த⁴ம்மவாரோ

1. உப்பாத³னிரோத⁴காலஸம்பே⁴த³வாரோ

யம் சித்தம் உப்பஜ்ஜதி ந நிருஜ்ஜ²தி, தம் சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதி. யம் வா பன சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதி, தம் சித்தம் உப்பஜ்ஜதி ந நிருஜ்ஜ²தி.

யம் சித்தம் ந உப்பஜ்ஜதி நிருஜ்ஜ²தி, தம் சித்தம் ந நிருஜ்ஜி²ஸ்ஸதி உப்பஜ்ஜிஸ்ஸதி. யம் வா பன சித்தம் ந நிருஜ்ஜி²ஸ்ஸதி உப்பஜ்ஜிஸ்ஸதி, தம் சித்தம் ந உப்பஜ்ஜதி நிருஜ்ஜ²தி.

2. உப்பாது³ப்பன்னவாரோ

யம் சித்தம் உப்பஜ்ஜதி, தம் சித்தம் உப்பன்னம். யம் வா பன சித்தம் உப்பன்னம், தம் சித்தம் உப்பஜ்ஜதி.

யம் சித்தம் ந உப்பஜ்ஜதி, தம் சித்தம் ந உப்பன்னம். யம் வா பன சித்தம் ந உப்பன்னம், தம் சித்தம் ந உப்பஜ்ஜதி.

3. நிரோது⁴ப்பன்னவாரோ

யம் சித்தம் நிருஜ்ஜ²தி, தம் சித்தம் உப்பன்னம். யம் வா பன சித்தம் உப்பன்னம், தம் சித்தம் நிருஜ்ஜ²தி.

யம் சித்தம் ந நிருஜ்ஜ²தி, தம் சித்தம் ந உப்பன்னம். யம் வா பன சித்தம் ந உப்பன்னம், தம் சித்தம் ந நிருஜ்ஜ²தி.

4. உப்பாத³வாரோ

யம் சித்தம் உப்பஜ்ஜதி, தம் சித்தம் உப்பஜ்ஜித்த². யம் வா பன சித்தம் உப்பஜ்ஜித்த², தம் சித்தம் உப்பஜ்ஜதி.

யம் சித்தம் ந உப்பஜ்ஜதி, தம் சித்தம் ந உப்பஜ்ஜித்த². யம் வா பன சித்தம் ந உப்பஜ்ஜித்த², தம் சித்தம் ந உப்பஜ்ஜதி.

யம் சித்தம் உப்பஜ்ஜதி, தம் சித்தம் உப்பஜ்ஜிஸ்ஸதி. யம் வா பன சித்தம் உப்பஜ்ஜிஸ்ஸதி, தம் சித்தம் உப்பஜ்ஜதி.

யம் சித்தம் ந உப்பஜ்ஜதி, தம் சித்தம் ந உப்பஜ்ஜிஸ்ஸதி. யம் வா பன சித்தம் ந உப்பஜ்ஜிஸ்ஸதி, தம் சித்தம் ந உப்பஜ்ஜதி.

யம் சித்தம் உப்பஜ்ஜித்த², தம் சித்தம் உப்பஜ்ஜிஸ்ஸதி. யம் வா பன சித்தம் உப்பஜ்ஜிஸ்ஸதி, தம் சித்தம் உப்பஜ்ஜித்த².

யம் சித்தம் ந உப்பஜ்ஜித்த², தம் சித்தம் ந உப்பஜ்ஜிஸ்ஸதி. யம் வா பன சித்தம் ந உப்பஜ்ஜிஸ்ஸதி, தம் சித்தம் ந உப்பஜ்ஜித்த².

5. நிரோத⁴வாரோ

யம் சித்தம் நிருஜ்ஜ²தி, தம் சித்தம் நிருஜ்ஜி²த்த². யம் வா பன சித்தம் நிருஜ்ஜி²த்த², தம் சித்தம் நிருஜ்ஜ²தி.

யம் சித்தம் ந நிருஜ்ஜ²தி, தம் சித்தம் ந நிருஜ்ஜி²த்த². யம் வா பன சித்தம் ந நிருஜ்ஜி²த்த², தம் சித்தம் ந நிருஜ்ஜ²தி.

யம் சித்தம் நிருஜ்ஜ²தி, தம் சித்தம் நிருஜ்ஜி²ஸ்ஸதி. யம் வா பன சித்தம் நிருஜ்ஜி²ஸ்ஸதி, தம் சித்தம் நிருஜ்ஜ²தி.

யம் சித்தம் ந நிருஜ்ஜ²தி, தம் சித்தம் ந நிருஜ்ஜி²ஸ்ஸதி. யம் வா பன சித்தம் ந நிருஜ்ஜி²ஸ்ஸதி, தம் சித்தம் ந நிருஜ்ஜ²தி.

யம் சித்தம் நிருஜ்ஜி²த்த², தம் சித்தம் நிருஜ்ஜி²ஸ்ஸதி. யம் வா பன சித்தம் நிருஜ்ஜி²ஸ்ஸதி, தம் சித்தம் நிருஜ்ஜி²த்த².

யம் சித்தம் ந நிருஜ்ஜி²த்த², தம் சித்தம் ந நிருஜ்ஜி²ஸ்ஸதி. யம் வா பன சித்தம் ந நிருஜ்ஜி²ஸ்ஸதி, தம் சித்தம் ந நிருஜ்ஜி²த்த².

6. உப்பாத³னிரோத⁴வாரோ

யம் சித்தம் உப்பஜ்ஜதி, தம் சித்தம் நிருஜ்ஜி²த்த². யம் வா பன சித்தம் நிருஜ்ஜி²த்த², தம் சித்தம் உப்பஜ்ஜதி.

யம் சித்தம் ந உப்பஜ்ஜதி, தம் சித்தம் ந நிருஜ்ஜி²த்த². யம் வா பன சித்தம் ந நிருஜ்ஜி²த்த², தம் சித்தம் ந உப்பஜ்ஜதி.

யம் சித்தம் உப்பஜ்ஜதி, தம் சித்தம் நிருஜ்ஜி²ஸ்ஸதி. யம் வா பன சித்தம் நிருஜ்ஜி²ஸ்ஸதி, தம் சித்தம் உப்பஜ்ஜதி.

யம் சித்தம் ந உப்பஜ்ஜதி, தம் சித்தம் ந நிருஜ்ஜி²ஸ்ஸதி. யம் வா பன சித்தம் ந நிருஜ்ஜி²ஸ்ஸதி, தம் சித்தம் ந உப்பஜ்ஜதி.

யம் சித்தம் உப்பஜ்ஜித்த², தம் சித்தம் நிருஜ்ஜி²ஸ்ஸதி. யம் வா பன சித்தம் நிருஜ்ஜி²ஸ்ஸதி, தம் சித்தம் உப்பஜ்ஜித்த².

யம் சித்தம் ந உப்பஜ்ஜித்த², தம் சித்தம் ந நிருஜ்ஜி²ஸ்ஸதி. யம் வா பன சித்தம் ந நிருஜ்ஜி²ஸ்ஸதி, தம் சித்தம் ந உப்பஜ்ஜித்த².

7. உப்பஜ்ஜமானனனிரோத⁴வாரோ

யம் சித்தம் உப்பஜ்ஜதி, தம் சித்தம் ந நிருஜ்ஜ²தி. யம் வா பன சித்தம் ந நிருஜ்ஜ²தி, தம் சித்தம் உப்பஜ்ஜதி.

யம் சித்தம் ந உப்பஜ்ஜதி, தம் சித்தம் நிருஜ்ஜ²தி. யம் வா பன சித்தம் நிருஜ்ஜ²தி, தம் சித்தம் ந உப்பஜ்ஜதி.

8. உப்பஜ்ஜமானுப்பன்னவாரோ

யம் சித்தம் உப்பஜ்ஜமானம், தம் சித்தம் உப்பன்னம். யம் வா பன சித்தம் உப்பன்னம், தம் சித்தம் உப்பஜ்ஜமானம்.

யம் சித்தம் ந உப்பஜ்ஜமானம், தம் சித்தம் ந உப்பன்னம். யம் வா பன சித்தம் ந உப்பன்னம், தம் சித்தம் ந உப்பஜ்ஜமானம்.

9. நிருஜ்ஜ²மானுப்பன்னவாரோ

யம் சித்தம் நிருஜ்ஜ²மானம், தம் சித்தம் உப்பன்னம். யம் வா பன சித்தம் உப்பன்னம், தம் சித்தம் நிருஜ்ஜ²மானம்.

யம் சித்தம் ந நிருஜ்ஜ²மானம், தம் சித்தம் ந உப்பன்னம். யம் வா பன சித்தம் ந உப்பன்னம், தம் சித்தம் ந நிருஜ்ஜ²மானம்.

10. உப்பன்னுப்பாத³வாரோ

யம் சித்தம் உப்பன்னம், தம் சித்தம் உப்பஜ்ஜித்த². யம் வா பன சித்தம் உப்பஜ்ஜித்த², தம் சித்தம் உப்பன்னம்.

யம் சித்தம் ந உப்பன்னம், தம் சித்தம் ந உப்பஜ்ஜித்த². யம் வா பன சித்தம் ந உப்பஜ்ஜித்த², தம் சித்தம் ந உப்பன்னம்.

யம் சித்தம் உப்பன்னம், தம் சித்தம் உப்பஜ்ஜிஸ்ஸதி. யம் வா பன சித்தம் உப்பஜ்ஜிஸ்ஸதி, தம் சித்தம் உப்பன்னம்.

யம் சித்தம் ந உப்பன்னம், தம் சித்தம் ந உப்பஜ்ஜிஸ்ஸதி. யம் வா பன சித்தம் ந உப்பஜ்ஜிஸ்ஸதி, தம் சித்தம் ந உப்பன்னம்.

11. அதீதானாக³தவாரோ

யம் சித்தம் உப்பஜ்ஜித்த², நோ ச தம் சித்தம் உப்பன்னம், தம் சித்தம் உப்பஜ்ஜிஸ்ஸதி. யம் வா பன சித்தம் உப்பஜ்ஜிஸ்ஸதி, நோ ச தம் சித்தம் உப்பன்னம், தம் சித்தம் உப்பஜ்ஜித்த².

யம் சித்தம் ந உப்பஜ்ஜித்த², நோ ச தம் சித்தம் ந உப்பன்னம், தம் சித்தம் ந உப்பஜ்ஜிஸ்ஸதி. யம் வா பன சித்தம் ந உப்பஜ்ஜிஸ்ஸதி, நோ ச தம் சித்தம் ந உப்பன்னம், தம் சித்தம் ந உப்பஜ்ஜித்த².

12. உப்பன்னுப்பஜ்ஜமானவாரோ

உப்பன்னம் உப்பஜ்ஜமானம், உப்பஜ்ஜமானம் உப்பன்னம்.

ந உப்பன்னம் ந உப்பஜ்ஜமானம், ந உப்பஜ்ஜமானம் ந உப்பன்னம்.

13. நிருத்³த⁴னிருஜ்ஜ²மானவாரோ

நிருத்³த⁴ம் நிருஜ்ஜ²மானம், நிருஜ்ஜ²மானம் நிருத்³த⁴ம்.

ந நிருத்³த⁴ம் ந நிருஜ்ஜ²மானம், ந நிருஜ்ஜ²மானம் ந நிருத்³த⁴ம்.

14. அதிக்கந்தகாலவாரோ

யம் சித்தம் உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம், நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம் தம் சித்தம். யம் வா பன சித்தம் நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம், உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம் தம் சித்தம்.

யம் சித்தம் ந உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம், ந நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம் தம் சித்தம். யம் வா பன சித்தம் ந நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம், ந உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம் தம் சித்தம்.