ஸ்ஸதி. யஸ்ஸ வா பன யம் சித்தம் ந நிருஜ்ஜி²ஸ்ஸதி, தஸ்ஸ தம் சித்தம் ந நிருஜ்ஜ²தி.

யஸ்ஸ யம் சித்தம் நிருஜ்ஜி²த்த², தஸ்ஸ தம் சித்தம் நிருஜ்ஜி²ஸ்ஸதி. யஸ்ஸ வா பன யம் சித்தம் நிருஜ்ஜி²ஸ்ஸதி, தஸ்ஸ தம் சித்தம் நிருஜ்ஜி²த்த².

யஸ்ஸ யம் சித்தம் ந நிருஜ்ஜி²த்த², தஸ்ஸ தம் சித்தம் ந நிருஜ்ஜி²ஸ்ஸதி. யஸ்ஸ வா பன யம் சித்தம் ந நிருஜ்ஜி²ஸ்ஸதி, தஸ்ஸ தம் சித்தம் ந நிருஜ்ஜி²த்த².

6. உப்பாத³னிரோத⁴வாரோ

யஸ்ஸ யம் சித்தம் உப்பஜ்ஜதி, தஸ்ஸ தம் சித்தம் நிருஜ்ஜி²த்த². யஸ்ஸ வா பன யம் சித்தம் நிருஜ்ஜி²த்த², தஸ்ஸ தம் சித்தம் உப்பஜ்ஜதி.

யஸ்ஸ யம் சித்தம் ந உப்பஜ்ஜதி, தஸ்ஸ தம் சித்தம் ந நிருஜ்ஜி²த்த². யஸ்ஸ வா பன யம் சித்தம் ந நிருஜ்ஜி²த்த², தஸ்ஸ தம் சித்தம் ந உப்பஜ்ஜதி.

யஸ்ஸ யம் சித்தம் உப்பஜ்ஜதி, தஸ்ஸ தம் சித்தம் நிருஜ்ஜி²ஸ்ஸதி. யஸ்ஸ வா பன யம் சித்தம் நிருஜ்ஜி²ஸ்ஸதி, தஸ்ஸ தம் சித்தம் உப்பஜ்ஜதி.

யஸ்ஸ யம் சித்தம் ந உப்பஜ்ஜதி, தஸ்ஸ தம் சித்தம் ந நிருஜ்ஜி²ஸ்ஸதி. யஸ்ஸ வா பன யம் சித்தம் ந நிருஜ்ஜி²ஸ்ஸதி, தஸ்ஸ தம் சித்தம் ந உப்பஜ்ஜதி.

யஸ்ஸ யம் சித்தம் உப்பஜ்ஜித்த², தஸ்ஸ தம் சித்தம் நிருஜ்ஜி²ஸ்ஸதி. யஸ்ஸ வா பன யம் சித்தம் நிருஜ்ஜி²ஸ்ஸதி, தஸ்ஸ தம் சித்தம் உப்பஜ்ஜித்த².

யஸ்ஸ யம் சித்தம் ந உப்பஜ்ஜித்த², தஸ்ஸ தம் சித்தம் ந நிருஜ்ஜி²ஸ்ஸதி. யஸ்ஸ வா பன யம் சித்தம் ந நிருஜ்ஜி²ஸ்ஸதி, தஸ்ஸ தம் சித்தம் ந உப்பஜ்ஜித்த².

7. உப்பஜ்ஜமானனனிரோத⁴வாரோ

யஸ்ஸ யம் சித்தம் உப்பஜ்ஜதி, தஸ்ஸ தம் சித்தம் ந நிருஜ்ஜ²தி. யஸ்ஸ வா பன யம் சித்தம் ந நிருஜ்ஜ²தி, தஸ்ஸ தம் சித்தம் உப்பஜ்ஜதி.

யஸ்ஸ யம் சித்தம் ந உப்பஜ்ஜதி, தஸ்ஸ தம் சித்தம் நிருஜ்ஜ²தி. யஸ்ஸ வா பன யம் சித்தம் நிருஜ்ஜ²தி, தஸ்ஸ தம் சித்தம் ந உப்பஜ்ஜதி.

8. உப்பஜ்ஜமானுப்பன்னவாரோ

யஸ்ஸ யம் சித்தம் உப்பஜ்ஜமானம், தஸ்ஸ தம் சித்தம் உப்பன்னம். யஸ்ஸ வா பன யம் சித்தம் உப்பன்னம், தஸ்ஸ தம் சித்தம் உப்பஜ்ஜமானம்.

யஸ்ஸ யம் சித்தம் ந உப்பஜ்ஜமானம், தஸ்ஸ தம் சித்தம் ந உப்பன்னம். யஸ்ஸ வா பன யம் சித்தம் ந உப்பன்னம், தஸ்ஸ தம் சித்தம் ந உப்பஜ்ஜமானம்.

9. நிருஜ்ஜ²மானுப்பன்னவாரோ

யஸ்ஸ யம் சித்தம் நிருஜ்ஜ²மானம், தஸ்ஸ தம் சித்தம் உப்பன்னம். யஸ்ஸ வா பன யம் சித்தம் உப்பன்னம், தஸ்ஸ தம் சித்தம் நிருஜ்ஜ²மானம்.

யஸ்ஸ யம் சித்தம் ந நிருஜ்ஜ²மானம், தஸ்ஸ தம் சித்தம் ந உப்பன்னம். யஸ்ஸ வா பன யம் சித்தம் ந உப்பன்னம், தஸ்ஸ தம் சித்தம் ந நிருஜ்ஜ²மானம்.

10. உப்பன்னுப்பாத³வாரோ

யஸ்ஸ யம் சித்தம் உப்பன்னம், தஸ்ஸ தம் சித்தம் உப்பஜ்ஜித்த². யஸ்ஸ வா பன யம் சித்தம் உப்பஜ்ஜித்த², தஸ்ஸ தம் சித்தம் உப்பன்னம்.

யஸ்ஸ யம் சித்தம் ந உப்பன்னம், தஸ்ஸ தம் சித்தம் ந உப்பஜ்ஜித்த². யஸ்ஸ வா பன யம் சித்தம் ந உப்பஜ்ஜித்த², தஸ்ஸ தம் சித்தம் ந உப்பன்னம்.

யஸ்ஸ யம் சித்தம் உப்பன்னம், தஸ்ஸ தம் சித்தம் உப்பஜ்ஜிஸ்ஸதி. யஸ்ஸ வா பன யம் சித்தம் உப்பஜ்ஜிஸ்ஸதி, தஸ்ஸ தம் சித்தம் உப்பன்னம்.

யஸ்ஸ யம் சித்தம் ந உப்பன்னம், தஸ்ஸ தம் சித்தம் ந உப்பஜ்ஜிஸ்ஸதி, யஸ்ஸ வா பன யம் சித்தம் ந உப்பஜ்ஜிஸ்ஸதி, தஸ்ஸ தம் சித்தம் ந உப்பன்னம்.

11. அதீதானாக³தவாரோ

யஸ்ஸ யம் சித்தம் உப்பஜ்ஜித்த², நோ ச தஸ்ஸ தம் சித்தம் உப்பன்னம், தஸ்ஸ தம் சித்தம் உப்பஜ்ஜிஸ்ஸதி. யஸ்ஸ வா பன யம் சித்தம் உப்பஜ்ஜிஸ்ஸதி, நோ ச தஸ்ஸ தம் சித்தம் உப்பன்னம், தஸ்ஸ தம் சித்தம் உப்பஜ்ஜித்த².

யஸ்ஸ யம் சித்தம் ந உப்பஜ்ஜித்த², நோ ச தஸ்ஸ தம் சித்தம் ந உப்பன்னம், தஸ்ஸ தம் சித்தம் ந உப்பஜ்ஜிஸ்ஸதி. யஸ்ஸ வா பன யம் சித்தம் ந உப்பஜ்ஜிஸ்ஸதி, நோ ச தஸ்ஸ தம் சித்தம் ந உப்பன்னம், தஸ்ஸ தம் சித்தம் ந உப்பஜ்ஜித்த².

12. உப்பன்னுப்பஜ்ஜமானவாரோ

உப்பன்னம் உப்பஜ்ஜமானம், உப்பஜ்ஜமானம் உப்பன்னம்.

ந உப்பன்னம் ந உப்பஜ்ஜமானம், ந உப்பஜ்ஜமானம் ந உப்பன்னம்.

13. நிருத்³த⁴னிருஜ்ஜ²மானவாரோ

நிருத்³த⁴ம் நிருஜ்ஜ²மானம், நிருஜ்ஜ²மானம் நிருத்³த⁴ம்.

ந நிருத்³த⁴ம் ந நிருஜ்ஜ²மானம், ந நிருஜ்ஜ²மானம் ந நிருத்³த⁴ம்.

14. அதிக்கந்தகாலவாரோ

யஸ்ஸ யம் சித்தம் உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம், நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம் தஸ்ஸ தம் சித்தம். யஸ்ஸ வா பன யம் சித்தம் நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம், உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம் தஸ்ஸ தம் சித்தம்.

யஸ்ஸ யம் சித்தம் ந உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம், ந நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம் தஸ்ஸ தம் சித்தம். யஸ்ஸ வா பன யம் சித்தம் ந நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம், ந உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம் தஸ்ஸ தம் சித்தம்.

ஸுத்தந்தசித்தமிஸ்ஸகவிஸேஸோ

யஸ்ஸ ஸராக³ம் சித்தம் உப்பஜ்ஜதி…பே… யஸ்ஸ வீதராக³ம் சித்தம் உப்பஜ்ஜதி. யஸ்ஸ ஸதோ³ஸம் சித்தம் உப்பஜ்ஜதி. யஸ்ஸ வீததோ³ஸம் சித்தம் உப்பஜ்ஜதி. யஸ்ஸ ஸமோஹம் சித்தம் உப்பஜ்ஜதி. யஸ்ஸ வீதமோஹம் சித்தம் உப்பஜ்ஜதி. யஸ்ஸ ஸம்கி²த்தம் சித்தம் உப்பஜ்ஜதி. யஸ்ஸ விக்கி²த்தம் சித்தம் உப்பஜ்ஜதி. யஸ்ஸ மஹக்³க³தம் சித்தம் உப்பஜ்ஜதி. யஸ்ஸ அமஹக்³க³தம் சித்தம் உப்பஜ்ஜதி. யஸ்ஸ ஸஉத்தரம் சித்தம் உப்பஜ்ஜதி. யஸ்ஸ அனுத்தரம் சித்தம் உப்பஜ்ஜதி. யஸ்ஸ ஸமாஹிதம் சித்தம் உப்பஜ்ஜதி. யஸ்ஸ அஸமாஹிதம் சித்தம் உப்பஜ்ஜதி. யஸ்ஸ விமுத்தம் சித்தம் உப்பஜ்ஜதி. யஸ்ஸ அவிமுத்தம் சித்தம் உப்பஜ்ஜதி.

அபி⁴த⁴ம்மசித்தமிஸ்ஸகவிஸேஸோ

யஸ்ஸ குஸலம் சித்தம் உப்பஜ்ஜதி…பே… யஸ்ஸ அகுஸலம் சித்தம் உப்பஜ்ஜதி. யஸ்ஸ அப்³யாகதம் சித்தம் உப்பஜ்ஜதி. யஸ்ஸ ஸுகா²ய வேத³னாய ஸம்பயுத்தம் சித்தம் உப்பஜ்ஜதி.

(ஏதேன உபாயேன யாவ ஸரணஅரணா உத்³த⁴ரிதப்³பா³.)

யஸ்ஸ அரணம் சித்தம் உப்பஜ்ஜதி ந நிருஜ்ஜ²தி, தஸ்ஸ அரணம் சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதி. யஸ்ஸ வா பன அரணம் சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதி, தஸ்ஸ அரணம் சித்தம் உப்பஜ்ஜதி ந நிருஜ்ஜ²தி.

சித்தயமகமாதிகா நிட்டி²தா.