6. து³தியப²லஸுத்தம்

838. ‘‘சத்தாரோமே, பி⁴க்க²வே, இத்³தி⁴பாதா³. கதமே சத்தாரோ? இத⁴, பி⁴க்க²வே, பி⁴க்கு² ச²ந்த³ஸமாதி⁴ப்பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி, வீரியஸமாதி⁴…பே… சித்தஸமாதி⁴ …பே… வீமம்ஸாஸமாதி⁴ப்பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி – இமே கோ², பி⁴க்க²வே, சத்தாரோ இத்³தி⁴பாதா³. இமேஸம் கோ², பி⁴க்க²வே, சதுன்னம் இத்³தி⁴பாதா³னம் பா⁴விதத்தா ப³ஹுலீகதத்தா ஸத்த ப²லா ஸத்தானிஸம்ஸா பாடிகங்கா².

‘‘கதமே ஸத்த ப²லா ஸத்தானிஸம்ஸா? தி³ட்டே²வ த⁴ம்மே படிகச்ச [படிக³ச்ச (ஸீ.), படிஹச்ச (பீ.)] அஞ்ஞம் ஆராதே⁴தி நோ சே தி³ட்டே²வ த⁴ம்மே படிகச்ச அஞ்ஞம் ஆராதே⁴தி; அத² மரணகாலே அஞ்ஞம் ஆராதே⁴தி, நோ சே தி³ட்டே²வ த⁴ம்மே படிகச்ச அஞ்ஞம் ஆராதே⁴தி, நோ சே மரணகாலே அஞ்ஞம் ஆராதே⁴தி; அத² பஞ்சன்னம் ஓரம்பா⁴கி³யானம் ஸம்யோஜனானம் பரிக்க²யா அந்தராபரினிப்³பா³யீ ஹோதி, உபஹச்சபரினிப்³பா³யீ ஹோதி, அஸங்கா²ரபரினிப்³பா³யீ ஹோதி, ஸஸங்கா²ரபரினிப்³பா³யீ ஹோதி, உத்³த⁴ம்ஸோதோ ஹோதி அகனிட்ட²கா³மீ. இமேஸம் கோ², பி⁴க்க²வே, சதுன்னம் இத்³தி⁴பாதா³னம் பா⁴விதத்தா ப³ஹுலீகதத்தா இமே ஸத்த ப²லா ஸத்தானிஸம்ஸா பாடிகங்கா²’’தி. ச²ட்ட²ம்.